Временска прогноза
Моќен циклон викендов ќе донесе обилни дождови кои од запад ќе се прошират на секаде во Македонија, детали во продолжение..

Во следните часови, односно во текот на денешното попладне и тоа поради влијанието на моќниот Џеновски циклон, од запад ќе започнат обилни врнежи од дожд и во вечерните часови, како и во текот на ноќеска према сабота, но и преку ден ќе се прошират насекаде низ Македонија и локално ќе бидат проследени со грмежи.
На многу места ќе наврне значително количество на воден талог (над 30 л/м2 воден талог, локално и над 50 литри дожд).
Не се исклучува можноста за локално поголемо невреме со олуен ветер, силни електрични празнења, обилни врнежи од дожд па дури и со појава на град.
Во следниот период ќе дува засилен, повремено силен ветер од јужен правец (локално со брзина од 60 до 80 км/час).
Во Скопје и околината исто така очекуваме поинтензивни врнежи од дожд, проследени со засилен ветер од јужен правец, а можна е и појава на грмежи.
Температурите иако за неколку степени пониски, сепак остануваат релативно натрпосечни високи и ќе се искачуваат во интервалот од 15 до 21 степени.
Само во сабота ќе биде посвежо со температури кој ќе се искачуваат во интервалот од 12 до 20 степени.
Наутро, барем одсега гледано во првата половина од овој месец не се очекува појава на минусни температури и на мраз, што значи продолжуваат натпросечно високите температури, иако кон средината на следната седмица се очекува помало заладување на времето (ништо сериозно).
Инаку целиот регион е под закана на моќниот Џеновски циклон кој ќе донесе силно невреме, а можни се и локални поројни поплави.
Посеверните, како и северозападните предели од европа исто така се зафатени од силно невреме и моќен циклон од Атлантикот. Таму дуваат ветришта со брзина дури до 200 км/час, вели Славчо Попоски
Временска прогноза
Конечно очекуваните летни температури на повидок во Македонија, ова се информациите

Територијата на Република Македонија полека потпаѓа под влијание на најавениот прв топлотен Африкански бран за оваа сезона. Температурите на воздухот започнуваат постепено да растат од викендов.
Во периодот од 2 јуни (понеделник) до 8 јуни (недела) ќе имаме многу топло време, а особено топло ќе биде од средината на следната седмица, кога температурите на повеќе места ќе надминуваат 30 степени, додека во Повардарието температурите ќе надминуваат и 35 степени, што значи дека пред нас е првиот поголем топол Африкански бран за оваа сезона.
На метеоролошката карта можеме да видиме дека целиот Балкански Полуостров ќе биде зафатен од овој Африкански топол бран и истиот ќе услови високи температури на воздухот насекаде во регионот.
Што се однесува пак до врнежите, следната седмица речиси и дека ќе ги немаме, односно, времето ќе биде многу постабилно и посуво, со многу повеќе сончеви периоди. Сепак, можни се сосема мали исклучоци, поточно, ќе има услови за повремено и сосема мало локално дестабилизирање на атмосферата, па така локално во нашата Македонија ќе има услови за сосема краткораен дожд.
Лубителите на летото и на летните температури на воздухот конечно си доаѓаат на своето, што значи дека истите ќе уживаат во летното топло време, информираше Славчо Попоски.
Временска прогноза
Конечно убави вести за временската прогноза, еве кога доаѓаат летните температури

Територијата на Република Македонија во периодот од 2 јуни (понеделник) па се до 8 јуни (недела) ќе биде зафатена од првиот поголем топлотен бран од Африка за оваа сезона.
Во ваква ситуација, температурите на воздухот ќе бележат голем пораст, а времето ќе биде многу постабилно и релативно суво. Сепак, можни се сосема мали исклучоци, односно, ќе има услови за сосема мало и краткотрајно дестабилизирање на атмосферата, кое може да услови локална појава на сосема краткотраен дожд.
И во Скопје и околината во погоре споменатиот период температурите ќе бележат голем пораст, а времето ќе биде претежно стабилно, суво и со многу повеќе сончеви периоди.
Температурите на воздухот во текот на следната седмица ќе бидат прави летни и ќе се искачуваат во интервалот од 26 до 33 степени, додека од средината на следната седмица температурите во Повардарието ќе надминуваат 35 степени. И во Скопје и околината температурата во текот на следната седмица ќе надминува 30 степени, додека од средината на истата температурата ќе се искачи до околу, па и ќе надминува 35 степени, рано утрово информираше Славчо Попоски.
Временска прогноза
Доаѓа прилив на Африкански бран кој ги носи посакуваните летни температури

Сепак, според последните метеоролошки информации почнувајќи од викендов, особено од недела (1 јуни) во Македонија ќе започне приливот на топол воздух со потекло од Африка. Во ваква ситуација температурите значително ќе бидат во пораст, што значи дека, конечно може да очекуваме летни температури на воздухот.
Инаку, за време на викендот, односно во сабота и недела (31 мај/1 јуни) времето во Македнија ќе биде сончево со мала до умерена облачност а ќе дува и слаб до умерен ветер од северен правец. Ќе има услови и за ретка појава на краткотраен дожд со ретки грмежи.
И во Скопје и околината, за време на викендот ќе започне порастот на температурите на воздухот, а времето ќе биде претежно стабилно, суво и сончево со мала облачност и со слаб до умерен ветер од северен правец.
Температурите, како што погоре напоменав, особено од недела (1 јуни) ќе бидат летни и во значителен пораст и ќе се искачуваат во интервалот од 20 до 28 степени.
Во Скопје и околината температурата за време на викендот ќе се искачи до околу 27 степени, информира Славчо Попоски.
-
Кичево1 ден
Предмалку на „11-ти септември“ во Кичево се случила сообраќајка помеѓу две патнички моторни возила, причинета е само материјална штета
-
Хороскоп1 ден
Хороскоп за сабота (31 мај)
-
Кичево7 часа
(ФОТО) Кога молкот стана глас, а гласот – сила: Кичево денес гласно ја кажа приказната на жените
-
Кичево7 часа
Кичевчани со мирен собир ќе оддадат почит за Отец Партениј, за неговите 30 години посветени во монашкиот живот
-
Македонија2 дена
Граѓани најавија протест за изборот на митрополит на Дебарско-кичевската епархија, велат: „МПЦ-ОА има Устав, со критериуми“
-
Спорт1 ден
Кога решителноста го надминува системот, се создаваат вистински херои, кичевчанецот Милошевски доби највисока судиска лиценца од Панамериканската Карате Федерација
-
Македонија2 дена
Пронајдено товарното возило од АРМ кое пред еден месец беше пријавено за одземено од авто сервис
-
Временска прогноза2 дена
Конечно убави вести за временската прогноза, еве кога доаѓаат летните температури