По повод денот на независноста во централното градско подрачје во Скопје на 08.09.2021 (среда) ќе се одржи централна прослава “30 години независност”. Поради генерална проба за настанот, на 05.09.2021 (недела), од 07,30 до 12,30 и од 15,30 до 20,00 часот затворени за сообраќај ќе бидат: -бул.”Кочо Рацин” на потег од крстосницата со бул.”Кузман Јосифовски Питу” до ул.”Кирил и Методиј”. – ул.“11 Октомври ” на потег од ул.”Крушевска Република” до ул.”Димитрие Чуповски”. -ул.”Филип Втори” на потег од бул.”Гоце Делчев” до ул.”11 –ти Октомври”. -Кеј “13–ти Ноември” на потег од ул.”Филип Втори “до бул.”Кочо Рацин”. -ул.”Мирче Ацев” на потег од ул.”Филип Втори “до бул.”Кочо Рацин”. -ул.”Димитрија Чуповски” на потег од порта Македонија до бул.”Климент Охридски” и – ул.”Даме Груев” од крстосница со ул.”Македонија” до ул.”11-ти Октомври”

Одделението за безбедност на патниот сообраќај при Секторот за внатрешни работи Скопје ќе преземе мерки за посебен режим на сообраќајот по овие улици, при што сообраќајот ќе се пренасочува по околните сообраќајници. Секторот за внатрешни работи Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот, со цел безбедност на сите учесници во сообраќајот.

Министерството за внатрешни работи во текот на вчерашниот ден (03.09.2021) продолжи со засилените акциски контроли во областа на сообраќајот.

На територијата на град Скопје изречени се вкупно 152 мерки, меѓу кои за возење повеќе од дозволената брзина 36 санкции, 16 за возење без возачка дозвола, три за управување под дејство на алкохол, 8 за користење мобилен телефон, 9 за некористиње на сигурносен појас, две за минување на црвено светло, 7 за нерегистрирани и технички неисправни возила и 37 за непрописно паркирање.

Засилените акциски контроли продолжуваат. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

На 24.08.2021 во 23.30 часот во СВР Скопје, Е.Б.(33) од Скопје пријавил дека, додека се движел пеш по сервисна улица помеѓу ул.„Македонско-косовска бригада“ и ул.„Џон Кенеди“, едно лице испукало неколку пати од пиштол кон него, но не го погодило.

Полициски службеници излегле на местото и констатирале дека две зрна завршиле во угостителски објект, едно во објект на бензинска пумпа и едно во помошна просторија на пумпата.

Повредени нема, а извршен бил увид и се преземаат мерки за расчистување на случајот.

Извор: МВР