Автомобили
Му здодеал екранот на допир – инсталирал дугмиња на Tesla (ВИДЕО)

Многу возачи би ја поздравиле ваквата модификација.
This Chinese guy made a panel of physical buttons connected to the control unit port in his Tesla. You have buttons for pretty much every major function. This device completely defeats the purpose of minimalism. What do you think? pic.twitter.com/hngjS7Fgq3
— Ray (@ray4tesla) October 19, 2023
Иако на прв поглед изгледа како технолошки чекор наназад, идејата на овој Кинез има смисла од аспект на ергономијата, како и безбедноста при возење. Имено, се повеќе се слушаат гласовите на возачите, експертите, но и шефовите на автомобилските компании, кои предупредуваат на проблемот со прекумерната дигитализација во возилата и поставување на сите контроли на екраните чувствителни на допир.
На овој начин станува се покомплицирано, но и поризично да се прилагодат, на пример, контролите за „клима“ и вентилација додека возите.
Пристапот на Tesla кога станува збор за внатрешноста на возилото е да се приклони кон минимализмот што е можно повеќе, намалувајќи го бројот на копчиња и контроли на минимум и усвојувајќи поедноставен изглед на внатрешноста на автомобилот.
Иако многу клиенти го ценат ова, има и такви кои го изразуваат своето незадоволство секој пат кога Tesla ќе отстрани традиционален елемент од кабината, како што е замена на стебленцата на трепкачите со копчиња на воланот на редизајнираниот Model 3.
Луѓето се претежно поделени околу тоа – тие или го сакаат или мразат пристапот, а оние од втората категорија можат слободно да изберат одредени електрични возила кои имаат потрадиционален ентериер. Но, што правите ако навистина ви се допаѓа вашата Tesla, но не сакате да го користите централниот екран на допир за пристап до речиси секоја функција на возилото?
Еден кинески сопственик кој сака физички контроли ги презеде работите во свои раце и ја модифицираше внатрешноста на неговиот Model X за да се смести панел од копчиња кои обезбедуваат побрз пристап до некои од основните функции на возилото.
Во видео споделено на социјалната мрежа X од @ray4tesla, можеме да видиме дека панелот поставен веднаш под екранот на допир изгледа нешто слично на она што Mercedes-Benz го користеше кај седаните од претходната генерација.
Има вкупно 12 команди и сите изгледаат функционални. Некои од нив служат како кратенки до одредени сегменти од менито на возилото, додека други копчиња претставуваат директни команди, како што се оние за отворање на задната врата, прилагодување на предните седишта или преклопување на страничните ретровизори.
Автомобили
Колку се задоволни возачите од реалниот домет на електричните автомобили?

Колку навистина може да издржи едно електрично возило со едно полнење во споредба со бројките што производителите ги ветуваат? Тоа е прашање што ги мачи речиси сите сопственици на вакви автомобили. Ново истражување на холандската потрошувачка програма AvroTros Radar донесе интересни резултати.
Реален досег наспроти ветувањата
-
Повеќе од половина од возачите (52%) велат дека никогаш не успеале да го постигнат официјално најавениот домет.
-
Во просек, реалната километража е околу 20% пониска од официјалната WLTP спецификација.
-
Сепак, 73% изјавиле дека се задоволни од досегот, додека 13% рекле дека се многу незадоволни.
Проблеми и влијание на условите
-
41% од незадоволните се пожалиле кај продавачите или кај лизинг-компаниите, но речиси никогаш не добиле вистинско решение.
-
Иако три четвртини од испитаниците знаеле дека дометот зависи од температурата и стилот на возење, дури 40% не биле свесни колку силно овие фактори ја намалуваат километражата.
Разлики меѓу брендовите
-
Peugeot – најслаб резултат, само 44% од возачите рекле дека се задоволни.
-
Tesla и Volvo – исто така под просек, со чести отстапувања од ветениот досег.
-
Hyundai – најдобар резултат: 45% од возачите дури пријавиле дека поминале повеќе километри од официјално декларираното, а 89% се целосно задоволни.
Доверба во електричната технологија
И покрај ваквите разлики, најголемиот дел од возачите остануваат оптимисти:
-
81% би го избрале истиот модел повторно.
-
11% би смениле бренд.
-
Само 9% би се вратиле на автомобил со класичен мотор.
Извор: AutoBlog
Автомобили
BMW и Qualcomm развиваат систем за помош при управување „Snapdragon Ride Pilot“

BMW и Qualcomm го претставија новиот систем за помош на возачот „Snapdragon Ride Pilot“, кој за прв пат ќе биде прикажан на саемот „IAA Mobility 2025“. Решението овозможува автономно возење на автопати, автоматско менување на ленти и поддршка при паркирање, со што се најавува следната фаза во развојот на интелигентната мобилност.
Станува збор за технологија од ниво 2+, што подразбира дека возачот и натаму мора активно да го следи сообраќајот. Платформата комбинира 360° камера перцепција, вештачка интелигенција и напредни алгоритми за анализа на сложени ситуации во сообраќајот.
Qualcomm нагласува дека безбедноста е врвен приоритет, со усогласување со глобални стандарди како ISO ASIL. Ride Pilot веќе е валидиран во 60 земји, а до 2026 година целта е присуство во повеќе од 100 пазари.
Со ова, BMW и Qualcomm се приклучуваат кон динамичната трка за автономни решенија, каде конкуренцијата од компании како NVIDIA и Mobileye станува сè поинтензивна.
Извор: Engadged
Автомобили
Десетте најпродавани автомобили во Европа во 2025 година

Во првата половина од 2025 година, европскиот автомобилски пазар бележи значајни промени и трендови. Според податоците на JATO Dynamics, објавени од Best-Selling Cars, најпродаван производител останува Volkswagen Group, додека зад него се позиционираат Stellantis, Renault Group и Hyundai-Kia.
Volkswagen Group и понатаму водечки
Volkswagen Group го задржа својот статус на најголем производител во Европа со над 1,8 милиони продадени возила. Иако 72% од продажбата сè уште се базира на конвенционални мотори, уделот на електричните и хибридните модели расте и сега изнесува 28%.
Stellantis стабилно на второ место
На второ место е Stellantis, со продадени 1,04 милиони автомобили. Оваа групација сè уште најмногу се потпира на класични погонски склопови – дури 85% од продажбата доаѓа од бензински и дизел модели.
Renault и Hyundai-Kia со силен раст
На третото место е Renault Group, со 704.000 продадени возила, додека Hyundai-Kia се пласира на четвртото место со 541.000 возила. Двата производители се издвојуваат со висок удел на електрифицирани модели – околу 43% од вкупната продажба.
Премиум брендовите ја забрзуваат транзицијата
BMW Group продаде 485.000 возила, од кои 40% се електрични или хибридни. Mercedes-Benz постигна 355.000 продажби, со удел на електрифицирани модели од 34%.
Ford исто така продаде 257.000 автомобили, со идентичен удел на електрифицирани возила како и Mercedes – 34%.
Geely сè поактивен во Европа
Кинеската Geely Group оствари 202.000 продажби, од кои дури 67% се електрични или хибридни автомобили. Со тоа, Geely се искачи на деветтото место, пред Nissan (165.000 возила) и веднаш зад Ford.
Toyota лидер во електрификацијата
Иако по вкупна продажба е на шестото место со 479.000 возила, Toyota е апсолутен лидер во електрификацијата. Дури 86% од нејзината продажба во Европа се хибриди и електрични автомобили – највисок удел меѓу сите водечки брендови.
Силната хибридна понуда и растечката популарност на електричните модели ѝ овозможуваат на Toyota да се натпреварува рамноправно со европските производители, иако традиционално тие доминираат на пазарот.
Извор: 24Sata
-
Хороскоп2 дена
Хороскоп за среда (17 септември)
-
Хороскоп13 часа
Хороскоп за четврток (18 септември)
-
Македонија2 дена
Министерството за одбрана, петта година по ред ги задржа максималните 100 % активна транспарентност и е практично најтранспарентна институција во државата
-
Музика1 ден
Училиштето за Црковна музика „Митрополит Козма Пречистански“ во петок и сабота преку „аудиција“ врши упис на нови членови за источно пеење
-
Македонија2 дена
„СОЗР“ стави крај на злоупотребите на службените возила и зголемување на транспарентноста од денес граѓаните можат да пријавуваат случаи на незаконита употреба на службени возила
-
Временска прогноза1 ден
Брз продор на ладен воздух од север, додека само утре услови за слаб локален дожд
-
Магазин1 ден
Осум iOS 26 промени што мора да ги пробате
-
Скопје2 часа
Малолетници на 12 и 14 годишна возраст од угостителски објект одзеле пари од вработени и побегнале, едниот се заканил со остар предмет