Глобалниот провајдер на интернет-инфраструктура „Cloudflare“ денес се соочи со сериозен прекин кој траеше околу три часа, оставајќи милиони веб-страници и апликации недостапни. Меѓу погодените беа и некои од најкористените интернет сервиси. „Cloudflare“ е интернационална компанија специјализирана во cloud-услуги и сајбер безбедност. Таа нуди мрежна инфраструктура, заштита на веб-страници и е-пошта, спречување на протекување податоци и напредни системи за одбрана од дигитални напади.

Денешниот инцидент го докажа тоа „ChatGPT“, мрежата „X“ на „Илон Маск“ и многу други сервиси во еден момент беа офлајн. Се проценува дека „Cloudflare“ поддржува околу 20% од сите веб-страници глобално, што објаснува зошто последиците од прекинот беа толку обемни.

Компанијата често ја опишува својата технологија како „имунолошки систем на интернетот“, бидејќи секојдневно блокира милијарди потенцијални закани додека истовремено го оптимизира протокот на интернет сообраќај. „Cloudflare“, според податоците објавени од „Guardian“, остварува над 500 милиони долари квартален приход и има околу 300.000 клиенти во 125 земји, меѓу кои и Кина.

Современата економија во голема мера се потпира на непречено функционирање на интернет-услугите од банкарство до онлајн купување. Експертите сè почесто предупредуваат дека глобалната инфраструктура станува премногу зависна слични фактори. Последните прекини во „Cloudflare“ следат по слични проблеми кај Amazon AWS и Microsoft Azure. Заедно со „Google Cloud“, овие компании обезбедуваат околу две третини од интернет-инфраструктурата. Според стручњаците, ваквите случувања ја отвораат неопходната дискусија за поголема диверзификација и отпорност на интернет-системите.

Сите се прашуваат што се случи. Од компанијата потврдија на својот сервис дека станувало збор за „внатрешна деградација на услугата“. Поминаа речиси три часа од почетната објава за истрага до потврда дека дефектот е отстранет во 14:42 часот по британско време. Компанијата наведе дека имало проблеми со една од услугите во Лондон, поради што морале привремено да го исклучат локалниот систем за енкрипција.

Забележан бил и необичен пораст на сообраќајот околу 11:20 часот, но причината за тоа сè уште се истражува.

Извор: ksltv.com

Корисниците кои се обидоа да пристапат до платформи како X (поранешен Twitter) или до сајтот за филмски критики Letterboxd беа пречекани со пораки за грешка кои укажуваа дека услугите на Cloudflare не функционираат, па страниците не можат да се прикажат.

Cloudflare претставува клучен дел од интернет инфраструктурата, обезбедувајќи технологии што ја штитат и одржуваат стабилна работата на голем број веб-страници, вклучително и заштита од сајбер напади и гарантирање достапност.

„Cloudflare е информиран и работи на откривање на проблем кој може да влијае на голем број корисници“, објави компанијата во првото ажурирање. „Дополнителни информации ќе бидат споделени кога ќе бидат достапни.“

Дури и Down Detector – страницата што обично ги следи ваквите прекини накратко беше погоден од истиот дефект. Кога конечно се отвори, прикажа голем пораст на пријавени проблеми.

Корисниците најчесто гледаа известување за „внатрешна серверска грешка во Cloudflare мрежата“, со препорака да се обидат повторно по неколку минути.

Проблемите се појавија околу 11:30 по британско време. Иако некои страници понекогаш се вчитуваа по освежување, ситуацијата остана нестабилна. Cloudflare околу 15 минути подоцна потврди дека навистина има дефект.

Наредното ажурирање, објавено по уште 15 минути, само наведе дека истрагата продолжува без да се открие причината или можен рок за решавање.

Бидејќи Cloudflare стои зад инфраструктурата на бројни компании на глобално ниво и најчесто работи во позадина, прекинот погоди широк спектар навидум неповрзани веб-страници. Ситуацијата потсети на сличниот технички инцидент со Amazon Web Services (AWS) претходниот месец.

Предмалку од компанијата го истакнаа следново:

• Нашиот провајдер на портал за поддршка моментално се соочува со проблеми, и како такви, клиентите може да наидат на грешки при прегледување или одговарање на случаи за поддршка. Одговорите на барањата на клиентите не се засегнати, а клиентите сè уште можат да нè контактираат преку разговор во живо (бизнис и претпријатија) преку контролната табла на Cloudflare или преку телефонската линија за итни случаи (претпријатие).
  Соработуваме со нашиот провајдер од трета страна за да го разбереме целосното влијание и да го ублажиме овој проблем.

Кондензацијата на прозорците е еден од најчестите зимски проблеми во домаќинствата. Секое утро истиот призор — капки вода по стаклото, влажни рамки, па дури и појава на мувла. Освен што е напорно за чистење, влагата може да го оштети домот и да предизвика непријатни мириси.

Добрата вест? Постоји едноставно, евтино и изненадувачки ефикасно решение што сигурно веќе го имате во бањата — пена за бричење.

Како да спречите кондензација со пена за бричење?

Овој трик станал популарен на форумот „Money Saving Expert“, каде што многумина барале решение за секојдневното замаглување на прозорците. Најдобриот совет дошол од жена која испробала сè — и најмногу ѝ помогнала токму пената за бричење.

Процесот е многу едноставен:

• Нанесете мала количина пена за бричење на внатрешната страна од прозорецот.

• Рамномерно распоредете со сува, чиста крпа.

• Не нанесувајте многу — доволен е тенок, едвај видлив слој.

• Полирајте додека стаклото не стане целосно проѕирно.

Според нејзиното искуство, овој метод создава заштитен хидрофобен слој, кој спречува водата од воздухот да се таложи на студеното стакло. Резултатот? Прозорци без замаглување и без секојдневно бришење.

Зошто ова функционира?

Пената за бричење содржи состојки што формираат водоодбоен (хидрофобен) филм.
Овој филм ги одбива водените честички и им спречува да се претворат во капки — токму тоа ја спречува кондензацијата.

Дополнителни совети за намалување на влагата во домот

• Редовно проветрувајте – кратко, но интензивно проветрување неколку пати дневно.

• Намалете го сушењето алишта во затворен простор.

• Користете одвлажнувачи – електрични или гел-осушувачи.

• Не покривајте радијатори со завеси – блокираната топлина го зголемува таложењето на влага.

Извор: Alo