Временска прогноза
Најава за заладување на времето и провејување снег, еве од кога..

За време на овој викенд сеуште во Македонија ќе се задржи вистинското ПРОЛЕТНО време со максимални температури кој ќе се искачуваат во интервалот од 17 до 24 степени.
Сепак утре попладне и кон крајот на денот ќе има локално зголемување на облачноста и во северните и во источните предели ќе има појава на локална нестабилност со краткотраен пороен дожд, грмежи и засилување на ветерот во зоната на нестабилност.
Под влијание на ИЗРАЗЕНА влажна и нестабилна воздушна маса која ќе биде придружена со циклонската активност од запад, во понеделник на повеќе места ќе биде нестабилно со поројни врнежи од дожд, појава на грмежи и СИЛЕН југозападен ветер. Ќе има услови и за локална појава на НЕВРЕМЕ.
НАГЛО и ГОЛЕМО ЗАЛАДУВАЊЕ на времето кај нас ќе има во текот на ноќта понеделник према вторник и тогаш на повисоките места и на планините врнежите од дожд ќе преминат во врнежи од снег, но ќе слабеат на интензитет. Не се исклучува можноста за сосема слабо провејување на снег и во некои места со помала надморска височина. Сево ова ќе биде проследено и со СИЛЕН ветер од северен и од северозападен правец.
Веќе на средината од следната сдмица наутро температурите на повеќе места ќе се спуштаат ПОД НУЛАТА, со што се очекува и појава на МРАЗ, а сево ова лошо ќе влијае врз расцветаните овошки ширум Македонија. Токму поради ова, на земјоделците со време ги советуваме да ги заштитат своите земјоделски култури и тоа поради очекуваната појава на мраз во најголем дел од Македонија.
Невообичаено ниски температури во текот на следната седмица ќе имаме и низ целиот Балкан, но и низ Европа, и тоа поради спуштањето на ЛАДНАТА БОМБА од Арктикот во Европа, па дури и до јужните предели на Балканот.
Секако оваа НАГЛА и ГОЛЕМА промена на времето лошо ќе влијае и врз метеопатите, каде се очекуваат ЗНАЧИТЕЛНИ здравствени проблеми. На истите им се препорачува редовно да ја земаат својата препишана терапија од својот матичен лекар, но и да побараат совет од истиот.
Автор: Славчо Попоски
Временска прогноза
Цела седмица честа појава на повремени врнежи од дожд, проследени со појава на грмежи

Под влијание на плитка фронтална долина која се наоѓа над југоисточна Европа, во нашата Република Македонија од денес (среда 23 април) па се до самиот крај на оваа недела времето ќе биде променливо облачно со честа појава на повремени врнежи од дожд, проследени со појава на грмежи.
Локално Атмосферските процеси ќе бидат поинтензивни и во форма на невреме, проследено со обилен пороен дожд за кратко време кој може да услови локални поплавувања, силен ветер, електрични празнења и со појава на град. Токму поради ова апелирам на поголема внимателност.
И во Скопје и околината следува период на многу променливо време со повремен дожд. Во делови од колтината ќе биде нестабилно облачно со пороен дожд, грмежи, засилен ветер и со услови за појава на невреме.
Што се однесува до температурите, тие до крајот на оваа работна недела ќе бидат без поголеми промени во однос на оние кои ги имаме сега, а постепено опаѓање на истите ќе има за време на викендот.
За време на овој нестабилно – влажен период локално во нашата Република Македонија ќе наврне значително количество на воден талог (над 35 литри дожд), пренесува Славчо Попоски
Временска прогноза
Од понеделник повторно нашата територија под влијание на циклонска активност која носи обилен дожд и електрични празнења

Под влијание на циклонска активнот со центар над Медитеранот, од понеделник (21 април) па се до самиот крај на следната седмица (недела 27 април) во Македонија ќе има честа појава на врнежи од дожд, кои на повеќе места ќе бидат поројни и проследени со појава на грмежи. Локално пак, процесите ќе бидат во форма на невреме проследено со обилен пороен дожд, засилен ветер, електрични празнења и со услови за појава на град.
И во Скопје и околината во текот на следната седмица ќе има честа појава на повремен дожд, кој во делови од котлината повремено ќе биде пороен и проследен со грмежи, како и со засилен ветер во зоната на нестабилност. Температурите и покрај ова нема многу да се менуваат во однос на оние кои ги имаме сега, што значи ќе бидат пролетни, до рано – летни.
Да напоменам дека за време на овој влажен период, локално ќе наврне значително количество на воден талог (над 50 литри на метар квадратен дожд). Поради ова, можно е ново зголемување на нивоата на реките и на езерата во Македонија, а можни се и локални поплавувања.
Исто така, апелирам, во случај на појава на невреме и на електрични празнења, да се избегнува претстој на отворено како и под осамени дрвја. Во случај на појава пак на силен ветер, граѓаните да внимаваат каде ги ставаат своите автомобили, односно истите да не бидат во близина на дрвјата, предмалку истакна Славчо Попоски
Временска прогноза
Времето за најголемиот христијански празник „Велигден“ ќе биде стабилно и сончево

За време на најголемиот Христијански празник (Воскресение Христово, Велигден) ќе имаме стабилно, суво и сончево време со мала до умерена локална облачност. Ќе дува слаб до умерен ветер од јужен правец.
И во Скопје за Велигден времето ќе биде стабилно, суво и сончево со мала до умерена облачност. Ќе дува слаб до умерен ветер од јужен правец.
Што се однесува до температурите, тие ќе бидат рано летни, и тоа поради влијанието на топлата воздушна маса од југ. Максималните дневни температури за време на овој најголем Христијански празник ќе се искачуваат во интервалот од 20 до 29 степени.
Во Скопје и околината максималната дневна температура на воздухот ќе се искачи до околу 27 степени.
Убавото време за Велигден искористете го максимално, и уживајте во празничниот сончев и топол викенд кој ни доаѓа, истакна Славчо Попоски
-
Кичево2 дена
Вчера во Кичево се одржа состанок на општинскиот кризен штаб за превенција и заштита од пожари на отворен простор
-
Кичево1 ден
„ЕВН КЕЦ Кичево“ утре ќе работи на терен, следните кичевски улици и села ќе бидат без електродистрибуција во домаќинствата
-
Македонија2 дена
(ВИДЕО) Во 3 по полноќ го ограби верскиот храм „Успение на Пресвета Богородица“ во село Обршани, општина Кривогаштани
-
Хороскоп1 ден
Хороскоп за петок (25 април)
-
Култура2 дена
(ФОТО) Во с.Цер кичевско одбележани 120 години од смртта на Христо Узунов – симбол на револуционерната борба
-
Кичево12 часа
На регионалниот пат Кичево-Осломеј вчера се случила сообраќајна несреќа помеѓу две пмв
-
Македонија2 дена
Делница А2 Желино-Тетово поради геодетско снимање ќе биде затворена една сообраќајна лента во неколку фази
-
Хороскоп4 часа
Хороскоп за сабота (26 април)