Мобилни уреди
Најновото „чудовиште“ серијата „S“ на Самсунг телефоните би можел да има титаниумски рамки, но сепак ќе биде сличен на претходникот

Серијата Samsung Galaxy S24 би можела да има нов материјал наместо алуминиум. Apple неодамна ги претстави iPhone 15 Pro, iPhone 15 Pro Max, неговите водечки телефони за 2023 година, кои имаат титаниумски рамки наместо рамки од нерѓосувачки челик што се наоѓаат на нивните претходници. Иако Samsung допрва треба да ги открие плановите за лансирање на серијата Galaxy S24, се шпекулира дека титаниумот ќе има значајна улога во конструкцијата на телефонот, што секако ќе влијае на цената.
Засега е познато дека Samsung сака да произведе титаниумски рамки за стандардниот модел Galaxy S24. За таа цел се потпира на две партнерски компании. Galaxy S24 ќе има голема сличност со својот претходник, четири задна камера и поддршка за Samsung S Pen, истакнаа на gadgets360.com
Мобилни уреди
Овие 5 андроид мобилни уреди се помеѓу најпродаваните 10 во светот

Според најновите податоци од „Counterpoint Research“, листата на најпродавани паметни телефони во светот за првиот квартал од 2025 година покажува дека Apple повеќе не е единствениот лидер на пазарот. Иако ги зазема првите четири позиции, Android уредите успеаја да се изборат за половина од топ 10 листата, при што Samsung доминира со четири модели, а Redmi се појавува со еден.
Од Samsung, меѓу најпродаваните се најдоа моделите: Galaxy A16 5G, Galaxy A06, Galaxy S25 Ultra и Galaxy A55 5G. Особено се истакнува Galaxy A16 5G, кој е на петтото место, но е најпродаваниот Android телефон во овој период.
Galaxy S25 Ultra, како единствен премиум Android модел на листата, е на седмото место – нешто пониско во споредба со неговиот претходник, S24 Ultra, кој лани беше петти. Причина за ова е неговото подоцнежно лансирање, што резултираше со пократок период на продажба. Сепак, серијата S25 во целина се продава стабилно, претставувајќи околу 25% од вкупната испорака на Samsung во месеците кога беше достапна.
Redmi 14C 4G е моделот кој ѝ обезбеди на оваа марка место меѓу најпродаваните Android телефони.
Apple, пак, доминира на врвот со моделите iPhone 16, 16 Pro Max, 16 Pro и iPhone 15, кои се на првите четири позиции. iPhone 16 Plus го зазеде десеттото место. Забележително е што iPhone 15, и покрај тоа што е на пазарот речиси две години, сè уште се продава одлично, благодарение на привлечната цена. Иако iPhone 16e не е меѓу првите десет, се очекува да има подобри резултати од претходните SE модели во текот на првата година.
Извор: counterpointresearch.com
Мобилни уреди
Според анализа на „Counterpoint“ еве кој мобилен уред е најпродаван во светот

Според анализата на Counterpoint Research, Apple ги освои првите четири позиции на глобалната листа на најпродавани телефони. Најмногу се продавал iPhone 16, по него следат iPhone 16 Pro Max, iPhone 16 Pro, како и моделот од минатата година – iPhone 15. Овој успех уште еднаш ја потврдува доминацијата на Apple на светскиот пазар на паметни телефони.
Според MacRumors, успехот на iPhone 16 не е случаен. За разлика од претходните години кога најскапите модели како Pro Max беа најбарани, сега обичниот iPhone 16 е многу популарен. Причината за тоа е што го користи новиот A18 чип, кој е речиси ист како A18 Pro чипот во iPhone 16 Pro Max.
Освен тоа, моделот доби нови функции како копче за акција и копче за контрола на камерата – нешто што досега беше достапно само кај Pro моделите. Овие додатоци го направија iPhone 16 попривлечен и го приближија до Pro серијата, давајќи им на корисниците подобра вредност за своите пари. Ова доведе до значителен пораст на популарноста на основниот модел во повеќе делови од светот.
Во првите три месеци од годинава, пет од десетте најпродавани смартфони биле модели на Apple. iPhone 16 Plus се пласираше на десеттото место, додека новиот iPhone 16e го зазеде шестото место во март 2025 година.
Со својата прифатлива цена и одлични карактеристики, iPhone 16e нуди многу повеќе од тоа што претходно го нудеше iPhone SE. Се очекува дека ќе го надмине својот претходник по бројот на продадени уреди, благодарение на подобрениот хардвер.
Извор: Counterpoint Research / MacRumors
Мобилни уреди
Компанијата „Realme“ спрема мобилен уред со „џиновска“ батерија?

Компанијата Realme неодамна ја претстави својата напредна батериска технологија, но на промоцијата на моделот GT 7 во Париз сепак не изведе јавна демонстрација. И покрај тоа, потпретседателот и маркетинг директорот на Realme потврди дека се работи на нов телефон со огромна батерија од 10.000 mAh.
Во изјава за Android Headlines, тој откри дека засега нема точен датум за пуштање на уредот, бидејќи се соочуваат со сериозни технички предизвици. Сепак, тој најави дека наскоро ќе биде лансиран телефон со батерија од 7.500 mAh – што е за 1.000 mAh повеќе од GT 7 Pro.
Главниот проблем што ја спречува компанијата да претстави уред со батерија од 10.000 mAh е просторот. Иако силициум-јаглеродните батерии се потенки и погусти, батерија со толкав капацитет бара многу повеќе место во внатрешноста на телефонот. Тоа значи потешкотии во вградување покрај други компоненти како телефото камерата, но и проблеми со ладењето, бидејќи поголемата батерија создава и повеќе топлина – а никој не сака гломазен и прегреан уред.
Realme веќе поднесе патенти поврзани со оваа технологија, па доколку развојот продолжи со сегашното темпо, телефон со батерија од 10.000 mAh би можел да се појави во блиска иднина.
Извор: phandroid.com
-
Хроника21 час
При изведување градежни работи на автопат Кичево-Охрид од дрвена платформа паднал работник, жител на Кина
-
Хороскоп2 дена
Хороскоп за среда (4 јуни)
-
Хороскоп12 часа
Хороскоп за четврток (5 јуни)
-
Временска прогноза1 ден
Попоски апелира за локална дестабилизација со пороен дожд, ова се информациите
-
Македонија2 дена
(ФОТО) СВР Охрид одржа работилници на тема „Безбедност и правила за децата во сообраќајот“ со ученици од второ и трето одделение на основни училишта
-
Македонија2 дена
МВР изрече кривична пријава за злоупотреба на службената положба и овластување и злоупотреба на постапката за јавен повик, доделување на договор за јавна набавка или јавно-приватно партнерство
-
На денешен ден2 дена
Времеплов: На денешен ден – 3 јуни
-
Автомобили2 дена
Новиот прототип на „Subaru“ се очекува да дебитира на „Japan Mobility Show 2025“