Локалната кичевска телевизија „Ускана“ објави застрашувачко видео, кое според снимката доаѓа од локал позициониран во близина на градскиот пазар. Имено на видеото се гледа како три кучиња скитници напаѓаат дете, за среќа овој пат според она што може да се види од прилогот, девојчето зачудувачки успева да не биде со рането.

Уште еднаш си го поставуаме прашањето, што ли треба да се случи повеќе за да се реши деценискиот проблем со бездомните кучиња?

Доколку не се вчитува видеото, погледнете го ТУКА

Инаку што се однесува до пријавите кои редовно ни стигнуваат од СВР Охрид, листата на нападнати лица е 8 од почеток на месец мај до денес, односно:

На 02.05.2023 во 14.40 часот во Полициската станица Кичево, С.Б.(71) од Кичево пријавил дека на ул.„Маршал Тито“ во Кичево бил каснат од куче скитник.

На 03.05.2023 во 17.00 часот во Полициската станица Кичево, В.С.(53) од Кичево пријавил дека на пешачка патека на кејот во Кичево бил каснат од куче скитник.

На 05.05.2023, А.Ф.(65) од Кичево во полициска станица пријави дека во кичевското село Осој, бил каснат од куче скитник. Истиот ден, Ц.С.Н.(36) од Кичево пријави дека на улицата „Маршал Тито“, била касната од куче скитник.

На 07.05.2023 во 17.30 часот, С.П.(19) од Кичево во полициска станица пријавила дека на улицата „Маршал Тито“ во Кичево била касната од куче скитник. Истиот ден, 17-годишна малолетничка од Кичево пријавила дека на улицата „1 Мај“ во Кичево била касната од куче скитник.

На 08.05.2023 во 09.45 часот, Е.Х.(33) од Кичево во полициска станица пријавил дека на булеварот „Ослободување“ во Кичево бил каснат од куче скитник. Истиот ден, В.И.(52) од Кичево пријавила дека на улицата „11 Септември“ во Кичево била касната од куче скитник.