Кичево
Од средина на ноември до сега вкупно 13 луѓе од Кичево биле жртви на напади од бездомни кучиња, решение за сега очигледно нема
Од средина на месец ноември па се до денес, вкупно 13 луѓе биле цел на кучиња скитници кои биле нападнати и се здобиле со повреди, истакнати според извештаите на дневниот билтен на портпаролот од СВР Охрид, г-дин Стефан Димоски. Претходно исто така имавме доста случаеви кои ги поставивме во целина (ТУКА). Од тој ден до денес, повторно имаме доста регистрирани случаи на граѓани кои пријавиле во ОВР Кичево напад врз нив од кучиња скитници, така да, по датуми листата изгледа вака:
На 11.11.2022 во 21.05 часот, Т.М.(63) од Кичево, пријавил дека неговиот малолетен внук, на улицата „Мехмед Мехмеди“ во Кичево, бил каснат од куче скитник.
На 12.11..2022 година во 15 часот во ОВР Кичево, Б.Џ.(58) од кичевското село Колари, пријавил дека на булеваот „Ослободување“ во Кичево, бил каснат од куче скитник.
На 13.11.2022 година во 23.00 часот во ОВР Кичево, А.Б.(48) од кичевското село Зајас пријави дека на локален пат во селото бил каснат од куче скитник.
На 16.11.2022 година во ОВР Кичево, Л.Ц.(44) од кичевското село Долно Строгомиште пријави дека на улицата „Маршал Тито“ во Кичево бил каснат од куче скитник. Истиот ден, И.А.(66) од истото село и Ф.Ф.(33) од селото Стрелци пријавија дека на улицата „Партизански Одреди“, односно „Маршал Тито“ во Кичево биле каснати од куче скитник.
На 17.11.2022 година во 18.30 часот, А.П.(51) од Кичево во полициска станица пријави дека нејзиниот малолетен син на улицата „Маршал Тито“ во Кичево бил каснат од куче скитник.
На 18.11.2022 година во 21.50 часот, С.М.(73) од Кичево во полициска станица пријавил дека на улицата „Борис Кидрич“ во Кичево бил каснат од куче скитник.
На 22.11.2022 во 11.27 часот во полициската станица Кичево, од Медицински центар Кичево пријавено е дека кај нив со повреди од каснување на куче бил донесен лицето В.С.(60) од Кичево. Полициски службеници излегле на местото и по преземени мерки било утврдено дека на 21.11.2022 во дворот на семејната куќа во селото Козичино, кичевско, В.С. бил каснат од куче раса „Кангал“. Се преземаат мерки за расчистување на случајот.
На 23.11.2022 година во 16.10 часот, Л.К.(81) од Кичево во полициска станица пријавила дека на улицата „4 јули“ во Кичево била касната од куче скитник.
На 28.11.2022 година во 17.35 часот, П.Ц.(48) од Кичево во полициска станица пријавил дека на булеварот „Ослободување“ во Кичево бил каснат од куче скитник.
На 30.11.2022 година во 17.35 часот, Н.К.(33) од Кичево во полициска станица пријави дека на улицата „Магистрален пат“ во Кичево бил каснат од куче скитник.
На 03.12.2022 година во 10 часот, С.С.(22) од Кичево во полициска станица пријавил дека на улицата „Прилепска“ во Кичево бил каснат од куче скитник.
На 08.12.2022 во 10.50 часот во ОВР Кичево, З.Ј.(58) од кичевското село Другово пријави дека на улицата „Магистрален пат“ во Кичево бил каснат од куче скитник.
Извор: Стефан Димоски (портпарол на СВР Охрид)
Кичево
ЦУК со известување за изминатото деноноќие, во Кичево побарана била општинска интервенција во делот на ул. „Прилепска“
Во изминатото деноноќие, поради обилните врнежи, екипите на Регионалните центри за управување со кризи интервенираа на повеќе критични локации низ државата.
На подрачјето на Битола се ангажирани екипи и механизација на јавните претпријатија и водостопанските компании за расчистување наноси и зајакнување насипи на повеќе делови од речните корита.
Поради ерозијата на патот кон Пелистер и кај с. Цапари, предложено е привремено затворање на стариот пат Р-106 и пренасочување на сообраќајот по патот А-3.
Во Охрид и Кичево водостоите се зголемени, но нема излевања. Најризичен е делот кај ул. Прилепска во Кичево, каде е побарана општинска интервенција. Во Охрид се интервенира по пријавено поплавување на подруми во населбата Железничка, предизвикано од диво ископани канали.
Во Куманово, реката Пчиња накратко излезе од коритото кај Пелинце – Стрновац, без нанесена штета. Мостовите во Коинце и Пелинце се расчистуваат од насобрани дрва и отпад, без констатирана опасност по нивната стабилност.
На регионалниот пат Македонски Брод – Скопје преку НП „Јасен“ беше регистриран голем одрон, поради кој сообраќајот беше во прекин. Патот е расчистен по една лента, а во тек се активности за целосно обезбедување на трасата, известуваат од ЦУК.
Кичево
„Македонски Завет“ организира хуманитарен концерт во НУЦК „Кочо Рацин“ со културно уметнички друштва и естрадни уметници од Кичево
Патриотско Здружение „Македонски Завет“ од Кичево, организира хуманитарен концерт наречен „Чување на традицијата и негување на Културното наследство“, во соработка со „Црвен Крст“, Кичево. Во НУЦК „Кочо Рацин“ – Кичево на 29.11.2025 година (сабота) со почеток од 19:00 часот.
Картите за концертот чинат симболични 200 денари, пуштени се во пред продажба и може да си резервирате карта на броевите: 071/327-117 или 078/322-028, а истите ќе се продаваат и на билетарата на НУЦК „Кочо Рацин“ – Кичево на денот на одржување на хуманитарниот концерт.
– Средствата од концертот, ќе бидат донирани на социјални и ранливи семејства во соработка со „Црвен Крст“ Кичево, во предновогодишниот период. Мотото и целта на овој проект во реализација на Патриотско Здружение „Македонски Завет“ – Кичево е да помогне на тие на кои сме им најпотребни и да им ги удостоиме новогодишните и Божикни празници, со хумана донација. Патриотски е да бидеме хумани.
Концертот ќе биде збогатен со оро и родољубиви песни, а ќе настапуваат културно-уметничките друштва од Кичево и естрадните уменици, кои ќе бидат гости на овој концерт, а во музичка придружба на група ЕТНУМ:
КУД Бисер Кичево
КУД Нико Пусоски Кичево
КУД Младост Кичево
КУД Кочо Рацин Кичево
Христијан Трајаноски
Дарко Стојаноски
Методија Столески
Софија Пуровска
Анастасиа Митровска
Мирослав Мирчески
Михајло Данилоски
Лука Лазарески
Христијан Тришоски
Од патриотското здружение повикуваат: Дојдете и заедно да им ги посреќиме новогодишните и Божикни празници, на оние, на кои сме им најпотребни. Хуманоста е највисокиот степен на родољубие.
Исто така преку нашиот медиум, истакнуваат особена благодарност до градоначалникот на општина Кичево Д-р Александар Јованоски, како и до директорот на НУЦК „Кочо Рацин“ г-дин Мазлам Османи за поддршката на овој значаен проект за здружението и кичевчани.
Кичево
(ФОТО) Кичево: Се работи во населба „Иванидол“, чекор по чекор до реализација на сите ветувања за подобар по квалитетен живот за сите граѓани
Веднаш по доаѓањето на новата локална самоуправа во Општина Кичево се отпочна со значителни чекори напред со нова енергија, нова визија и со цврста решеност да се работи заеднички без поделби, без разлики, со една единствена цел, подобар и подостоинствен живот за секој сограѓанин. Се исполнуваат дадените ветувања, а првиот доказ за тоа е започнатата реконструкција на должина од околу 800 метри на ул. „Тренко Тасески“ што би рекле во длабоко заборавената населба „Иванидол“. Инаку да потсетиме оваа населба беше застапена и во предизборните проекти на градоначалникот кој ја доби најголемата доверба од кичевчани.
Со нови тротоари, современи дренажни канали и целосно асфалтирање, оваа улица ќе добие модерен и функционален лик што одговара на стандардите на модерното урбано живеење. Подобрената безбедност, поквалитетната проодност и полесното секојдневно функционирање ќе бидат директен бенефит за сите жители од овој дел на градот.
– Со заедничка сила, со взаемна доверба и со постојана мотивација можеме многу. И ќе успееме. Кичево ќе биде пример за развој, за единство и за искрено работење во интерес на народот, ова е само почеток, стоиме зад проектите што ги ветивме и истите ќе се реализираат, чекор по чекор, со транспарентност и посветеност. Заедно ќе го градиме Кичево, Кичево кое обединува, Кичево во кое секој граѓанин има место и перспектива – за Порта.мк истакнаа од кабинетот на новиот градоначалник Д-р Александар Јовановски во текот на вчерашниот ден.
За сите новости и проекти кои следуваат, може да се најдат на официјалниот веб сајт од Општина Кичево – ТУКА
-
Магазин2 денаПорака од возач на Брза Помош, почит за сите возачи, наши спасители!
-
Кичево1 денЦУК со известување за изминатото деноноќие, во Кичево побарана била општинска интервенција во делот на ул. „Прилепска“
-
Хороскоп2 денаХороскоп за четврток (20 ноември)
-
Кичево2 дена„Македонски Завет“ организира хуманитарен концерт во НУЦК „Кочо Рацин“ со културно уметнички друштва и естрадни уметници од Кичево
-
Хороскоп15 часаХороскоп за петок (21 ноември)
-
Без категорија14 часаЖолта предупредувачка фаза поради најавените обилни врнежи од дожд и силниот ветер, локално процесите ќе бидат во форма на невреме
-
Македонија22 часаДржавниот пазарен инспекторат изврши инспекциски надзори во пет градови, затекнати биле низа неправилности кај 16 правни субјекти кои продавале тутунски производи
-
Македонија2 денаЈанев и Спироски во македонската делегација на регионалниот стратешки состанок во Тирана, организиран и поддржан од британските агенции за спроведување на закон

