Спорт
Нашата футсал репрезентација несреќно изгуби од БиХ, додека македонската женска репрезентација го одигра првиот контролен меч против Косово
Македонската футсал репрезентација во С.Ц. “Јане Сандански“ во исклучително неизвесен меч е поразена од Босна и Херцеговина со 2:3. Избраниците на селекторот Васко Скендеровски му пружија силен отпор на големиот фаворит, но на крајот несреќно загубија. На гостите им беше признат гол пред крајот, но видео снимката покажа дека топката не ја мина гол линијата.
- Првото полувреме заврши со водство на Босанците со голот на Јосип Сесар во 13. минута. Нашите репрезентативци имаа неколку добри акции пред голот на Милановиќ, но не успеаја да ја затресат неговата мрежа.
Подобра игра на Македонија на стартот од вториот дел и веднаш израмнување. Капитенот Ранготов убаво се снајде пред гостинскиот гол и успеа да го совлада Милановиќ во 22. минута. Во тие моменти Македонија беше подобриот противник и бараше втор гол. Но, противникот поведе и тоа со голот на Хркач во 35. минута по убава комбинација пред нашиот гол. Македонија израмни во финишот преку Рамадан, но крајот БиХ успеа да реализира преку Јелиќ за победа од 3:2. Погодокот беше постигнат од крајно сонмнитална ситуација, видео снимката потврди дека топката не ја мина гол линијата.
Вториот меч од 5.коло во групата меѓу Србија и Романија се игра утре. Македонија својот последен натпревар во овие квалификации ќе го одигра со Романија на гости на 14 април.
Женската репрезентација на Македонија загуби од Косово во рамките на првиот контролен натпревар одигран меѓу овие две селекции. На тренинг центарот „Петар Милошевски” противникот славеше победа со 3:1.
- Првиот гол гостите го постигнаа во 39. минута преку Халилај Дониета. Во 56. минута, Мусај Флета зголеми на 2:0. Три минути подоцна, избраничките на селекторот Кирил Изов успеа да го намалат резултатот на 2:1. Единствениот погодок за нашата женска селекција беше дело на Улза Максути. Конечните 3:1 ги постави Фериде Кастрати во 84. минута.
МАКЕДОНИЈА: 12. Магдалена Лекоска, 2. Даниела Велеска, 4. Катерина Милеска, 5. Сара Коларовска, 7. Улза Максути, 8. Александра Марковска, 9. Мустафи Хава, 10. Хусеин Сара, 11. Афродита Салихи, 13. Јулија Живиќ, 21. Александра Ристовска;
КОСОВО: 1. Флорентина Колгечи, 5. Лиридона Сила, 11. Едона Криези, 2. Гаши Агњеса, 22. Верона Бериша, 10. Шала Блерта 21. Лумбарда Мисини, 7. Доника Грајчевци, 14. Ерјона Емерлаху, 6. Донијета Халилај. 9. Калтрина Бикај;
Вториот контролен натпревар овие две репрезентации ќе го одиграат в недела на 11. април со почеток од 13:00 часот.
Спорт
Јувентус сигурен против Торино, Влаховиќ го отвори резултатот уште во петтата минута од натпреварот
Јувентус славеше со 3-1 против Удинезе на свој терен во Торино, во рамките на деветтото коло од италијанската Серија А. Домашниот тим го отвори резултатот уште во петтата минута преку Душан Влаховиќ, кој беше прецизен од белата точка. Во второто полувреме, Федерико Гати зголеми на 2-0 во 67-та минута, а Кенан Јилдаз ја запечати победата со гол во шестата минута од судиското продолжение.
Почесниот гол за гостите го постигна Николо Заниоло во првата минута од дополнителното време. Во следното коло, Јувентус ќе гостува кај Кремонезе, додека Удинезе на домашен терен ќе ја пречека Аталанта.
Рома ја совлада Парма со 2-1
Рома исто така запиша победа на свој терен, совладувајќи ја Парма со 2-1. Марио Ермосо го отвори резултатот во 63-тата минута, а Артем Довбик во 81-та ја потврди победата. Единствениот гол за Парма го постигна Алесандро Чикарти во 86-тата минута.
Комо убедлив против Верона
Во исто време, Комо беше подобар од Верона со 3-1 на домашен терен.
Спорт
Високи признанија за работата на ФФМ, Омерагиќ и Јандреоски именувани на високи меѓународни позиции во „ФИФА“
Претседателот на Фудбалската федерација на Македонија, Масар Омерагиќ, доби нова меѓународна функција, тој е назначен за член на Олимпискиот фудбалски комитет при ФИФА.
Овој комитет, кој функционира под надлежност на Советот на ФИФА, има задача да го следи и поттикнува развојот на фудбалот како олимписка дисциплина, како и да ја унапредува соработката со Меѓународниот олимписки комитет во сите прашања поврзани со турнирите во рамки на Олимписките игри.
На чело на Комитетот е Самир Шауд од Бразил, а негов заменик е Мустафа Раџи од Либерија. Меѓу членовите се наоѓаат повеќе истакнати фудбалски претставници од различни делови на светот како Кохзо Ташима од Јапонија (делегат на Советот на ФИФА), Чармејн Крукс од Канада, Хрисостомос Гкагкатсис од Грција, Шеик Ахмад Јусеф Ал Сабах од Кувајт, Бранко Радујко од Србија, Хелга Хелгадотир од Исланд и други.
Покрај Омерагиќ, и генералниот секретар на ФФМ, Леонид Јандреоски, доби важно меѓународно признание, тој е избран за член на Комисијата за медиуми и комуникации на ФИФА.
Оваа комисија има задача да ја дефинира и унапредува медиумската и комуникациската стратегија на ФИФА, со фокус на дигиталните платформи и јавната комуникација. На нејзино чело е Јасин Идрис Диало од Брег на Слоновата Коска, а заменик-претседател е Армен Меликбекјан од Ерменија.
Во составот на Комисијата се и Фатма Ал Нуими (Катар), Ајишат Фалоде (Нигерија), Ноел Муни (Велс), Хелена Пиреш (Португалија), Аманда Вандерворд (САД) и Тони Ванг (Тајван).
Именувањето на Омерагиќ и Јандреоски претставува големо признание за Фудбалската федерација на Македонија и потврда за растечкиот углед на македонскиот фудбал во меѓународната фудбалска заедница, истакна Фудбалската федерација на својот е-медиум.
Спорт
ФК Напредок со победа и едноминутно молчење оддаде почит кон легендата Зоран Ѓорѓиоски-Мрско
Пред денешниот првенствен натпревар помеѓу ФК. Напредок – ФК. Дрита со едно минутно молчење клубовите и управата му оддадоа почит на легендата на ФК.Напредок, Зоран Ѓорѓиоски-Мрско. Доајен на кичевскиот фудбал кој остави небришлива трага за која сите ние кои сме биле некогаш дел од ФК Напредок сме ги почувствувале.
Што се однесува до играта, повторно нашите фудбалери на домашен терен манифестираа важна победа со високи 4:0.
Стрелци на головите беа: М.Зафироски, Осман Исмаили реализираше 2 пати, Ж.Симјаноски сите постигнати во второ полувреме.
И денеска преку нашиот медиум, управата на ФК Напредок упатува голема благодарност до публиката која во секоја утакмица е се побројна и дава голема поддршка на нашите кичевски фудбалери.
Напред НАПРЕДОК!
-
Хороскоп1 денХороскоп за среда (29 октомври)
-
Македонија14 часаМВР: Кривична пријава против поранешен директор, заменик директор и вработени во Агенцијата за храна и ветеринарство за „проневера во службата“
-
Македонија10 часаДополнете гориво, ноќеска дизелот солидно поскапува, додека бензините остануваат со непроменета цена за литар
-
Lifestyle2 денаКако да ја исчистите решетката од рерната без триење и хемикалии
-
На денешен ден2 денаСветот на денешен ден (28 октомври)
-
Магазин2 денаИлон Маск ја претстави својата верзија на Wikipedia — Grokpedia
-
Магазин2 денаWhatsApp и Messenger воведуваат заштита од измами насочени кон постари лица
-
Временска прогноза10 часаНа утро ладно, но врнежи од дожд во почетокот на месец ноември нема да имаме, вели Попоски
