Спорт

Нашата репрезентација одигра нерешено и по предноста од два гола

Објавено пред

4 години

на

септември 5, 2021

Од

Порта.мк

Македонската А репрезентација одигра нерешено 2:2 против Исланд во натпреварот од 5. коло од квалификациите за Светското првенство 2022.

Домашните фудбалери се спасија од пораз. Македонија водеше со 2:0 со головите на Велковски и Алиоски, во последните 15-на минути Исланд успеа да постигне два гола.

Нашата репрезентација целосно доминираше во првото полувреме и потполно заслужено обезбеди предност. Дарко Велковски во 12. минута беше стрелец на голот за Македонија.

Првата опасност кон голот на Димитриевски се случи во воведната минута кога по центаршут на домашните, Гудмундсон шутираше покрај нашиот гол.

Милан Ристовски во 4. минута имаше непрецизен обид од далечина, а убава прилика не искористивме во 11. минута кога по корнерот на Барди, најпрвин Велковски, а потоа Муслиу не успеаја да го совладаат домашниот голман.

Сепак, веќе во 12. минута водство за Македонија. Алиоски нафрли од корнер, а Дарко Велковски со глава погоди во мрежата на Рунарсон.

Во 27. минута одличен удар од 20-на метри упати Тихомир Костадинов, но внимателен беше домашниот голман. Во следниот напад Ристовски асистираше до Чурлинов, но одбраната на Исланд го блокираше неговиот обид од добра позиција.

До крајот од полувремето имавме уште една прилика преку Барди, но и неговиот удар беше навреме изблокиран.

Во вторите 45. минути, првиот обид го имаше Милан Ристовски кога одбрани Рунарсон, но домашниот голман беше немоќен во 55. минута кога Езѓан Алиоски одлично шутираше за удвојување на нашата предност.

Во 64. минута, Арнасон успеа да погоди по центаршут на Гудмундсон, но голот беше поништен поради недозволена ситуација. ВАР системот ја потврди одлуката на сидиите. Во 76. минута, Гудмундсон одлично се избори за позиција, шутираше опасно, но за среќа, покрај голот на Димитриевски.

Во 78. минута, Исланд намали на 2:1. Гудмундсон биеше опасно од слободен удар, Димитриевски успеа да одбрани, но одбиената топка во мрежата на Македонија ја смести Бјарнасон.

Нашата селекција можеше многу брзо да ја врати предноста од два гола, но Александар Трајковски немаше среќа во 81. минута. Неговиот удар заврши во стативата од голот на Исланд.

Во 84. минута, домашните фудбалери израмнија на 2:2. Стрелец на голот беше Андри Гудјонсен.

Во 90. минута, ударот со глава на Висар Муслиу го одбрани голманот Рунарсон, а во продолжението од убави прилика немаа среќа да постигнат трет гол за нас, Чурлинов и Јаховиќ.

МАКЕДОНИЈА: 1. Столе Димитриевски, 6. Висар Муслиу, 14. Дарко Велковски (90 Кире Ристевски), 8. Езѓан Алиоски, 13. Стефан Ристовски, 20. Стефан Спировски, 10. Енис Барди (72` Александар Трајковски), 7. Елиф Елмас, 21. Тихомир Костадинов (80` Адис Јаховиќ), 11. Дарко Чурлинов, 19. Милан Ристовски (80` Даниел Аврамовски); Селектор: Благоја Милевски.

Септемврискиот квалификациски прозорец го затвораме на 8. септември на Националната арена „Тодор Проески“ против Романија.

Тагови:Porta.mk Исланд Македонска фудбалска репрезентација

Следно

Македонската фудбалска репрезентација до 21 година денес во 16 часот ќе одигра натпревар против Србија во Охрид

Не пропуштај

Нашиот тим е во фаза на трансформација, освежен со нови фудбалери кои имаат помал стаж, но ќе се бориме до крај против Исланд!

Спорт

Одлични вести: ВАР системот стана реалност во македонскиот фудбал

Објавено пред

2 дена

на

август 6, 2025

Од

Порта.мк

©porta.mk

Во „Куќата на фудбалот“ официјално беше претставен ВАР системот, кој првпат ќе се користи во историјата на македонскиот фудбал, почнувајќи од новата сезона во Првата македонска фудбалска лига (Прва МФЛ).

Изградени се три ВАР соби, сервер и контролна просторија, сè според стандардите на ФИФА. Деталите за примената на системот ги презентираа претседателот на ФФМ, Масар Омерагиќ, ВАР проект-лидерот Дејан Јакимовски и Јосип Бартон, претседател на комисијата за делегирање судии.

Покрај ВАР технологијата, Фудбалската федерација на Македонија набави и специјално репортажно возило, кое ќе се користи за телевизиски пренос на натпреварите.

Повеќе прочитајте на официјалниот линк од ФФМ, ТУКА

Прочитај повеќе...

Спорт

Србија официјално остана без „АТП“ турнирот

Објавено пред

4 дена

на

август 4, 2025

Од

Порта.мк

Турнирот „Белград Опен“, кој беше закажан за ноември 2025 година, е официјално откажан. И покрај големите напори и вложени ресурси, не беа исполнети условите за организација на настанот во предвидениот термин и формат. Поради тоа, организаторите решија да го откажат овогодинешното издание. Овој викенд се потврди веста дека годинашното издание на АТП турнирот нема да се одржи во Белград.

Од 2021 година, организаторите имаа успешно портфолио од девет професионални тениски турнири, меѓу кои пет АТП 250 настани, еден WTA 250, еден WTA 125, еден ATP Challenger 125, како и еден турнир под покровителство на ITF. Овие турнири привлекоа бројна домашна и меѓународна публика, позиционирајќи го Белград како важна дестинација на тениската мапа.

Дефинитивно ништа од АТП турнира у Београду. Нису могли да се обезбеде услови.
Једина прилика за уживо тенис у Србији биће Дејвис куп септембра у Нишу. pic.twitter.com/YgT6jrwHox

— Стефан Милић (@StefanMilic00) August 4, 2025

Организаторите изразија гордост за сето досега постигнато и упатија благодарност до сите кои дадоа поддршка — партнери, спонзори и верната публика.

Тие нагласуваат дека остануваат посветени на развојот на тенисот во Србија и дека ќе продолжат да работат на создавање услови за враќање на професионалните турнири во Белград во иднина.

Планираниот турнир требаше да се одржи од 2 до 8 ноември во ОАКА Арената во Атина, каде што инаку настапува кошаркарскиот клуб Панатинаикос. Со оваа одлука, Белград останува без АТП турнир, што претставува значителен удар за тениската сцена во градот.

Посетата на Новак Ѓоковиќ на Атина во јуни се поврзува токму со испитување на можноста за организирање на турнир во Грција, со цел истиот да се премести од Белград.

Прочитај повеќе...

Спорт

Во петок започнува новата сезона на првата македонска фудбалска лига, првото дерби ќе се одигра во Тетово, подоцна Вардар го дочекува Пелистер

Објавено пред

5 дена

на

август 3, 2025

Од

Порта.мк

©porta.mk

Новата сезона во Првата македонска фудбалска лига започнува во петок, на 8 август, и веднаш носи возбудливи натпревари. Првото дерби ќе се одигра во Тетово, каде што Шкендија и Шкупи 1927 ќе се соочат од 17:00 часот. Ова е еден од најочекуваните дуели од првото коло, истакна Фудбалската федерација на Македонија.

Подоцна истиот ден, на Националната арена „Тодор Проески“ во Скопје, ќе се одржи уште еден голем натпревар – Вардар против Пелистер, со почеток од 20:00 часот.

Целосниот распоред на првото коло од сезоната 2025/26 изгледа вака:

Петок, 8 август: