Lifestyle
Научниците предупредуваат: Го достигнавме врвот; Не чека катастрофа

Експертите предвидуваат дека глобалните емисии на јаглерод диоксид, кој ја загрева Земјата, ќе се зголемат за уште еден процент и со тоа ќе достигнат нов максимум во 2023 година.
Исто така, се предупредува дека во оваа деценија загадувањето со јаглерод диоксид мора да се намали за речиси 50 проценти за да се постигнат зацртаните светски цели, а тоа се ограничување на глобалното затоплување и избегнување на катастрофално влијание врз климата.
Глен Петерс, директор на Норвешкиот Институт за истражување на климата, ЦИЦЕРО, рече дека глобалните емисии на јаглерод диоксид оваа година требало да се намалат за околу 5 отсто, но се случило спротивното.
Истражувањето што го направи со своите колеги покажа дека овие емисии продолжуваат да растат, а врз основа на сегашните очекувања, може да очекуваме зголемување на емисиите на јаглерод диоксид меѓу 0,5 и 1,5 отсто оваа година.
„Не е веројатно дека емисиите на јаглерод диоксид ќе паднат во 2023 година“, рече тој за АФП.
Прелиминарните податоци, исто така, покажуваат дека ќе биде многу тешко да се намалат емисиите доволно брзо за да се исполнат целите од Парискиот договор за ограничување на глобалното затоплување на 1,5 степени Целзиусови над вредностите од прединдустрискиот период.
„Секоја година, емисиите на јаглерод диоксид продолжуваат да растат, што го отежнува постигнувањето на целите од Парискиот договор“, рече Петерс.
Конечната анализа ќе биде објавена во декември, кога светските лидери ќе се сретнат на клучните разговори за климата на ОН во Обединетите Арапски Емирати.
Главна тема на преговорите ќе биде иднината на фосилните горива, главниот извор на загадување со јаглерод диоксид.
Претходно во годината, Меѓународната агенција за енергија (ИЕА) предупреди на негативното влијание на зголемените инвестиции во фосилни горива и „исклучително високите емисии“ за време на економското закрепнување по пандемијата и енергетската криза поттикната од руската инвазија на Украина.
Питерс смета дека чистата енергија треба да ја замени побарувачката за фосилни горива, но „тоа сè уште не се случува во поголем обем, што е разочарувачки“.
Питерс додава дека научниците се надевале дека емисиите на јаглерод диоксид ќе го достигнат својот врв во 2015 година и дека ќе се случи пресвртна точка за време на пандемијата на коронавирус.
„Сепак, еве сме во 2022 година, повторно го достигнавме врвот, а во 2023 година очекуваме уште еден“, рече овој научник минатата година.
„Се плашам дека работиме само половина работа, работиме на чиста енергија, но не и на другата половина, која се откажува од фосилните горива“, заклучил тој, а пренесува Јутарњи лист.
/B92
Lifestyle
Во сабота сите патишта водат во „Република Клуб“- Кичево, заедно со светски познатиот Dean Mickoski и Fecky Farris & Punisher

Нашиот кичевчанец, добро познатиот Деан Мицкоски гостува во сабота во „Република Клуб“ заедно со „Fecky Farris“ & „Punisher“. Нашиот промотор по светот Dean Mickoski, има настапувано заедно со познатите „Hugel, John Summit, MoBlack, Roger Sanchez, Chus, Harry Romero“ и многу други.
Официјална соработка во неговото портофлио ќе најдете и со 10 а можеби и повеќе артисти од топ 100 рангирани во светски рамки, како што се: „Nicole Moudaber, Roger Sanchez, Chus, Frencis Mercier, Emanuel Jal, Eran Hersh, Lee Cabrera, MistaJam, Roland Clark, Idd Aziz, Tom & Collins“ и многу други, додека како гостин често настапувал на светски реномираните фестивали по светот, како што се „Miam Music Conference“, редовно е на сцената во светската метропола New York и Мексико.
Неговите изданија можат да се погледнат на светско познатите музички продуценски куќи, како што се „Armada“ на „Armin Van Buren, Mo Black, Stealth, Redolent, Glasgow Underground, Toolroоm“ и многу други.
Повелете во Република во сабота / 18.10, 21:00ч, ќе биде одлично!
Спонзор на вечерта „Players.Mk“, специјални цени:
- Gray Goose 0,7L – 4500 ден
- Jamison 0,7L – 2600 ден
- 6 sense London Dry Gin 0,7L – 1500 ден
- Влез: 200 ден.
Lifestyle
Зошто јајцата се подобар избор за појадок од житарките

Сите знаеме дека појадокот е најважниот оброк во денот, но често наутро, додека сè уште сме поспани, тешко се одлучуваме што да јадеме. Изборот станува уште потежок кога сакаме здрав и хранлив оброк, а не сме сигурни која опција е подобра.
Истражување спроведено од тим експерти во Лос Анџелес дава јасен одговор на ова прашање. Во студијата учествувале дваесет лица со прекумерна тежина, поделени во две групи – едната јадела јајца за појадок, а другата житарките. Иако и двете намирници содржат протеини и се популарен избор наутро, резултатите покажале дека јајцата се далеку подобар избор.
Јајцата создаваат подолго чувство на ситост
Научниците утврдиле дека чувството на ситост трае значително подолго кај оние што јаделе јајца во споредба со оние што јаделе житарици. Пред и по истражувањето биле измерени нивата на два хормони – грелин (кој го стимулира апетитот) и лептин (кој го поттикнува чувството на ситост).
Резултатите покажале дека учесниците кои јаделе јајца имале пониски нивоа на грелин и повисоки нивоа на лептин во текот на денот. Тоа значи дека подоцна внесувале помалку калории од оние кои појадувале житарици.
Протеините од јајцата се поквалитетни
Истражувачите истакнуваат дека протеините со повисок квалитет имаат поголем ефект врз чувството на ситост. Токму затоа, редовното консумирање јајца може да помогне во превенцијата на дебелина и во процесот на слабеење, бидејќи телото останува сити подолго време и се намалува потребата за грицки меѓу оброците.
Колку хранливи материи има во едно јајце?
Едно големо јајце содржи приближно 70 калории, 5 грама протеини, 5 грама масти и околу 186 милиграми холестерол. Научниците препорачуваат варени јајца како најздрав избор, бидејќи не содржат дополнителни калории од масло и се побезбедни од суровите јајца благодарение на термичката обработка.
Со оглед на овие резултати, може да се заклучи дека јајцата се едноставен, достапен и нутритивно супериорен избор за здрав појадок кој го одржува енергетското ниво и ситоста во текот на целиот ден.
Извор: N1Info
Lifestyle
Јаболката се чудо за вашето здравје – еве два десерти што ќе ги правите цела есен

Звучи неверојатно, но обичното јаболко може да биде вистинско чудо за вашето здравје. Ова овошје што сите го имаме при рака крие моќни хранливи состојки кои го чистат телото, го штитат срцето и нè одржуваат сити.
Јаболкото е крцкаво овошје кое, зад својот скромен изглед, крие вистинска нутритивна бомба што прави чуда за вашето тело и енергија.
Зошто е паметно да јадете јаболко секој ден
Преполно е со растителни влакна и флавоноиди – повеќето од корисните материи се скриени во кората, затоа не ја лупете! Во неа се наоѓаат растителните влакна и соединенијата што го зајакнуваат вашето тело.
Помага во варењето и обезбедува чувство на ситост – влакната во јаболката го забавуваат варењето, ве одржуваат сити подолго време и им помагаат на цревата да работат правилно.
Заштитник на срцето и крвните садови – јаболката можат да помогнат во намалување на лошиот холестерол и да ги заштитат крвните садови од оштетување.
Моќен сојузник против болести – антиоксидансите во јаболката го забавуваат развојот на клетките на ракот и помагаат во заштитата од дијабетес тип 2.
Добри за белите дробови, мозокот и имунитетот – редовната консумација на јаболка е поврзана со подобра функција на белите дробови, посилен имунитет и подобра меморија.
Но, не претерувајте со јаболка
Иако се здрави, важно е да се одржи рамнотежа.
-
Премногу калории – ако претерате, јаболката можат да придонесат за внес на премногу шеќер и калории.
-
Пестициди – често се на листата овошја со највисоки остатоци од пестициди, затоа добро измијте ги или изберете органски.
-
Семките не се јадат – содржат соединенија што можат да се претворат во цијанид, па избегнувајте ги.
Јаболкото – суперовошје што освојува од првиот залак
Јаболката се едно од најздравите и најдостапни овошја во светот. Крцкави, сочни и полни со витамини, тие се вистинска мала енергетска ризница што вреди да се јаде секој ден.
Освен нивните здравствени придобивки, јаболката се и ѕвезди во бројни домашни рецепти што се омилени во секој дом.
Домашна штрудла со јаболка
Еден од најкласичните рецепти во македонските кујни – сочна, миризлива и полна со вкус на детството.
Состојки за филот:
-
1 кг јаболка
-
100 г шеќер (или по вкус)
-
1 ванилин шеќер
-
1 лажичка цимет
-
100 г суво грозје (по желба)
-
50 г мелени ореви или презла
-
Сок од половина лимон
Тесто (ако го правите домашно):
-
250 г брашно
-
Прстофат сол
-
1 лажица масло
-
1 лажичка оцет
-
Околу 150 мл млака вода
(или користете готови кори)
За премачкување:
50 г растопен путер или масло
Подготовка:
Ако правите домашно тесто, замесете го со сите состојки и оставете да одмори 30–45 минути. На набрашнета крпа расукајте тенко тесто, речиси проѕирно.
Ако користите готови кори, изрендајте ги јаболката и измешајте ги со сите состојки за фил. Премачкајте ја секоја кора со путер, наредете по три заедно, нанесете фил и замотајте со крпа.
Печете на 180°C околу 35–40 минути. Кога ќе се олади, посипете со шеќер во прав и уживајте.
Пита од јаболка – класика што никогаш не излегува од мода
Едноставна, брза и совршено сочна торта – идеална кога сакате нешто благо, а немате многу време.
Состојки:
-
3 јајца
-
150 г шеќер
-
1 ванилин шеќер
-
100 мл масло
-
100 мл млеко
-
250 г брашно
-
1 прашок за пециво
-
Прстофат сол
-
3 големи јаболка (рендани или исечени)
-
1 лажичка цимет
-
Шеќер во прав за посипување
Подготовка:
Загрејте ја рерната на 180°C. Матете ги јајцата со шеќерот и ванилиниот шеќер додека не добиете пенеста смеса.
Додадете масло и млеко, потоа брашно со прашок за пециво и сол. Додадете јаболка и цимет, добро измешајте.
Истурете ја смесата во намастен и набрашнет плех (20×30 см) и печете 35–40 минути. Кога ќе се олади, посипете со шеќер во прав.
Сервирајте со кафе, чај или топло какао – и уживајте во мирисот на есента.
Совет: додадете суво грозје, сечкани ореви или кора од лимон за уште побогат вкус.
Извор: 24H
-
Спорт9 часа
За прв пат, во ист ден тројца кичевски судии ќе судат меѓународни натпревари во Австрија и Фарски Острови
-
Хороскоп2 дена
Хороскоп за четврток (16 октомври)
-
Хороскоп21 час
Хороскоп за петок (17 октомври)
-
Македонија2 дена
18 години без нашата поп икона Тоше Проески, кој загина на денешен ден – утрото на кобниот 16.10.2007
-
Македонија1 ден
Вчера во Битола се случила тешка сообраќајна несреќа помеѓу малолетник со електричен тротинет и пмв „цитроен“ со демирхисарски регистарски ознаки
-
Здравје и убавина1 ден
Овие овошја едноставно се клучот за одмор на вашите црева во организмот
-
Технологија1 ден
„Google Wallet“ добива нова функција која ќе го олесни користењето на дигиталните пропусници, картички за лојалност и билети
-
Македонија6 часа
Нов случај со измама за наводно случена сообраќајка, каде побарана била изнуда од висока сума на пари за итна операција