Спорт
Нека биде загревање! Нашата репрезентација загуби од Романија и пропушти минимален бод, ФФМ додели 40,000 евра премија за поттик кон успеси!
Македонската А репрезентација загуби со 3:2 од Романија во Букурешт во првиот натпревар од квалификациите за Светското првенство во Катар 2022. Пропуштивме голема прилика да останеме непоразени на Националната арена во Букурешт. Аријан Адеми и Александар Трајковски ги постигнаа головите за Македонија и надополнивме негатива од 2:0, но Хаџи со погодок во 86. минута им донесе победа на домашните.
Првата вистинска прилика за отворање на резултатот не ја искористи Илија Несторовски во 8. минута од мечот. Нашиот напаѓач беше одлично проигран од Алиоски, но од десетина метри, Несторовски лошо шутираше, а не успеа да го совлада домашниот голман ниту во вториот обид во продолжение од акцијата.
Романија во 17. минута се закани со удар на Денис Ман, шутираше од работ на шеснаесетникот, но сигурен на голот беше Столе Димитриевски. Нашиот голман одлично реагираше и минута подоцна по шутот од далечина на Банку.
Горан Пандев во 22. минута одлично реагираше во шеснаесетникот на Романија, но неговиот лоб удар заврши малку над пречката од голот на домашните.
Во 28. минута Романија го отвори резултатот. Флориан Танасе одлично беше проигран во нашиот шеснаесетник и биеше прецизно во мрежата на Димитриевски. Кирикеш беше асистент на погодокот за 1:0.
Во 33. минута, Елиф Елмас се најде во прекрасна шанса по проигрување од Пандев, но неговиот удар заврши во надворешниот дел од мрежата на романците.
Нова добра прилика пропуштивме пет минути подоцна преку Илија Несторовски. Николов нафрли, но ударот со глава на Илија Несторовски го одбрани домашниот голман.
2:0 за Романија во 50. минута. Еврогол на Валентин Михаила. Шутираше силно и прецизно од 20-на метри од голот на Димитриевски.
По еден час игра, Димитриевски одбрани чиста шанса за романците преку Кушеру. Минута подоцна Енис Барди се обиде по соло акција, но биеше надвор од рамката на домашниот гол.
Нашата репрезентација не успеа да го загрози голот на Романија ниту по ударот од прекин на Барди во 67. минута, а одново Димитриевски беше одличен на спротивната страна откако Михаила влезе во шанса за 3:0.
Во 73. минута, нова сто процентна прилика за македонската репрезентација. Аријан Адеми беше одлично проигран од Пандев, но Нита беше внимателен на голот.
Романија пропушти две нови прилики за трет гол преку Банку и Хаџи.
Во 83. минута конечно Македонија преку Аријан Адеми по нафрлување на Алиоски, а во 84. минута Александар Трајковски израмни на 2:2 по асистенција на Барди.
Сепак, Јанис Хаџи во 86. минута повторно им носи предност на домашните фудбалери. Шутираше прецизно во мрежата на немоќниот Димитриевски.
До крајот од натпреварот не успеавме да постигнеме гол и да избегнеме пораз од Романија.
МАКЕДОНИЈА: 1. Столе Димитриевски, 2. Егзон Бејтулаи, 4. Кире Ристевски, 6. Висар Муслиу, 8. Езѓан Алиоски, 13. Стефан Ристовски, 16. Бобан Николов (54` Аријан Адеми), 17. Енис Барди, 21. Елиф Елмас, 10. Горан Пандев (78` Александар Трајковски), 23. Илија Несторовски (54` Влатко Стојановски); Селектор: Игор Ангеловски

Фудбалската федерација на Македонија, и покрај поразот од Романија на стартот од квалификациите за СП 2022, ќе им додели премија на репрезентативците во висина од 40.000 евра.
Како што извести претседателот на ФФМ, г-дин Муамед Сејдини поради одиграниот квалитетен фудбал според сите очекувања иако несреќно поразени, Федерацијата доделува 40,000 евра премија дополнителен поттик за успешно продолжување во патот кон квалификациите за СП 2022 иако ова е само почеток.
Спорт
Ако не победат „Кралевите“ против Сити, клубот ќе го менува Алонсо, по незадоволството од поразот против Селта Виго?
Реал Мадрид по поразот од Селта Виго со 0:2 на домашен терен во „Примера дивизион“ минатата недела, при што беа доделени и два црвени картони, по тој пораз, Барселона остана на лидерската позиција со четири бода предност, а ситуацијата на клупата на Реал се комплицира, со најава дека тренерот Алонсо може да биде отпуштен уште оваа недела.
Според информации од Шпанија, во понеделник беше свикан итен состанок во Мадрид за да се разгледа моменталната ситуација со Алонсо и неговиот тим. Како што пренесува „Марка“, натпреварот против Манчестер Сити во Лигата на шампионите ќе биде одлучувачки за иднината на тренерот.
Во случај на пораз, Алонсо ќе биде отпуштен, но ако Реал извојува победа, неговиот мандат ќе продолжи.
🚨🚨 BREAKING: If Real Madrid lose against Man City, Xabi Alonso will be FIRED.
Decision made. @marca pic.twitter.com/jJ5onRSuW3
— Madrid Zone (@theMadridZone) December 8, 2025
Реал Мадрид ќе игра против Сити на домашен терен в среда во 21 часот, а голем интерес ќе предизвика тоа како ќе реагираат играчите и дали ќе успеат да бидат мотивирани и покрај нарушената атмосфера во соблекувалната оваа сезона.
– Инаку, Алонсо го презеде тимот ова лето, а најголемо внимание привлече поради неговиот напнат однос со Винисиус Жуниор. Управувањето со Реал и контрола на соблекувалната не е лесна задача, а чини се дека тоа е најголемиот предизвик за Алонсо, кој, и покрај напорите, не успеа да постигне одлични резултати.
Во јавноста веќе се споменуваат имињата на Зинедин Зидан и Јорген Клоп како потенцијални наследници на Алонсо, но повеќе детали ќе се знаат ако се случи промена на тренерската позиција.
Спорт
Кичевскиот фудбалски судија Лика во среда ќе биде прв помошен судија на „play-off“ дуелот меѓу Нант и Макаби Хаифа
Искусниот судиски арбитар од Кичево, Куштрим Лика официјално беше назначен за главен помошен арбитар на престижниот европски „play-off“ натпревар меѓу младинските екипи на Нант и Макаби Хаифа до 19 години. Средбата ќе се одигра на стадионот од Нант, 10 декември 2025 год во Франција и носи огромно значење бидејќи победникот обезбедува пласман во следната фаза од елитното европско натпреварување. Главен судија ќе биде Christos Vergetis.
Првиот дуел беше одигран на стадионот „Ѓирмот / Gyirmóti“ во Унгарија, истиот заврши со минимална победа на Макаби Хаифа од 1:0, што дополнително ја зголемува неизвесноста пред реваншот во Франција. Лика ќе има важна задача – да придонесе натпреварот да мине во фер и спортска атмосфера, каква што налага европската фудбалска сцена.
– „Секое меѓународно судење за мене е вистински предизвик и чест. Тоа е признание за мојата работа и мотивација постојано да се подобрувам. Особено е престижно чувството кога се носиш со арбитража на мечеви што ги следи цела фудбалска Европа“, за Порта.мк истакна Лика во пресрет на големата средба.
Назначувањето за ваков тип на натпревар уште еднаш потврдува дека македонските фудбалски судии успешно чекорат кон европскиот врв, претставувајќи достоинствено како себе, така и својата земја. Претходно Давор Цветаноски беше дел од мечот „Австрија Виена – Макаби Хаифа“, додека Зоран Јанкулоски, заедно со Лика беа дел од натпреварот помеѓу екипите на „Nordragota – Викингур“
Порта.мк со поддршка за кичевските арбитри кои високо котираат во својата професионална фудбалска кариера!
Спорт
Благоја Милевски се заблагодари на сите досегашни претседатели на ФФМ, сите наши фудбалери, стручен штаб, медицински лица и логистика
Селекторот на македонската фудбалска репрезентација Благоја Милевски на кој му заврши договорот како предводник на македонската селекција, преку ФФМ истакна интегрално соопштение и се заблагодари за досегашната соработка. Неговото обраќање пред јавноста гласеше вака:
– Искрено сакам да упатам благодарност до Фудбалската федерација на Македонија и до сите нејзини претседатели Илчо Ѓорѓиоски, Муамед Сејдини и Масар Омерагиќ кои од 2014 година наваму обезбедуваа стабилни услови и поддршка, што овозможија да се испишат значајни страници во историјата на македонскиот фудбал.
Посебно признание должам на актуелниот претседател Масар Омерагиќ за неговата континуирана, јасна и несебична поддршка во изминатиот период. Таквите темели се клучни за секој професионален процес да функционира сигурно и доследно во спортот, но и пошироко.
Горд сум на нашите фудбалери. Нивната трудољубивост, борбеност и силна волја ни донесоа резултати што долго ќе се паметат. Тие вистински го претставија духот на Македонија, а тоа ме исполнува со искрена гордост.
Голема благодарност упатувам и до мојот стручен штаб, како и до медицинскиот и логистичкиот тим, за нивната професионалност и беспрекорна соработка. Секој од нив си ја извршуваше задачата тивко, прецизно и посветено, како дел од тим што мора да функционира усогласено за да успее.
Навистина беше чест да ја предводам репрезентацијата и да бидам дел од овој колективен напор. И понатаму ќе останам со тимот со внимание, поддршка и почит, заврши Милевски.
Извор: ФФМ
-
Кичево2 дена„ЕВН КЕЦ Кичево“ во вторник ќе работи на терен, дел од „Ужичка“, „Мечкин Камен“ и дел од месноста „Под Крушино“ времено ќе бидат без електрична енергија
-
Хороскоп2 денаХороскоп за понеделник (8 декември)
-
Хороскоп20 часаХороскоп за вторник (9 декември)
-
Кичево8 часаНоќеска во Кичево европско-медитеранскиот сеизмолошки центар регистрираше слаб земјотрес на длабочина од околу 15 километри
-
Кичево11 часаКнежинскиот манастир денес го слави својот патрон „Св. Ѓорѓија – Победоносец“, за многу години „Св. Ѓорѓија“, Христовиот војник, заштитник на сиромашните
-
Временска прогноза9 часаЗа вистинската зима и снежна идила ќе почекаме, следуваат пролетни температури над просекот за месец декември
-
Македонија24 часаЖена од охридското с.Лескоец удрила во полициско „јети“ на охридската полиција, за среќа учесниците поминале со телесни повреди
-
Македонија1 денПС Франгово и РЦ Запад запленија три торби со 62 паковки со марихуана
