Спорт

Нови проблеми за Анчелоти: „Кралевите“ остварија важна победа, но Алаба заработи тешка повреда на коленото

Објавено пред

1 година

на

декември 18, 2023

Од

Порта.мк

printscreen/official video

Реал Мадрид синоќа оствари многу важна и убедлива победа над Виљареал кој во шпанската престолнина беше поразен со 4:1. Навивачите на „кралскиот клуб“ можат да бидат задоволни од играта и резултатот, но не и деталот од 33. минута кога Давид Алаба мораше да го напушти теренот поради повреда.

Веќе во текот на натпреварот се појави информација дека австрискиот репрезентативец заработил тешка повреда на коленото, а Реал веднаш по мечот објави дека се работи за кинење на предните вкрстени лигаменти, и дека играчот ќе мора да оди на операција.

Во пракса тоа значи дека Карло Анчелоти нема да може да смета на Алаба до крајот на сезоната, па Италијанецот најави активен Реал во претстојниот јануарски преоден рок.

Пред Алаб истата повреда ја заработија Едер Милитао и Тибо Куртоа, проблеми со коленото има и Арда Гилер, додека Ферлан Менди вчера рано мораше да го напушти теренот поради повреда на десната надколеница.

Против Виљареал не играа ниту Едуард Камавинга, Дани Карвахал и Винисиус Жуниор, па јасно е дека Реал е во голем проблем пред да продолжи сезоната…

Најдобрите моменти како и головите во продолжение:

Тагови:Porta.mk Реал Мадрид

Следно

Фудбалската федерација на Македонија истакна известување за рок за пријавување за испит за стекнување со лиценца за ФИФА фудбалски агент

Не пропуштај

(ВИДЕО) Оставка и приведување за Фарук Коџа по „тупаницата“ врз главниот судија на мечот против Кајкур Ризеспор

Спорт

Првиот човек на ФФМ, Масар Омерагиќ ги претстави новите партнери – Гранд Ауто

Објавено пред

4 дена

на

март 7, 2025

Од

Порта.мк

©ФФМ

Гранд Ауто, официјалниот застапник на Ford, Hyundai, MG Motor и Chery за Македонија постигнаа договор со Фудбалската Федерација на Македонија (ФФМ) за поддршка на Фудбалската федерација на Македонија и нашите национални репрезентации.

Ford и Hyundai, како докажани пријатели на спортот во светски рамки и нераскинлив дел од сите важни моменти од големите натпреварувања, Европски и Светски првенства, а пред почетокот на новиот квалификациски циклус на македонската репрезентација за мундијалот 2026 година, Гранд Ауто и ФФМ интензивно се подготвуваат за креирање на вистинска навивачка атмосфера и поддршка на нашите фудбалери на патот кон нов историски успех.

– „Ни претставува задоволство што денеска нашата репрезентација и ‘Куќата на фудбалот’ добиваат нов партнер во името на Гранд Ауто.

Нѐ радува тоа што едни од најпрепознатливите автомобилски брендови, стануваат дел од фудбалското семејство. Уште повеќе поради фактот што просечната старост на возилата во ФФМ до овој момент беше речиси 18 години и повеќе од двесте илјади минати километри. ФФМ никогаш досега немала партнер во име на официјален застапник на автомобилски бренд во овој обем, но тука сме да ги менуваме работите и во овие нецели два месеци, промените се случуваат.

– Правиме сѐ за да овозможиме најдобри услови за репрезентациите и нивната логистика, а оваа соработка е токму во таа насока. Верувам дека заеднички со Гранд Ауто ќе се радуваме на нови победи, ќе ја бодриме нашата репрезентација и ќе славиме за нови победи. Благодарност до сите во Гранд Ауто за поддршката и за тоа што верувате во подобра федерација и нови победи за македонската репрезентација, истакна претседателот на ФФМ, Масар Омерагиќ.

Повеќе проследете на официјалниот линк од ФФМ, ТУКА

Прочитај повеќе...

Спорт

Младата женска фудбалска репрезентација до 17 години со „петарда“ против своите врснички од Молдавија, 5:0 за нашите девојки кои ветуваат одлична игра!

Објавено пред

5 дена

на

март 6, 2025

Од

Порта.мк

©ФФМ

Млада женска репрезентација на Македонија до 17 години славеше убедлива победа со 5:0 против соодветната селекција на Молдавија во рамките на првото коло од квалификацискиот турнир ЕП кој се одржува во Скопје.

На тренинг центарот „Петар Милошевски”, избраничките на Катерина Милеска одиграа одличен меч во кој во целост го надиграа противникот и остварија сосема засллужено победа.

Накова го обележа овој натпревар во кој успеа да постигне три погодоци.

Резултатот го отвори најдобриот поединец на денешната средба, Настасја Накова во 29. минута. Истиот играч во 51. минута стрелаше за 2:0. Три минути подоцна, Калина Попески го постигна третиот погодок на денешната средба. Ева Величкова беше стрелец на четвртиот гол во 66. минута, а Настасја Накова во 77. минута го комплетираше хет трикот и ги постави конечните 5:0.

Квалификациски турнир во Скопје

Жени до 17 години

Македонија – Молдавија 5:0 (1:0)

МАКЕДОНИЈА: Евгенија Велјановска, Мила Панева (Тамара Лазеска 82′), Блехана Алиеска, Меланија Грозданова, Ева Величкова (Ноелле Митревски 70′), Настасја Накова, Теона Галабовска (Розита Пецева 82′), Калина Попески (Елена Наумовска 70′), Канита Емини, Ана Марија Цветкоска (Јована Каралиоска 46′), Андреа Коловска;

Селектор: Катерина Милеска;

На 12. март од 11.часот на тренинг центарот „Петар Милошевски” играме со Словенија.

Меѓусебната пресметка, Молдавија и Словенија ќе ја одиграат на 9. март, со почеток во 13. часот.

Извор: ФФМ

Прочитај повеќе...

Спорт

Новото раководство на ФФМ со плодна работа уште на старт, конечно стартува онлајн платформа за продажба на влезници за претстојните натпревари на репрезентацијата

Објавено пред

6 дена

на

март 5, 2025

Од

Порта.мк

ФОТО: screenshot/youtube

Фудбалската федерација на Македонија (ФФМ) официјално ја стави во употреба својата on-line платформа (eticket.ffm.mk) за продажба на влезници за натпреварите на македонската репрезентација.

Навивачите и сите поддржувачи на македонскиот национален тим ќе можат да купуваат билети директно преку нашата нова веб-платформа, (eticket.ffm.mk), овозможувајќи побрз, побезбеден и поедноставен начин за поддршка на нашата репрезентација и домашните фудбалски натпревари.

Во неколку чекори подгответе се за натпреварот:

1. Посетете ја платформата eticket.ffm.mk

2. Изберете натпревар

3. Одберете седиште

4. Извршете уплата

5. Преземете го дигиталниот билет

Со оваа платформа добивате: Безбедно и лесно купувањена билети, предвремен пристап до влезници, дигитални и мобилни опции за нарачка и купување на влезници и ажурирање во реално време за достапноста на билетите.

Електронската платформа eticket.ffm.mk е достапна на македонски, албански и англиски јазик. Посетете ја eticket.ffm.mk за повеќе информации и бидете дел од поинакво фудбалско искуство, истакна ФФМ преку своето интегрално соопштение за јавноста.

Имено, со претстојните новости новото раководство на Федерацијата на чело со г-дин Омерагиќ и тоа како се пушти во плодна работа во корист на љубителите на фудбалот и воопшто на македонскиот спорт. Според најавите, со подобностите од ваков тип тек се започнува – што реално е за сите почести.

Во меѓувреме познат е распоредот за третиот круг од првенството во Првата фудбалска лига