Магазин
Новите телефони Samsung пристигнуваат на 10 август, веќе откриено како ќе изгледаат (фото)

Почетокот на август во светот на мобилната телефонија со години е резервиран за премиерите на Samsung. Долго време беше терминот кога добивме нов телефон Note, но работите се променија и во тоа време компанијата од Кореја премиерно ги прикажува новите свитливи телефони. Сега е потврдено дека така ќе биде и овој пат – на 10 август ќе пристигнат новите Fold уреди.
Samsung испрати покани за настанот Unpacked. Оние кои имаат среќа ќе можат да видат се на настанот во Лондон, за нас останатите има онлајн линк, а се почнува во 13 часот и најавено е премиерно прикажување на Galaxy Z Flip4 и Z Fold4. како и серијата Galaxy Watch5 и новите Galaxy Buds.
Како ќе изгледаат новите телефони веќе можевме да видиме на некои од фотографиите објавени од проверени извори кои ни носат информации за телефоните години пред самата премиера.
Рендерските фотографии покажуваат дека Galaxy Z Fold4 ќе изгледа речиси идентично како неговиот претходник, со скенер за отпечатоци од десната страна, копчиња за јачина на звук горе и слот за SIM картичка на горниот лев агол на телефонот.
Она што досега се знае за телефоните е дека двата модели ќе имаат чипсет Snapdragon 8+ Gen 1. Се очекува, како и досега, Galaxy Z Fol4 да има посилен систем на камера – 50MP широкоаголен главен објектив, 12MP ултра широкоаголна камера и 10MP 3x телефото објектив, како и селфи камера од 10MP на надвор од телефонот, односно кога екранот е преклопен и 16MP селфи камера од внатре.
Неофицијално, самиот телефон ќе биде потенок од Galaxy Z fold 3 и самиот екран ќе биде поголем.
Кога станува збор за Galaxy Z Flip4, исто така нема огромни промени во поглед на дизајнот во однос на претходниот модел, но овој ќе биде достапен во сива, виолетова, златна и светло сина боја. Други информации сугерираат дека телефонот ќе ја има истата конфигурација на камерата како порано и батерија од 3.800 mAh или 3.900 mAh со полнење од 25 W.
Lifestyle
Како да го разладите домот без клима: Три едноставни трикови

Температурите се зголемуваат, а престојот во затворен простор сè повеќе наликува на престој на директно сонце. Ако немате клима уред, не грижете се – постојат неколку едноставни начини да го разладите просторот дома и да ја подобрите удобноста.
Во продолжение ви ги претставуваме трите најделотворни трикови:
1. Создадете страничен ветер
Експертите од Good Housekeeping Institute препорачуваат создавање на таканаречен страничен ветер – ефективен начин за извлекување на жешкиот воздух надвор и внесување свеж воздух внатре.
-
Во текот на денот: држете ги прозорците, вратите и ролетните затворени за да спречите влез на топлина.
-
Навечер: отворете ги прозорците, поставете еден вентилатор свртен надвор (за да ја исфрлува топлината) и втор вентилатор свртен внатре (за да внесува свеж воздух).
2. Замрзнете шишиња со солена вода
Овој метод е едноставен и ефективен:
-
Замрзнете едно големо или три мали пластични шишиња со вода, на која ќе додадете три мали лажички сол.
-
Поставете ги пред вентилатор – солта помага водата побрзо да се замрзне и подолго да остане ладна.
-
Вентилаторот ќе го разнесува студениот воздух низ просторијата.
3. Сад со мраз пред вентилатор
Слично како со шишињата, поставете сад со мраз пред вентилатор. Додека воздухот поминува над мразот, ќе се излади и ќе создаде пријатна циркулација на свежина низ собата.
Овие трикови не само што се лесни и ефтини, туку и навистина функционираат. Ако немате клима уред, ова се вашите најдобри сојузници во борбата против летната жега.
Извор: BizPortal
Lifestyle
Дали навистина треба да се плашиме од семките од лубеница? Еве што се случува кога ќе ги проголтате

Со генерации наназад кружи митот: „Ако проголташ семка од лубеница, ќе ти порасне лубеница во стомакот!“ Иако ова е само шега од детството, многумина и денес ги избегнуваат семките кога уживаат во ова популарно летно овошје.
Но, што навистина се случува ако ги голтнеме? Дали се штетни или, спротивно на очекувањата, дури и здрави?
Семките од лубеница се безбедни – и хранливи
За разлика од семките на цреши или кајсии, кои може да содржат опасни супстанции, семките од лубеница се потполно безбедни за јадење. Според нутриционистите Саманта Касети и Селин Бејхман од Институтот за кулинарско образование во Њујорк, овие мали семки кријат вистинско богатство од хранливи материи.
Во само 28 грама семки има:
-
7–8 грама протеини – приближно колку едно јајце
-
4 грама јаглехидрати
-
Повеќе од 25% од препорачаниот дневен внес на растителни влакна
Минерална моќ во секоја семка
Семките од лубеница се посебно вредни поради високата содржина на железо и магнезиум:
-
28 грама семки обезбедуваат околу 2 мг железо – што е 25% од дневните потреби за мажи и 10% за жени
-
Магнезиумот, од друга страна, е клучен за над 300 телесни функции – од регулирање на срцевиот ритам до поддршка на имунолошкиот и нервниот систем
Одличен избор за растителна исхрана и бременост
Семките од лубеница се особено корисни за оние што практикуваат вегетаријанска или веганска исхрана, поради железото од растително потекло. Исто така, нутриционистите ги препорачуваат и за бремени жени, бидејќи содржат минерали што се клучни за здравиот развој на бебето.
Како да ги јадете семките?
Најлесниот начин е едноставно да не ги плукате кога јадете лубеница. Но, ако сакате дополнително да уживате, можете да ги изпечете и зачините – исто како семки од тиква или сончоглед. Во некои земји веќе се продаваат како здрава ужина, но многу лесно можете да ги подготвите и дома.
Печени, тие можат да се јадат самостојно или да се додаваат во салати и смути.
Умереноста е клучна
Иако се здрави, треба да се внимава со количината. Во 28 грама има околу 13 грама масти (главно здрави), но прекумерниот внес – особено кај луѓе со чувствителен желудник – може да предизвика дигестивни тегоби. Затоа, ако првпат ги воведувате во исхраната, направете го тоа постепено.
Заклучок: Митот е разрушен, семките се сојузник на здравјето
Не, лубеница нема да ви порасне во стомакот ако проголтате семка. Напротив, семките се нутритивно вредни и можат да бидат вкусен и здрав додаток во вашата секојдневна исхрана. Следниот пат кога ќе јадете лубеница – можеби вреди да размислите пред да ги фрлите семките.
Извор: Espreso
Магазин
Windows 10 добива уште една година поддршка – Microsoft нуди и бесплатни опции

Иако беше најавено дека поддршката за Windows 10 ќе заврши на 14 октомври 2025 година, Microsoft реши да направи отстапка и да понуди две бесплатни опции со кои корисниците ќе можат да продолжат да добиваат безбедносни ажурирања до 2026 година.
Покрај платената програма за продолжена поддршка Extended Security Updates (ESU), која чини 30 долари годишно, сега се достапни и следниве бесплатни алтернативи:
-
Размена на 1.000 Microsoft Rewards поени – поени што се добиваат преку користење на Microsoft услуги и производи.
-
Користење на Windows Backup функцијата – со синхронизирање на поставките и податоците преку облакот, што автоматски активира проширена поддршка.
Според Microsoft, упатствата за активирање на продолжената поддршка ќе започнат да се појавуваат во Windows 10 од јули 2025, а ќе бидат достапни за сите корисници до август. Процесот вклучува следење на едноставни чекори на екранот и избор на еден од понудените методи.
Важно е да се напомене дека оваа дополнителна поддршка важи само една година, од 15 октомври 2025 до 13 октомври 2026. За деловни корисници останува само платената верзија, која може да се продолжи до три години.
Исто така, Microsoft претходно објави дека апликациите од Microsoft 365 ќе продолжат да добиваат безбедносни надградби на Windows 10 сè до 10 октомври 2028 година.
Според експертите, оваа одлука е резултат на фактот дека повеќе од половина од сите Windows корисници сè уште користат Windows 10, што укажува дека миграцијата кон поновите верзии на системот не се одвива доволно брзо.
Извор: Benchmark
-
Хороскоп2 дена
Хороскоп за вторник (24 јуни)
-
Хороскоп17 часа
Хороскоп за среда (24 јуни)
-
Магазин1 ден
Најбрз домашен сладолед со само една состојка
-
Магазин1 ден
Летен десерт со само две состојки – готов за 5 минути!
-
Автомобили1 ден
Toyota го претстави првиот електрифициран Land Cruiser во Европа
-
Спорт16 часа
Бенфика приреди вистинска сензација, Баерн беше поразен, но со втората позиција продолжува понатаму
-
На денешен ден16 часа
Времеплов: На денешен ден – 25 јуни
-
Lifestyle4 часа
Дали навистина треба да се плашиме од семките од лубеница? Еве што се случува кога ќе ги проголтате