Следете не

Занимливости

Обична или газирана вода за пиење?

Објавено пред

на

За киселата вода можете да слушнете и прочитате се, од тоа дека е лековита, па се до тоа дека е штетна, во однос на обичната негазирана вода. Еве што вели науката за овие четири раширени верувања за минералната вода.

МИТ: Минералната вода неможе да хидратизира како обичната вода

Се смета дека јаглен-диоксидот од минералната вода го спречува телото да ја искористи водата, но истражувањата покажаа дека тоа не е вистина. Студиите покажаа дека по интензивниот тренинг минералната вода не закрепнува исто како и обичната.

МИТ: Минералната вода е лоша за забите и коските

Јаглеродната киселина која се појавува кога ќе се спојат јаглен-диоксидот и водата може да ја оштети забната глеѓ, но за тоа да се случи, би требало да пиете огромни количини на кисела вода (шест или повеќе литри) секој ден. Што се однесува на коските, по студијата која го проучувала влијанието на газираните пијалоци на густината на коските кај жените, сите минерални води добиле „зелено светло“.

МИТ: Минералната вода не помага при слабеењето како и обичната вода

Киселата вода може да предизвика привремена надуеност, но, таа создава подобро чувство на ситост од обичната вода, особено доколку ја пиете на празен стомак. Тоа значи дека минералната вода всушност е добар сојузник во слабеењето. Но, тоа не важи за киселите води „со вкусови“ бидејќи во нив има вештачки засладувачи кои ќе ви ја зголемат желбата за слатки.

МИТ: Минералната вода предизвикува киселина

Минералната вода нема да предизвика киселина, но може да ја влоши состојбата доколку веќе ве мачи овој проблем. Ако имате киселина, подобар избор е обичната вода, особено со оброците. Минералната вода ја влошува состојбата бидејќи меурчињата го релаксираат отворот на хранопроводот, со што и олеснуваат на желудечната киселина да се врати во хранопроводот, а со тоа се предизвикуваат киселини.

/denar

Занимливости

Во најголемиот рудник за јаглен во Полска, истражувачи откриле остатоци од крокодил стар околу 17 милиони години

Објавено пред

на

ФОТО: Juliana e Mariana Amorim @ Unsplash.com

Истражувачи откриле остатоци од древен крокодил стар околу 17 милиони години во најголемиот рудник за јаглен во Полска, Белхатов. Се работи за изумрен вид што припаѓал на семејството гавијали – блиски роднини на денешните крокодили и алигатори – кој живеел во миоценската епоха.

– Најдени биле фосили од череп, заби, скелет и фрагмент од кожна обвивка наречена остеодерм. Овој мал фосилен дел, со дијаметар од само 30 мм, бил откриен во јуни 2023 година во седименти на дното од езеро во рудникот. Иако првично изгледал како обично парче коска, деталната анализа покажала дека станува збор за дел од кожа од крокодил.

Според научниците, остатоците припаѓаат на видот диплоцинодон – изумрен вид влекач. Интересно е што ова е најсеверната точка на која досега се пронајдени фосили од крокодили од миоценот, иако има и постари откритија од периодот на креда, како на пример во Шведска.

Миоценот бил период со топла и влажна клима, што овозможило развој на богата флора и фауна. Крокодилите од тоа време можеле да пораснат и до шест метри, додека помалите, кои живееле во слатки води, достигнувале должина од три метри.

Фосилот сега е сочуван во Музејот на Геолошкиот факултет при Универзитетот во Варшава, а резултатите од истражувањето се објавени во научното списание Acta Palaeontologica Polonica, пренесува notesfrompoland.com

Прочитај повеќе...

Занимливости

„Honda“ неодамна го одбележа 500 милионитиот произведен мотоцикл, јубилејниот мотор беше моделот „Activa“

Објавено пред

на

ФОТО: Unsplash.com / Maarten van den Heuvel

Хонда неодамна го одбележа значајниот успех од 500 милиони произведени мотоцикли и скутери. Јубилејната машина беше скутерот „Activa“, кој излезе од нивната фабрика во Индија.

Производството на мотоцикли започна во 1949 година со моделот „Dream D-Type“ во Јапонија, само една година по основањето на компанијата. Хонда уште од почеток ја имала визијата да се прошири надвор од границите на својата татковина. Првиот нивни производствен погон надвор од Јапонија беше отворен во 1963 година во Белгија.

Со текот на годините, компанијата бележеше континуиран раст. Во 1997 година достигна 100 милиони произведени мотоцикли, а само девет години подоцна веќе имаше 200 милиони. До 2014 година, таа бројка порасна на 300 милиони, а во 2019 достигна 400 милиони возила.

– Во 2018 година, за првпат годишното производство ја надмина границата од 20 милиони единици. Хонда влезе во историјата со легендарни модели како Honda „Cub“ – најпродаваниот мотоцикл во светот, како и „CB 750 Four“ и „Gold Wing“, кој е единствениот мотоцикл со вградена воздушна перница како стандард.

Денес, Хонда произведува повеќе од 20 милиони возила годишно, располага со 37 фабрики ширум светот – од Кенија до Перу, и има мрежа од над 30.000 официјални дилери на глобално ниво, пренесуваат од гигантот за јавноста.

Извор: global.honda

Прочитај повеќе...

Занимливости

Дали сте се запрашале што е разликата помеѓу телевизорите „QLed“ и „OLed“, звучи слично но сепак се различни

Објавено пред

на

ФОТО: Unsplash.com / Kevin Woblick

Ако сте во потрага по нов телевизор, сигурно сте се запрашале за оваа работа поради големиот избор и разни технички поими. Меѓу нив најчесто се спомнуваат „QLED“ и „OLED“, два вида технологии кои иако звучат слично, работат на сосема различен начин.

Што значат овие термини?

  • OLED значи „органска диода што емитува светлина“. Кај OLED, секој пиксел сам по себе свети или се гаси, што овозможува совршена црна боја и бесконечен контраст.

  • QLED (термин што го користи Samsung) значи „Quantum Dot LED“. Тоа е всушност напредна верзија на LCD телевизор, каде што се користи слој од квантни точки за подобри бои, но сепак е потребно LED позадинско осветлување.

Како функционираат?

  • OLED технологијата користи „емисивни“ пиксели – тие сами ја создаваат светлината.

  • QLED се потпира на надворешен извор на светлина кој ја осветлува екранот преку неколку слоеви.

Квантните точки кај QLED се мали честички кои светат со специфична боја кога ќе бидат осветлени, а тоа помага сликата да биде поостра и поразновидна во боите.

Кој ги произведува?

Samsung е лидер во QLED технологијата и нуди многу модели во 4K и 8K резолуција. Но и TCL, Amazon и други компании имаат свои QLED телевизори.

LG е водечки производител на OLED телевизори, но и Sony, Sharp, а од неодамна и Samsung нудат OLED модели. Всушност, сите OLED панели што ги гледате на пазарот се произведени од LG или Samsung.

Samsung од 2022 година прави и свои QD-OLED панели, кои ја комбинираат OLED основата со квантни точки за подобра осветленост и боја.


Споредба: OLED vs QLED

1. Контраст и црна боја:
OLED победи без конкуренција. Пикселите можат целосно да се исклучат, па црната боја е вистински црна, не сивкаста како кај QLED. Кај QLED, светлината од позадината често „протекува“, па белите објекти може да имаат ореол околу нив.

2. Осветленост:
QLED телевизорите се посветли, што е важно во простории со многу светлина. Но, OLED иако е послаб по светлина, благодарение на контрастот сè уште нуди подобар HDR ефект.

3. Гледање од страна:
OLED ги задржува боите и контрастот без разлика од каде го гледате екранот. QLED може да изгуби на квалитет при аголен поглед.

4. Резолуција и боја:
И двете технологии поддржуваат 4K и 8K. Нема голема разлика во обработката на бојата, иако QD-OLED дава мала предност во боите.

5. Големина и цена:
QLED телевизорите се поевтини и достапни во повеќе големини – од 32 до 98 инчи.
OLED телевизорите се поскапи, особено во големи димензии (над 65 инчи), и обично ги има од 42 до 97 инчи.

Прочитај повеќе...

Facebook

Последни објави

Магазин11 часа

Најбрз домашен сладолед со само една состојка

Верувале или не, за овој вкусен и кремаст сладолед потребна ви е само една состојка – банана. Ова е одличен...

Магазин11 часа

Летен десерт со само две состојки – готов за 5 минути!

Ако барате нешто брзо, лесно и освежително за време на горештините, овој мус од малина во чаша е совршен избор....

Автомобили11 часа

Toyota го претстави првиот електрифициран Land Cruiser во Европа

Кон крајот на 2024 година, Toyota ја освежи понудата на својот легендарен SUV модел, а сега пристигнува и хибридната верзија...

Хороскоп1 ден

Хороскоп за вторник (24 јуни)

ОВЕН Може да очекувате полека, чекор по чекор, успех на деловно поле. Може да се надевате на средба со личноста...

Македонија1 ден

Ново поскапување на сите горива од ноќеска, ова е новата цена за литар

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,50 ден/лит, во однос на малопродажните цени утврдени...

Временска прогноза2 дена

Попоски: Од денес па натаму висок УВ индекс и температури до 40°C

Територијата на нашата Република Македонија од денес (понеделник 23 јуни па се до петок 27 јуни) ќе биде под влијание...

Хороскоп2 дена

Хороскоп за понеделник (23 јуни)

ОВЕН Целото ваше внимание е насочено кон некој семеен проблем. Денес ќе се случи конечната кулминација на сето тоа а...

Македонија2 дена

Полицијата за граничен надзор на „Охридско езеро“ со полни раце работа, приведен охриѓанец и албански државјанин поради незаконит риболов и влез во државата

На 22.06.2025 година во 04.35 часот во водите на Охридското езеро, полициски службеници од полициската станица за граничен надзор „Охридско...

Lifestyle2 дена

Што навистина се случува кога кожата ќе изгори од сонце?

Изгорениците од сонце не се само моментално црвенило – тие се знак за длабоко оштетување на кожата. Под површината се...

Хороскоп3 дена

Хороскоп за недела (22 јуни)

ОВЕН Може да очекувате промени поврзани со вашето работно место. Пред вас е фаза која може да биде многу турбулентна....

НАЈЧИТАНИ