Пред неколку минути тешка сообраќајна несреќа се случила на регионалниот пат Кичево-Охрид, во непосредна близина на нас. Горица.

Несреќата се случила помеѓу пмв. Шевролет Калос со скопски регистарски ознаки и тмв. превозно комби Мерцедес со кумановски регистарски ознаки.

Од она што може да се констатира, причинета е материјална штета, додека екипи на Медицинска помош од Кичево брзо и професионално интервенирале на терен, пренесени се учесниците во сообраќајката во Медицинскиот Центар – Кичево на укажување лекарска помош.

Моментално ОВР Кичево врши увид и сообраќајот се одвива наизменично по една коловозна лента, на терен е излезен и Јавен Обвинител.

За здравјето на учесниците, немаме официјални информации.

– Граѓаните кои живеат во близина за Порта.мк истакнаа дека станува збор за силна детонација, односно ударот силно одекнал во близина на местото.

* Инаку за случајност, екипа на Медицински центар Струга се враќала на работа од интервенција поаѓајќи преку Кичево, така што на местото на настанот дополнително пружила помош, што е за секоја почит и за овие здравствени работници.

Повеќе очекуваме во дневниот билтен за медиуми од СВР Охрид, во текот на утрешниот ден.

* Апел за големо внимание и придржување на поставената патна сигнализација и почитување на истата, напомена оваа делница за време на викенд и во лето е многу фрекфентна.

****

Инфо од СВР Охрид добиено денес 03.11 кое гласи:

На 02.11.2024 година во 14.40 часот во Полициската станица Кичево било пријавено дека на магистралниот пат А2, Кичево-Охрид, се случила сообраќајна несреќа помеѓу патничко возило „Шевролет калос“ со скопски регистарски ознаки, управувано од В.С.(53) од Скопје и товарно возило марка „Мерцедес“ со кумановски регистарски ознаки, управувано од М.А.(29) од село Лојане, кумановско, во сопственост на Б.А. Во несреќата со тешки телесни повреди се здобиле возачот на товарното возило М.А. и двајца сопатници од патничкото возило – З.С.(63) и Р.П.(55) двајцата од Скопје, додека пак со телесни повреди се здобила В.С. која го управувала патничкото возило и сопатничка од товарното возило Н.А.(26) од село Липково, кумановско, констатирани во Медицинскиот центар во Кичево. Извршен бил увид од јавен обвинител и увидна екипа од ОВР Кичево.

Дали сте спремни да дознаете за нешто ново и корисно во нашиот град? Да! Од неодамна во Кичево во склоп на Авто пералната, која врши и вулканизерски услуги „D&D“ која се наоѓа на оваа локација ТУКА, покрај досегашните услуги (перење и хемиско чистење на автомобили вулканизерски работи) од денес започнува како услуга да го нуди на располагање својот т.н. „Хотел за пневматици“ (Сезонско складирање на вашите пневматици).

Имено, доколку вашите летни или зимски пневматици ви заземаат премногу простор во вашата гаража, дом, подрум или се чувани во несоодветни услови, тогаш во нивниот „Хотел за пневматици“ вашите пневматици или гуми и бандажи ќе бидат безбедно складирани, прописно под идеални услови додека не му се потребаат повторно на вашето возило.

И сигурно би се запрашале зошто да ги складирате таму?

✅ Максимална заштита: Правилно складирање за да се спречи оштетување и деформација. 
✅ Контролирани услови: Температура и влажност прилагодени за долг век на пневматиците.
✅ Брза достапност: Доаѓа момент за промена, вашите пневматици ќе бидат спремни во термин по ваш избор, вклучувајќи и промена на истите.
✅ Практичност: Без да се грижите за простор во вашиот дом, подрум, гаража или двор.

Дочекајте ја сезоната спремни, резервирајте го вашиот термин за промена на вашите пневматици, а воедно ослободете простор во вашиот дом. Оваа услуга ќе ви биде достапна по минимална сезонска цена, ваше е само да закажете промена на пневматици во нашиот сервис, а понатаму грижата за вашите пневматици е наша работа.

Контакт ☎️ на официјалните броеви: 071 378 805 и 071 254 215

Локацијата е добро позната, кај старо АМСМ, односно кај зградата од старо Електрично, или нека ве одведе вашата Google maps апликација токму до местото со кликнување ТУКА

Нашите пневматици го зазедоа своето место, побрзајте, бројот на места е ограничен!

Вчера (31.10.2024), полициски службеници од Отсекот за превенција при СВР Охрид и од Полициската станица Кичево, на подрачјето на кичевските села Бигор Доленци, Карбуница и Староец ја реализираа сообраќајно едукативната кампања „Безбедно возење трактори и земјоделски машини“.

Целта на кампањата е низ непосредна комуникација со возачите на трактори со тракторски приколки и други работни приклучни земјоделски мобилни машини кои, во овој период ги користат земјоделците, да им се укаже на потребата од внимателно и совесно возење, како и строго почитување на сообраќајните знаци и другите сообраќајни правила и прописи со цел, зголемена сообраќајна безбедност.

На возачите им беа поделени летоци со едукативни практични совети за одговорно учество во сообраќајот, придржување кон поставените сообраќајните знаци, како предуслов за избегнување на сообраќајни незгоди, со казнените одредби при кршење на Законот за безбедност во сообраќајот на патиштата, а им беа поделени и самолепливи флуоресцентни ленти и светла за означување на тракторите и земјоделските машини.

Кампањата се спроведува со поддршка на Републичкиот совет за безбедност во сообраќајот на патиштата, за Порта.мк известува портпаролот на СВР Охрид, Стефан Димоски.