ОД кога првите луѓе еволуирале во Африка пред речиси три милиони години, глобалната популација постојано расте со привремени неуспеси. Денес, според проценките на ОН, светот ќе има осум милијарди жители.

Првите луѓе

Најстарите фосили на првите познати луѓе се стари 2,8 милиони години и се пронајдени во Источна Африка. Сепак, до крајот на 19 век, проценките за бројот на жителите на Земјата беа крајно неверодостојни.

Веќе знаеме дека нашите предци биле ловци-собирачи кои имале помалку деца во споредба со подоцнежните популации за да го задржат својот номадски начин на живот.

Дополнително, популацијата била ретка со оглед на тоа дека на ловците-собирачи им требало многу простор за јадење, приближно десет квадратни километри по човек, тврди Ерве Ле Брас, научник од Францускиот институт за демографски истражувања (INED).

Тој вели дека населението и тогаш растело, но многу, многу бавно.

Првиот baby boom

Првиот познат скок на населението се случил со појавата на земјоделството во неолитот, околу 10.000 п.н.е.

Со земјоделството, се разви седентарен начин на живот и способност за складирање храна, што доведе до раст на природниот прираст.

„Мајките можеа да ги хранат своите доенчиња со каша, што го забрза процесот на одвикнување и го скрати времето помеѓу породувањата. Со други зборови, жените би можеле да имаат повеќе деца“, објасни Ле Брас.

Развојот на постојаните населби донесе и одредени ризици. Припитомувањето на животните ги довело луѓето во контакт со нови смртоносни болести.

Смртноста кај децата била особено висока. Третина од нив починале пред својот прв роденден, а уште една третина пред својот осумнаесетти.

„Смртноста била огромна, но во исто време бејби бумот бил континуиран“, вели Ерик Крубези, антрополог од Универзитетот во Тулуз.

Од шест милиони жители во тоа време, глобалното население порасна на 100 милиони околу 2000 година п.н.е., а потоа на 250 милиони во првиот век.
Црната смрт

Растот на населението наеднаш бил запрен од чумата во средниот век. Пандемијата која започна од Централна Азија, од областа на денешен Казахстан, пристигна во Европа во 1346 година со бродови што превезуваа стока од Црното Море.

За само осум години избришало 60 отсто од населението на Европа, Блискиот Исток и Северна Африка.

Поради црната смрт, глобалното население се намалило од 429 милиони во 1300 година на 374 милиони сто години подоцна.

Други настани, како што е чумата на Јустинијан, која го опустошило Медитеранот од 541 до 767 година, и војните во раниот среден век во Западна Европа резултирале со привремен пад на бројот на Земјаните.

Осум милијарди, клучен развој на вакцина

Експлозијата на населението започна во 19 век, главно поради развојот на медицината и индустријализацијата на земјоделството што го подобри глобалното снабдување со храна.

Од 1800 година, бројот на жители на Земјата пораснал осум пати, од една милијарда на осум милијарди.

Крубези смета дека клучот бил развојот на вакцините, особено против сипаници, кои го искорениле еден од најголемите убијци во светот.

1970-тите и 1980-тите донесоа уште една мала револуција во форма на третман на срцеви заболувања, што придонесе за намалување на смртноста на луѓето постари од 60 години.