Утрово бевме во посета на кичевската Општа Болница, каде остваривме средба со управата на истата, односно Директорката на „ЈЗУ Општа Болница“ – Кичево, Д-р Маја Цветановска-Трајкоска, каде според времето кое ни беше на располагање на кратко поставивме неколку прашања и почекавме одговори за нејзината досегашна 6-месечна раководна работа во Болницата, што е ново и што може кичевчани да очекуваат понатаму од нивната работа и нивниот колегиум.

– Пред се ви благодарам што дојдовте и се заинтересиравте како претставници на јавноста за новостите во нашата Болница. Задоволна сум од досегашниот напредок, во периодот што измина, односно првите 6 месеци од новото раководство во „ЈЗУ Општа Болница – Кичево“, како В.Д. Директор можам да истакнам повеќе позитивни промени и новини во нашата установа. Имено, покрај почетокот со работа на комисијата за туѓа нега и новостите во лабараторија кои претходно ги споменавме во вашиот медиум, имаме нова опрема во повеќе одделенија, а ќе ги издвоиме најзначајните:

* Отоскоп на детско одделение

* Холтери за постојана употреба на интерно одделение

* Најнов фибероптички ларингоскоп за ORL амбуланта

* Нов акушерски стол после 30 години и аспиратори за потребите во одделенија

* Спирометар на интерно одделение и соодветна обука за него

* Повеќе сетови, најнов интрументариум во салата за киретажи

* Обновени сите сетови во гинекологија (пораѓај), сетови за епизиотомија, сетови за ревизија на цервиксот

* Инфузиомати за интерно, детско и акушерско одделение, со завршена соодветна обука за истите.

* После повеќе години успеавме да возобновиме возен парк со санитетско возило и патничко моторно возило за потребите на установата.

Порта.мк: Како се справувате со финансиската состојба која кажавте дека не беше во поволна состојба кога ја презедовте функцијата прв човек на кичевската Болница и што може дополнително да очекуваат пациентите во понатамошниот период од вас, како ново раководство:

– Како што веќе истакнавме долговите на Болницата кои ги наследивме, благодарение на ФЗОМ и новата влада се намалени повеќе од двојно, што е за секоја почит, додека во следниот период ќе работиме уште по посветено, се во интерес на нашиот град и нашите граѓани и сите пациенти кои заслужуваат подобар третман, нега и услови. Исто така морам да напоменам дека во функција е ставен и „УЗ“ (ултра звучен) апарат кој беше мистериозно исчезнат.

– Во лабараторијата дополнително е набавен нов микроскоп, центрифуга со поголем обем, како и нов апарат за брза крвна слика со „CRP“ од капиларна крв (наменет за најранливите категории „дечиња“)

Уште еднаш Ви благодариме што ја следите нашата работа, така што во периодот кој следи Ве уверуваме дека правиме напори да се опреми и унапреди работата и во операционата сала, како и возобнова на сите апарати кои ќе значат услов за работа во истата, за Порта.мк во краткото интервју истакна Директорката Цветановска-Трајкоска.

Д.Б.

РЦУК – Охрид, известува дека преку Едиствениот број за итни повици 112 вчера во 14:12 часот, добиена е пријава повреден планинар со скршеници на ногата, локација над с.Лавчани поточно на местото викано Два Камења, Општина Кичево. Лицето се наоѓало на непристапен терен. Поради непристапноста на теренот и не можноста за пристап на моторно возило, повреденото лице беше превземено и пренесено од локалното население со коњ до селото Лавчани, каде што Итна медицинска помош и ПС – Кичево го превземаа повреденото лице и го пренесоа до специјализирана болница за ортопедија и трауматологија Св.Еразмо – Охрид.

Извор: Центар за управување со кризи

Околу 21:30ч вчера вечер на магистралниот пат на влез во град Кичево во близина на градска пекара се случила тешка сообраќајна несреќа каде учествувале две патнички моторни возила караван VW Passat и Ауди.

Според очевидци, се говори дека причинета е поголема материјална штета, односно возилата биле доста оштетени од силината на ударот.

Подетални информации околу здравјето на учесниците во возилата немаме, според неофицијални извори екипи на Медицински центар – Кичево интервенирале упатувајќи се кон клиниките во град Скопје.

Повеќе очекуваме во текот на утрешниот билтен на СВР Охрид.

Дополнување од дневниот билтен на СВР Охрид за несреќниот настан вчера:

– На 01.02.2025 година во 21.33 часот, во ОВР Кичево е пријавено дека кај „Осломејшка раскрсница“ кај Кичево, случена е сообраќајна незгода помеѓу патничките моторни возила „Фолксваген пасат“ со кичевски регистарски ознаки што го управувала Е.А.(36) од кичевското село Зајас и „Ауди“ со охридски регистарски ознаки,управувано од А.Н.(39) од Охрид. Тој, како и сопатничката во второто возило Д.Р.Т.(66) од Охрид, се здобиле со тешки телесни повреди и се префрлени на Ургентниот центар во Скопје додека вториот сопатник во второто возило, С.Т.(65) од Охрид, се здобил со телесни повреди, констатирани во Општата болница во Кичево. Кај Е.А. која го управувала првото возило, во Општата болница во Кичево биле констатирани телесни повреди. Увид на местото на незгодата извршија полициски екипи.