Временска прогноза
Од утре значително потопло и топење на снегот на планините..

Во Македонија и тоа под влијание на Антициклон (висок воздушен притисок) времето во следните денови, вклучувајќи ја и целата седмица која што ни претстои ќе биде стабилно, суво и сончево со мала до умерена облачност. Денес ќе дува умерен до засилен ветер од северен и од североисточен правец.
Исто така денес од север облачноста краткотрајно ќе се зголеми кај нас и особено на планините ќе провејува слаб снег. Потоа од утре времето ќе биде стабилно и со многу сонце, но и температурите ќе бидат се повисоки, како наутро така и преку ден.
Натпросечно високи температури ќе имаме во текот на седмицата која што ни претстои кога максималните дневни температури ќе се искачуваат во интервалот од 6 до 15 степени.
Во Скопје и околината ќе имаме слично време.
НАПОМЕНА: Поради продорот на потопол воздух од југ, во текот на новата седмица ќе дојде до ПОЗНАЧИТЕЛНО топење на снежната покривка на планините и на Скијачките центри. Токму поради ова очекуваме и постепено зголемување на нивоата на реките и на езерата низ Македонија, особено во западните и во северозападните предели, каде на планините има најмногу снег. Можно е и нивно локално излевање – Во случај на излевање на истите препорачуваме КРАЈНА ПРЕТПАЗЛИВОСТ.
Совет до сите лубители на скијањето: Искористете го снегот на Скијачките центри додека го има доволно, во следниот период снежната покривка ЗНАЧИТЕЛНО ќе се топи, особено од утре па натаму.
Утрово за Порта.мк истакна Славчо Попоски.
Временска прогноза
Пред нас период на суво време и значително топло

Во почетокот од новата работна недела, односно во понеделник и во вторник (20/21 октомври) времето во Македонија ќе биде стабилно, суво и сончево а во вторник полека облачноста од запад ќе се зголемува. Ќе дува слаб до умерен ветер од јужен и од југоисточен правец.
И во Скопје и околината времето ќе биде стабилно и суво со слаб до умерен ветер од југоисточен правец.
Во среда (22 октомври) ќе имаме и повремени локални врнежи од дожд.
Што се однесува до температурите, тие ќе се искачуваат во интервалот од 11 до 18 степени, во Скопје и околината максимумот на температурата ќе се искачува до околу 16 степени. Тоа значи дека температурите и понатаму ќе бидат под просекот за овој период од годината, информира Славчо Попоски
Временска прогноза
Дожд на секаде во Македонија, локално ќе наврнат над 20 л/м²

Под влијание на влажен воздушен бран од Медитеранот до крајот на денов и утре (сабота 18 октомври) во Македонија времето ќе биде облачно со повремени врнежи од дожд кои особено во западните и во југозападните предели ќе бидат пообилни и локално ќе наврнат над 20 литри дожд на метар квадратен. И во Скопје и околината времето ќе биде облачно со повремени врнежи од дожд со слаб до умерен, повремено и со умерен интензитет.
Ќе дува слаб до умерен ветер и тоа долж Повардарието од југоисточен а во западните предели од источен и од североисточен правец. Поради продорот на поладен воздух од североисток денес на највисоките планински места во нашата Македонија (над 2000 метри надморска височина) ќе има услови и за повремен снег.
Што се однесува до температурите тие денес ќе бидат под просекот за овој период од годината и максималните дневни температури ќе се искачуваат во интервалот од 9 до 15 степени а утре (сабота 18 октомври) тие ќе бидат малку повисоки и ќе се искачуваат во интервалот од 12 до 20 степени.
Во Скопје и околината денес температурата ќе се искачи до околу 12 степени а утре таа ќе биде малку повисока и ќе се искачи до околу 16 степени, за јавноста истакна Славчо Попоски од Метеоаларм.мк
Временска прогноза
Доаѓа нов бран на дождови на планините снег, и тоа над 2000 нмв – ова се најновите метео вести

Под влијание на поголем влажен воздушен бран од Медитеранот, во текот на ноќта среда кон четврток (15/16 октомври) во четврток во текот на денот и во петок (16/17 октомври) во Македонија времето ќе биде облачно со повремени врнежи од дожд кои локално и повремено ќе бидат пообилни па така за време на овој период локално ќе наврне позначително количество на воден талог (над 20 литри на метар квадратен дожд). Ќе дува слаб до умерен ветер од северен и од североисточен правец.
Температурите во погоре споменатиот период повторно ќе бидат во опаѓање, особено максималните дневни температури на воздухот и тие повторно ќе бидат под просекот за овој период од годината и ќе се искачуваат во интервалот од 8 до 16 степени а во Скопје максимумот на температурата ќе се искачува до околу 13 степени.
Во Скопје и околината исто така во погоре споменатиот период ќе има повремени врнежи од дожд со умерен интензитет. Ќе дува слаб до умерен ветер од северен правец.
Да напоменам дека поради продорот на поладен воздух од североисток и од исток, на највисоките планински врвови (над 2000 метри) во Македонија ќе има услови за повремен снег, истакна Славчо Попоски
-
Хороскоп2 дена
Хороскоп за вторник (21 октомври)
-
Хороскоп19 часа
Хороскоп за среда (22 октомври)
-
Магазин1 ден
(ФОТО) По 25 години во „Бигорскиот манастир“ се враќа копаничарската колонија
-
Lifestyle1 ден
За само 10 минути, вашите фуги ќе блеснат како нови: трик што ја враќа белината без многу трошок
-
Lifestyle7 часа
Најефикасниот начин за отстранување на мувла од ѕидовите, според експертите
-
Магазин7 часа
Крем супа од печурки – вкусен и лесен рецепт за топол оброк
-
Магазин7 часа
OpenAI влегува во војната на прелистувачите: ChatGPT Atlas ја носи вештачката интелигенција директно на интернет
-
Магазин7 часа
WhatsApp воведува нова мерка против спам: ограничување на бројот на пораки