Кичево
Од вторник до петок во дворот на кичевската црква св.Петар и Павле се организира хуманитарна акција за дечиња со најтажна судбина

Драги хумани кичевчани, застануваме пред вас подавајќи рака и поддршка на група граѓани кои неуморно организираат најразлични видови хуманитарни акции за лица на кои тоа им е најпотребно. За неколку дена започнува нова акција која ќе биде поделена во три денови, 24, 25 и 26 август во дворот на црквата „св. Петар и Павле“ почнувајќи од 06:00 наутро до 18:00 часот. Овој пат треба да се помогне на две малолетни дечиња кои ја имаат најтажната судбина, останаа без својата самохрана мајка која неодамна загина во сообраќајна несреќа на регионалниот пат Мак.Брод – Суводол и моментално живеат во мизерни услови со своите баба и дедо во с.Брест (бродско).
Сите добронамерници, сите хумани, сите кои можат на било каков начин да помогнат, да дојдат и тоа да го направат, потребни се (храна, средства за лична хигиена, училишен прибор, облека за машко до 8 год и девојче до 5 години). Сите оние кои имат креветчиња и облека задолжително да се најават кај Бибе на 076/824-325 за организација на поголем вид на транспорт.
Кога ќе се заврши акцијата, сите намирници и донации ќе бидат предадени на 27 август (петок), така што доколку има и доброволци да ни пружат помош со поголемо транспортно возило ќе ви бидеме многу благодарни.
Апелираме да се вклучат што повеќе граѓани во оваа хуманитарна акција, бидејќи судбината не бира поединци, ајде да помогнеме и на овие две мали дечиња барем малце да им направиме да им е полесен ионака тешкиот живот без родители.
Порта.мк дава силна поддршка на овој настан и секако ќе бидеме и ние дел од оваа добронамерна акција, бидете и вие!
Кичево
Исполнети од радоста од Христовото Воскресение „Велигден“ бидете дел на Светол Источен Петок – „Балаклија“ во Манастир Пречиста кичевска – Христос Воскресе!

Исполнети со радоста од славното Христово Воскресение, во овие светли денови ја предвкусуваме вечната радост кон која се стремиме, живеејќи во светлината на Пасхата. Во оваа Воскресна пролет, кога сè околу нас се облекува во бел цветен украс, ни претстои празнување на споменот на Живоносниот Источник на Пресвета Богородица – нашата Царица Небесна.
По тој повод, на 25 април (петок), во нашата света обител Манастир Пресвета Богородица Пречиста ќе се одржи Пасхално богослужбено торжество со следниот распоред:
08:00 – Утрена богослужба
08:30 – Пречек на Владиката
09:00 – Архиерејска Литургија проследена со торжествена литија до местото „Господинец“
На богослуженијата, за наша голема радост ќе претстои нашиот возљубен старец, Епископот Антаниски г. Партениј, кој ќе го излее својот благослов врз сите присутни. Особена чест ни е и присуството на монашките заедници од Бигорската, Рајчичката и Кнежинската обител.
Преку нашиот медиум, секако проследени и од нас ги покануваме сите оние што сакаат заедно со нас да ја споделат оваа пасхална радост во молитвено единство.
Христос Воскресе!
Кичево
На „Пресека“ према Охрид вчера се случила нова сообраќајка, учесниците се здобиле со тешки телесни повреди

На 21.04.2025 во 15.30 часот, на магистралниот пат Кичево-Охрид, кај планинскиот превој „Пресека“, се случила сообраќајна несреќа помеѓу патничко моторно возило „киа“ со скопски регистарски ознаки, управувано од К.Ф.К.Л.(53) од Франција и „шкода“ со кумановски регистарски ознаки, управувано од А.К.(42) од Куманово.
Во несреќата, возачот на возило „киа“ и сопатничката К.К.А.Е. (19) од Франција се здобиле со тешки телесни повреди, додека возачот на возилото „шкода“ и сопатниците С.К.(36) и две малолетни лица, сите од Куманово, се здобиле со телесни повреди, констатирани во болницата „Св.Еразмо“ во Охрид.
Увид на местото на несреќата извршила екипа од ОВР Кичево, информира портпаролот на СВР Охрид, Стефан Димоски.
Кичево
(ГАЛЕРИЈА) Кичевскиот храм Св.Петар и Павле за „Воскресение Христово – Велигден“ преполн со верници

И оваа господова 2025 година Православните Христијани од речиси сите страни на градот вчера дојдоа во градскиот храм Св.Петар и Павле – Кичево каде присуствуваа на полноќните богослужби по повод христијанскиот празник „Воскресение Христово – Велигден“.
– На наше огромно задоволство оваа година дворот на храмот заштитник на град Кичево беше целосно претесен за сите верници каде традиционално се собраа на соопштување на радосната вест „Христос Воскресна“, од страна на свештениците.
Радост и среќа будат најмладите кои чествуваат и ја негуваат верата, укажувајќи ни уште еднаш за важноста на овој ден и најголем празник!
Ви прилог официјална галерија преку нашиот објектив на Јован Ангелески
Христос воскресна!
-
Хороскоп1 ден
Хороскоп за среда (23 април)
-
Кичево2 дена
На „Пресека“ према Охрид вчера се случила нова сообраќајка, учесниците се здобиле со тешки телесни повреди
-
Магазин1 ден
В сабота на сцена традиционалниот Велигденски концерт на КУД „Рацин“
-
Култура1 ден
(ВИДЕО) Бигорски Манастир објави видео полно воскресенска радост
-
Македонија2 дена
МВР: 2252 сообраќајни прекршоци во празничниот викенд, 1018 за брзо возење
-
Кичево4 часа
Исполнети од радоста од Христовото Воскресение „Велигден“ бидете дел на Светол Источен Петок – „Балаклија“ во Манастир Пречиста кичевска – Христос Воскресе!
-
Македонија1 ден
МВР апелира граѓаните да бидат внимателни и да не отвораат сомнителни пораки
-
Автомобили1 ден
(ВИДЕО) „Mercedes-Benz“ наскоро надоградува „steer-by-wire“ технологија која не бара механичка врска помеѓу волан и предни тркала