На 26.10.2021 година во 18.30 часот, во полициската станица Кичево пријавено е дека на улицата „Арсо Војвода“ во Кичево, патничко возило „Форд Фокус“ со кичевски регистарски ознаки, управувано од Н.С.(19) од Кичево, удрил во велосипед управуван од И.А.(65) од Кичево.

Во несреќата со тешки телесни повреди се здобил велосипедистот, констатирани во Општата болница во Кичево. По наредба на јавен обвинител, увид на местото на настанот извршила екипа од полициската станица Кичево.  

Истиот ден околу 18 часот во СВР Охрид пријавен е пожар на метален разводен орман со електрични броила, поставен на улицата „Иван Трпески“ во Кичево. Пожарот, во кој нема повредени лица е изгаснат од Територијалната противпожарна единица.

Извор: СВР Охрид / ОВР Кичево

Портпарол: Стефан Димоски

Поради зафати на електродистрибутивната мрежа утре 27.10.2021 година – среда, ЕВН Кичево ќе работи на терен, така што прекини во снабдување на електрична енергија ќе имаат локалитетите и живеалиштата во следните места:

• Дел од населба Ложионица, ул. Борис Кидрич, 4-ти Јули, 11-ти Септември
• Времетраење: 10:30 до 12:30

Инфо: Струја

Имено од трети до деветти октомври училиштето како партнер на меѓународниот проект “Wake up your school-become an active citizen”, реализираше различни активности како што се работилници, дебати, дискусии на тема младинско учество и младинско организирање во училиштата, едукативна и културна посета на град Скопје, посета, средби и интервјуа со претставници од Парламентот, разгледување и посета на стара чаршија во Скопје, Музеј на Македонската борба, посета на Охрид и значајни знаменитости од градот. Учениците од проектот, исто така, изведоа драмски активности во Китино Кале, округла маса на која присуствуваа претставници од Општина Кичево, невладин сектор, Црвен Крст на град Кичево, наставници, родителии и раководството од ,,Мирко Милески”.

Учесници во проектните активности од нашето училиште се учениците: Дијана Настеска, Ивана Нокоска, Цветанка Билбилоска, Стефанија Сарафилоска, Марија Петреска, Марија Дамјаноска, Бојан Мојсоски, Викторија Алексоска , Симона Петкоска, Давор Смилески, Петар Кацески, како и Каролина Јовеска (кординатор на проектот) и Гордана Мојсоска- професор по информатика.