За да бидете сигурни дека јајцата се свежи и безбедни за јадење, можете да проверите со тестирање на водата, мирисот или изгледот.

Тест со вода

Еден од најпопуларните методи за проверка на состојбата на јајцето е да го ставите во чаша вода. Ако потоне и лежи хоризонтално, свеж е, но ако плови, се расипува и не треба да се јаде. Тоа е затоа што гасовите во јајцата на крајот излегуваат низ малите пори во лушпата. Така, како што пишува Метро, ​​јајцето постепено ја губи масата, што доведува до плутање.

Тест со мирис

Ако не сте сигурни кога сте ги купиле јајцата, постои лесен начин да ја проверите свежината со мирис на нив. Скршете го јајцето во сад и ако испушта силен мирис на сулфур, време е за ѓубрето.

Тест со изглед

Ќе знаете дали јајцето е свежо ако ја погледнете бојата и конзистентноста кога е сурово. Ако забележите промена на бојата на жолчката или белата, особено розови, сини, зелени или црни дамки, треба да го фрлите јајцето.

Ако не сакате да се откажете од традиционалниот појадок со јајца, но малку ви е здодевно од стандардниот начин на нивно правење, со додавање на карфиол и уште неколку состојки, ќе добиете подобрена верзија:

СОСТОЈКИ:

осум јајца

200 гр цветови од карфиол

двe млади кромидчиња

100 мл млеко

сончогледово масло

свеж магдонос

сол, бибер, зачини

ПОДГОТОВКА:

Цветчињата карфиол исечкајте ги, па бланширајте ги во солена зовриена вода додека не омекнат. Изматете ги јајцата во соодветен сад, додадете млеко, сол, бибер и зачини по вкус, па сè убаво измешајте. Загрејте го маслото во тава, па истурете ја смесата со јајцата. Одозгора наредете го исцедениот карфиол и исечканиот млад кромид, поклопете и печете на умерена температура седум до осум минути. Кога ќе се испече омлетот, извадете го, посипете го со магдонос и послужете го додека е топол.

Неправилно стерилизираните тегли, употребата на презрело овошје и зеленчук, лошите места за складирање доведуваат до расипување на вашата зимница.

Сезоната на приготвување зимска храна сериозно започна, домаќинките ги подготвуваат омилените специјалитети по проверени рецепти.

Искусните домаќинки, од своето искуство, спомнаа неколку грешки кои доведуваат до тоа да се расипе зимницата, а тие се:

1. Неправилно стерилизирани тегли

Доколку теглите се лошо стерилизирани, во нив може да останат бактерии и разни штетни микроорганизми, што ќе доведе до ферментација на овошјето и зеленчукот. За да се избегне ризикот од оваа појава, важно е дезинфекцијата да се изврши темелно. Добро измиените тегли и капаци наредете ги во плех и ставете ги во рерна загреана на 180 степени. Исто така, важно е теглите и капаците да не се допираат една со друга. Оставете ги да се „сушат“ 15-20 минути, а потоа извадете го плехот и оставете ги да се изладат. Внимавајте добро да ја затворите зимницата, односно добро прицврстете го капакот за да не навлезе воздух во нив.

2. Употреба на презреано овошје и зеленчук

Презреаното овошје и зеленчук многу побрзо се распаѓаат и се расипуваат, дури и кога користите конзерванси. Изберете цврсти култури кои не се оштетени на површината или имаат дамки што укажуваат на тоа дека се пред распаѓање.

3. Лошо место за чување

Зминица за да ја преживее зимата мора да се чува на место каде што нема провев, влага, топлина, на место каде што е директно изложена на сонце… Сето тоа се фактори кои влијаат на забрзаната ферментација на овошје и зеленчук во тегли и нивно побрзо расипување.

/informer