Здравје и убавина
Овие четири намирници се исто така причина за непријатниот мирис од устата, а сигурно не сте ги знаеле

Сите знаеме од што најчесто е причина за лошиот здив од устата, но истата причина за тој непријатен мирис може да биде и друга храна, па дури и некоја што ја користиме мислејќи дека со неа ја прикриваме „аромата“од устата.
1. Алкохол
Алкохолот делува како диуретик, што значи дека го зголемува излачувањето на течности од организмот, од што често последица е дехидрирањето. Тоа се случува во нашата уста, односно по неколку испиени чаши устата ни станува сува и со непријатен мирис, затоа што алкохолот го спречува создавањето на плунка во устата. Без плунка остануваме без ензимите кои ги разградуваат лошите бактерии во усната шуплина, а нивното забрзано размножување предизвикува лош здив. Затоа пијте една чаша вода по секоја испиена чаша алкохол.
2. Гуми за џвакање со вкус на ментол
Судејки според рекламите производите на база на ментол се единствените чудотворци кои не водат до свежиот здив. Факт е дека ментолот ја освежува устата, но тој за неколку минути испарува и го снемува, па устата станува неподносливо миризлива. Причината за тоа се скриените шеќери, кои предизвикуваат лоши бактерии во устата кога доаѓаат во контакт со сулфурот, а сулфурот е главниот виновник за лошиот здив. Затоа наместо купени освежувачи користете природни.
3. Црвено месо
Исхраната богата со протеини најчесто резултира со лош здив. Таа појава настанува затоа што организмот не може да преработи голема количина на протеини, а последицата е бавно разградување во цревата, после што токсините како што се амонијакот ги има низ цело тело и тие всушност испаруваат низ устата.
4. Суво овошје
Сувото овошје не само што е преполно со шеќери кои се погодни за равој на бактерии, туку и изобилува со влакна од целулоза, кои остануваат меѓу забите и го насобираат шеќерот. За да ги отстраните влакната пред да се натрупаат бактериите, задолжително користете конец за чистење заби.
Здравје и убавина
Овие овошја едноставно се клучот за одмор на вашите црева во организмот

Многу луѓе кога ќе тргнат на одмор се соочуваат со непријатности во дигестивниот систем. Промената на климата, исхраната и околината често го нарушуваат рамнотежниот ритам на стомакот. За среќа, една австралиска нутриционистка нуди едноставно, но ефикасно решение.
Според Ребека Гоуторн, клучот е во изборот на овошје кое ги „радува“ цревата.
– „Крушите се совршен сојузник на дигестивниот систем. Тие содржат комбинација од растителни влакна и природни шеќери – сорбитол и фруктоза – кои ја поттикнуваат работата на цревата и спречуваат запек“, објаснува таа.
Проблемите со варењето се особено чести при патување со авион, бидејќи наглите промени во притисокот и воздухот директно влијаат на работата на стомакот.
– „Но, здравиот дигестивен систем не е важен само за редовна столица“, додава Гоуторн. „Кога цревата функционираат добро, телото подобро ги апсорбира хранливите материи, имунитетот се зајакнува, а нивото на енергија расте.“
Крушите, познати по својата висока содржина на влакна, се идеален избор за секој што сака да го зачува варењето во добра форма – особено за време на летниот одмор. Вашите црева навистина ќе ви бидат благодарни ако ги вклучите во секојдневното мени.
/taratur
Здравје и убавина
Неколку совети за слабеење и покрај слабо поседување на време и внимание за себе

Ако постојано сте во движење, зафатени со работа и секогаш во брзање, веројатно тешко наоѓате време да се посветите на себе и на физичката активност. Но, со малку организација и вистински навики, можно е да се грижите за своето тело и здравје, без разлика на обврските.
Еве неколку едноставни совети кои ќе ви помогнат полесно да ја одржувате линијата и да се храните поздраво:
1. Опремете ја кујната со здрави намирници
Отстранете ја нездравата храна полна со калории и заменете ја со свежи, нутритивни производи. Ако дома имате само квалитетни намирници, помала е веројатноста да посегнете по нешто нездраво.
2. Одредете точно време за вежбање
Планирајте го тренингот како обврска што не се прескокнува. Најдобро време за вежбање за зафатените луѓе е наутро — пред мејловите, состаноците и стресот од денот. Така ќе започнете со повеќе енергија и фокус.
3. Подгответе ги оброците однапред
Изберете намирници што можат да се чуваат неколку дена и подгответе ги оброците навечер. Така ќе имате контрола врз тоа што јадете и нема да претерувате со количината. Овој навик ќе ви заштеди време и ќе ви помогне да се храните поумно.
4. Ограничете го внесот на шеќер и кофеин
Едно утринско кафе е во ред, но повеќе кафиња дневно можат да направат повеќе штета отколку корист. Исто така, избегнувајте слатки и брзи грицки кога сте под стрес — тие нудат моментална енергија, но подоцна го зголемуваат заморот.
5. Одберете здрави грицки
Секогаш имајте при рака здрави опции: јаткасти плодови, свежо овошје, моркови или енергетски плочки без додаден шеќер. Не заборавајте и на доволно течности во текот на денот, особено во топлите месеци.
6. Вежбајте со партнер
Ако тешко се мотивирате сами, најдете партнер за вежбање. Заедничката поддршка и мотивација значително ја зголемуваат веројатноста да останете доследни на тренинзите. Со овие едноставни навики, ќе можете полесно да го балансирате динамичниот живот со здрав и активен стил.
Здравје и убавина
Доколку сакате да ослабете, тоа незначи дека треба да се гладува

Редовната физичка активност во комбинација со балансирана и умерена исхрана претставува најсигурен начин за намалување на килограмите и обликување на телото. Кога еднаш ќе создадете рутина што ја спојува оваа здрава навика, можете да додадете и неколку дополнителни чекори кои ќе го олеснат процесот на слабеење и ќе ве доведат поблиску до вашата цел – посакуваната тежина и фигура.
1) Јадете свесно и на маса
Избегнувајте да јадете додека работите, сурфате на телефонот, гледате телевизија или читате. Истражувања во Велика Британија покажале дека луѓето кои јадат на ваков „расеан“ начин внесуваат повеќе калории, а подоцна во текот на денот повторно имаат потреба од храна.
Затоа, обидете се појадокот, ручекот и вечерата секогаш да ги консумирате на трпезариската маса, со целосно внимание на оброкот. На тој начин, телото подобро ќе ја препознае количината на внесена храна и ќе ви даде чувство на ситост навреме.
2) Изберете помали чинии
Користењето на помали садови е едноставен трик кој може да резултира со намален внес на храна и до 30%. Со ваков пристап, ќе го контролирате количеството без да се чувствувате лишени.
3) Осигурете си доволен сон
Недостатокот на сон е тесно поврзан со лош избор на храна. Кога сме ненаспани, имаме тенденција да бараме засладени намирници за „брзо будење“, што негативно влијае на метаболизмот и на контролата на тежината. Затоа, квалитетниот и доволен сон е еднакво важен дел од процесот на слабеење.
4) Спијте во целосна темнина
Светлината во просторијата може да го наруши квалитетот на сонот и да ја отежне регулацијата на телесната тежина. Голема студија спроведена во САД утврдила дека жените кои спиеле во темни простории имале помала веројатност да се соочат со прекумерна тежина.
За да ја подобрите ситуацијата, можете да инвестирате во завеси што не пропуштаат светлина или да користите маска за очи додека спиете.
-
Хороскоп1 ден
Хороскоп за среда (22 октомври)
-
Магазин2 дена
(ФОТО) По 25 години во „Бигорскиот манастир“ се враќа копаничарската колонија
-
Lifestyle2 дена
За само 10 минути, вашите фуги ќе блеснат како нови: трик што ја враќа белината без многу трошок
-
Хороскоп1 час
Хороскоп за четврток (23 октомври)
-
Lifestyle13 часа
Најефикасниот начин за отстранување на мувла од ѕидовите, според експертите
-
Магазин13 часа
Крем супа од печурки – вкусен и лесен рецепт за топол оброк
-
Магазин13 часа
OpenAI влегува во војната на прелистувачите: ChatGPT Atlas ја носи вештачката интелигенција директно на интернет
-
Магазин13 часа
WhatsApp воведува нова мерка против спам: ограничување на бројот на пораки