Автомобили
Паѓаат рекорди: Огромен скок на продажбата на електрични автомобили
Автомобилската индустрија минува низ револуционерни моменти и значително ќе влијае на глобалниот пазар доколку се оствари очекуваната проценка дека една петтина од продадените автомобили во 2023 година ќе бидат електрични.
Тоа особено ќе има последици на пазарот на различни ресурси, но пред се нафта. До 2030 година се очекува помалку да се користат пет милиони барели нафта дневно. Оваа година би можела да биде рекордна за побарувачка на електрични автомобили, со проценет скок од 35 отсто во споредба со минатата година.
Според извештаите на Меѓународната агенција за енергетика, во 2022 година во светот се продадени десет милиони електрични автомобили, а споменатиот скок од 35 проценти подразбира продадени 14 милиони електрични автомобили во 2023 година, односно четири милиони повеќе од овие возила на патиштата. Во рок од две години нивниот удел скокна за десет отсто на светскиот пазар, а се очекува овој процент да се зголемува од година во година.
Директорот на оваа агенција изјави дека автомобилите се секако почетна фаза во електрификацијата на возилата, но дека тоа го чекаат и други транспортни средства. Земјите во кои на пазарот се продаваат се повеќе електрични возила во однос на возилата со внатрешно согорување секако се оние со развиени економии како земјите од ЕУ, САД, но пред се Кина, каде што се наоѓаат дури половина од продадените електрични возила.
Се очекува до 2030 година во споменатите земји 60 отсто од автомобилите на улиците да бидат електрични, а тој процес особено ќе ги забрза различните јавни политики, програми, субвенции и други мерки за кои одлучуваат се поголем број земји. .
Како што пишува енергетскиот портал, најавените проекти со сегашната динамика на производство на батерии можат да ги исполнат поставените цели за 2030 година, а Кина се уште доминира во производството на батерии и секоја година го зголемува својот процент од извозот на електрични автомобили на светскиот пазар – третина од автомобилите минатата година се продадени со потекло од оваа земја.
Што се однесува до помалку развиените земји, продажбата на електрични автомобили се зголеми за повеќе од три пати во Индија и Индонезија минатата година. Специфично за овие економии е тоа што транспортните средства на две или три тркала кои се електрични се многу поприсутни, а тоа можеме да го забележиме и во Македонија.
Автомобили
Утре во Прилеп ќе се одржи традиционалниот „Авто слалом“, учество ќе земе шампионот од Кичево, Кристијан Бојоски!

Утре (недела), 1-ви јуни со почеток од 11:00ч, град Прилеп повторно ќе биде домаќин на традиционалното државно првенство на Македонија во „Авто слалом“ со возила „Олд тајмери“ и „Јанг тајмери“ во организација на Национална Федерација за историски возила на Македонија која припаѓа во семејството на „FIVA“ – Fédération Internationale des Véhicules Anciens и „Класика Прилеп“ поддржано од Министерство за Спорт.
На наше огромно задоволство и под наше медиумско покровителство свое учество ќе земе нашиот кичевчанец, поранешен шампион и долгогодишен искусен учесник Кристијан Бојоски со својот модифициран „Опел Кадет“, кој долги години е миленик на прилепската публика, а владее голема поддршка и од нашиот град Кичево.
Инаку да потсетиме лани Кристијан Бојоски се натпреваруваше во класа 3 заедно со уште 11 учесници, рекорден број во таа категорија. Бојоски заврши на четвртата позиција со извозено време 1:40
Бидете дел и заедно да навиваме за кичевчанецот кој благодарение на пријателите и спонзорите кои здружено помагаат првично во техничката спремност, а тука не смее да се заборави поддршката на „Adler“, успешно плови по автомобилистичките води.
Имено да потсетиме, во октомври 2023, Бојоски го извози најдоброто време во класата „олд тајмери“ и се закити со пехар и медалја.
Настанот е на официјалната локација пред „Палма Шоп“ во Центарот на градот. Истиот беше закажан за 11-ти мај, но доби нов датум 1-ви јуни поради санација на делови од патеката, тогаш истакнаа од организацијата.
Со среќа на сите учесници!
Автомобили
„BMW“ во својата палета на електрични автомобили ќе го истакне својот модел „i4 M60“, со неверојатни 593 коњски сили

Помина нешто повеќе од една година откако BMW направи освежување на Серија 4 Gran Coupe и електричниот модел i4. Сепак, спортската верзија i4 M50 тогаш не доби технички промени. Таа продолжи да се нуди со истата M Performance поставка која развива 536 коњски сили и 795 њутн-метри вртежен момент. Неколку месеци подоцна, BMWBLOG објави информации дека се подготвува помоќна верзија – i4 M60. Сега, иако неофицијално, таа верзија се појави на холандската страница на BMW.
Новата i4 M60 веќе е наведена меѓу понудените модели, иако сè уште не може да се конфигурира. Интересно е што i4 M50 сè уште стои во понудата, но тоа веројатно ќе се промени наскоро. Новиот модел носи 593 коњски сили, што е за 57 КС повеќе од претходниот. Вртежниот момент останува ист – 795 њутн-метри.
Поради дополнителната сила, i4 M60 е побрз – од 0 до 100 км/ч стигнува за 3,7 секунди, што е за 0,2 секунди побрзо од M50. Максималната брзина останува ограничена на 225 км/ч. Покрај подобрените перформанси, има и други новитети кај оваа верзија, која е најпродаван BMW M модел последниве три години.
Според податоците од холандскиот сајт на BMW, новиот i4 M60 има автономија од 432 до 551 километар според WLTP стандардот. Иако минималниот дострел е помал од претходната верзија (469 км), максималниот сега е поголем (513 км порано). Батеријата и натаму има капацитет од 81,1 kWh, со максимално полнење на 205 kW со еднонасочна струја.
Новата верзија троши малку повеќе енергија – од 21 до 16,6 kWh на 100 км, додека старата верзија имаше потрошувачка од 19,7 до 17,9 kWh. Исто така, автомобилот е малку полесен – намален е за 5 килограми, па сега тежи 2.285 кг.
Брзината на полнење исто така е подобрена. За само 10 минути, може да се добие енергија за 141 до 185 километри, додека кај претходниот модел тоа беше 135 до 175 километри. Бидејќи BMW веќе ги подновува своите веб-страници со новиот модел, целосното претставување на i4 M60 најверојатно ќе се случи многу наскоро.
Извор: bmwblog.com
Автомобили
(ВИДЕО) „Ферари Ф50“ оваа година слави 30 години од производство на еден од најзначајните суперавтомобили

„Ферари Ф50 Легаси тур“ 2025 слави 30 години од еден од најзначајните суперавтомобили на „Ферари“ со патување низ Тоскана и круг на патеката Фиорано. Но, ова не е само прашање на возење – ова е и деби на сосема нова гума Pirelli направена ексклузивно за F50.
Ферари ја оживува историјата со секој настан на Легаси. Од Сатурнија до Маранело, од кривулести патишта до бучавата на тркачката патека, ова е прослава на инженерството, убавината и длабоката врска помеѓу машината и возачот, пренесува autoblog.rs.
-
Хороскоп1 ден
Хороскоп за понеделник (2 јуни)
-
Кичево1 ден
ТППЕ Кичево вечерва спречи поголем пожар на дива депонија помеѓу кичевските села Мидинци и Зајас
-
Хороскоп9 часа
Хороскоп за вторник (3 јуни)
-
Македонија2 дена
Бигорскиот Манастир за прв пат се огласи во јавноста по јавните собири
-
Спорт2 дена
(ФОТО) „Градско дерби“, фудбалско надигрување, многу голови и фер плеј – Фудбалот е најубавиот спорт на светот!
-
Македонија2 дена
На место каде е дозволено 60 км/ч, службеници од БПС Гостивар на радар сопреле возач кој „летал“ со 145 км/ч
-
Македонија2 дена
МВР со детали за страотната сообраќајка кај Тетово, каде трагично згасна млад живот
-
Македонија2 дена
Регионалниот центар Запад во содејство со СВР Охрид во охридско кабаре приведоа странски државјанки, злоупотребиле туристички престој