Следете не

Lifestyle

Панчо од „ДНК“: „Доста се плукате и вреѓате меѓу себе“

Објавено пред

на

Друшто имав доста продуктивен викенд и одлични настани реализирани како соло но и со мојата екипа на Sure Shotz . Долго време размислувам да напишам едно мое видување за кое одсекогаш сум се залагал па решив да го споделам.

Ќе бидам краток, концизен и се надевам дека нема да бидам погрешно сфатен.
Со мојата екипа сме доказ дека Македонските артисти се ценат ако сето тоа добро се спакува и пласира.
За жал поделеноста, нетрпеливоста и лицемерието на МК сцената е преголема, а не сте ни свесни дека тоа иде во полза исклучиво на колегите кои доаѓаат од соседството и на некој начин ни ги земаат парите кој реално треба да влезат кај нас. Величејќи ги нив, губитници сме сите ние заедно.

Немам против никој странски колеги бидејќи и самиот застапувам неколку во МК, но поентата верувам ќе ми ја сфатите тие кои сакаат да се бават со авторска музика и градат кариера, не оние кои се кавер бендови и пеат 90% песни од изведувачи од соседството. Немам против тоа, секој има право на избор.

Да сумирам. Поделеноста и несоработувњето носи само ЗИЈАН, тоест “ЌАР” и полнење на “ЕГО” на краток рок. Додека сплотеноста и взаемната поддршка е докажан рецепт за успех.

Сфатете дека во музиката и уметниста НЕМА КОНКУРЕНЦИЈА, не е трка на 100метри. Најбитно, не ја СПУШТАЈТЕ ЦЕНАТА, кога можат да ги кешираат “странците” сигурно можат и нас.
ЦЕНЕТЕ се сами, ако не никој друг нема.
Да повториме: ДОСТА СЕ ПЉУКАТЕ И ВРЕЃАТЕ од тоа ќар имаат “странците”, а отворете очи и кај “менаџерите” ( чест на исклучоци ) кои ве шиткаат како флаши алкохол и ги боли уво во кој се дупки настапувате. Ваш Панчо. – пишува Владимир Блажев од популарното дуо ДНК на својот фејсбук профил.

Lifestyle

Што се случува во вашето тело кога не пиете доволно вода?

Објавено пред

на

Дехидрацијата може сериозно да влијае врз вашето здравје

Недоволниот внес на вода има многу пошироки последици од само чувство на жед. Дехидрацијата може негативно да влијае врз менталната јасност, физичките перформанси и дури и кардиоваскуларното здравје.

Како дехидрацијата влијае на мозокот и концентрацијата?
Истражувањата покажуваат дека дури и блага загуба на течности може да доведе до:
• Намалување на работната меморија
• Зголемено ниво на стрес
• Потешкотии во концентрацијата

Според д-р Навила Авал, важно е да се пие вода редовно во текот на денот, а не само кога сте жедни. Телото губи течности постојано, а кога волуменот на крвта се намалува, се намалува и протокот на крв во мозокот.

Последици по телото и дигестивниот систем
Недоволната хидратација може да:
Го зголеми ризикот од мозочен удар
• Предизвика запек, бидејќи телото црпи повеќе вода од храната во цревата
• Доведе до сува и нееластична кожа, појава на брчки и други знаци на стареење
• Ја намали издржливоста, силата и физичките перформанси

Врска меѓу жедта и гладот
Често телото ја меша жедта со гладот, што доведува до прекумерно внесување храна. Соодветната хидратација може да помогне да се контролира апетитот и да се одржи здрав метаболизам.

Колку вода треба да пиете?
Препорачаната дневна количина е околу 2 до 2,5 литри вода, но ова може да варира зависно од:
• Возраст
• Пол
• Ниво на физичка активност
• Температура на околината
• Внес на кофеин и алкохол

Физички симптоми на дехидрација
Сува или леплива уста
Испукани усни
Замор и пад на енергија

Д-р Надира истакнува дека заморот често е прв знак на дехидрација, но многумина го игнорираат. Кога телото нема доволно вода, мора да работи понапорно за да ги извршува секојдневните функции, што доведува до исцрпеност.

Пиењето доволно вода може да направи разлика – не само за телото, туку и за умот.

Извор: 24H

Прочитај повеќе...

Lifestyle

Еве колку кафе можете да пиете на ден: „Ниту една шолја повеќе“

Објавено пред

на

Кофеинот влијае на зголемениот пулс и крвниот притисок, а со тоа и на крвните садови и работата на срцето.
Големите количини на кафе, т.е., кофеин во подолг временски период неизбежно доведуваат до потенцијални срцеви проблеми и нарушувања.

Научното истражување на д-р Ненси Кагатар наведува дека редовното пиење повеќе од четири шолји кафе дневно може да го зголеми ризикот од фатални срцеви заболувања.

„Поради неговото влијание врз автономниот нервен систем, секојдневното консумирање кофеин може да ги стави инаку здравите поединци на ризик од хипертензија и други кардиоваскуларни проблеми“, рече авторката на студијата, д-р Ненси Кагатар.

Таа и тим од индиски научници дошле до овие заклучоци проучувајќи 92 луѓе со здрави срца.
Тие ги тестираа отчукувањата на срцето и крвниот притисок на секој поединец пред и по извршувањето на триминутната кардио вежба и забележаа демографија и употреба на кофеин, вклучително и дали испитаниците вообичаено пиеле кафе, чај или безалкохолни пијалоци.

Речиси 20 проценти од учесниците консумирале повеќе од 400 милиграми кофеин секој ден, што е еквивалент на два енергетски пијалоци, околу девет шолји црн чај или 11 кока кола.
Луѓето кои консумирале повеќе од 400 милиграми кофеин дневно имале значително поголема веројатност да имаат покачен крвен притисок и пулс дури и после вежбање.

„Зголемувањето на свеста за ризиците е клучно за подобрување на здравјето на срцето за секого“, вели Кагатара.
Големи количини на кофеин консумирале жени од урбани средини кои работеле во деловно опкружување.

Накратко, висок крвен притисок е безопасен, но постојаниот висок притисок ги оптоварува крвните садови и срцевите мускули.
Ова може да доведе до срцев удар, мозочен удар, проблеми со бубрезите, васкуларна деменција и проблеми со очите.

Хронично високиот пулс може да предизвика слични компликации.
Кофеинот е најкористената „дрога“ во светот. Работи со привремено блокирање на рецепторите во мозокот кои го регулираат спиењето, меморијата, вниманието и учењето, што го зголемува протокот на кислород во мозокот, го забрзува отчукувањата на срцето и ја подобрува концентрацијата, што заедно може да ви помогне да се чувствувате повнимателно.

Постарите истражувања ја поддржуваат идејата дека умереното консумирање на пијалоци со кофеин не е штетно и дека пиењето мала количина чај дневно помага за здравјето на цревата и го намалува ризикот од срцеви заболувања.
Некои истражувања исто така сугерираат дека консумирањето умерено количество кафе дневно може да им помогне на луѓето кои работат во канцеларии да живеат подолго.

Како заклучок, како и во случајот со енергетските пијалоци со висок процент на кофеин и шеќер, прекумерната употреба на кофеин во подолг временски период, во зависност од општата здравствена состојба на поединецот, може негативно да влијае на кардиоваскуларниот систем и здравјето на срцето.

Всушност, пиењето повеќе од 5.000 mg кофеин може да биде фатално, според Центарот за зависност и ментално здравје.

Извор: B92

Прочитај повеќе...

Lifestyle

Најевтиниот трик за чистење на патики: Блескаат како нови со состојки што веќе ги имате дома

Објавено пред

на

Ако мислите дека вашите омилени патики веќе нема спас, дајте им уште една шанса. Со едноставна домашна паста направена од само две состојки кои сигурно ги имате во кујната, нивниот бел ѓон ќе заблеска како нов. Белиот раб на патиката е онаа ситница што прави огромна разлика во изгледот, а решението не бара скапи препарати или професионално чистење.

Повеќето луѓе при чистење се фокусираат на платното или кожата, но вистинската борба се води на белиот гумен раб. Тој најбрзо се валка и најтешко се враќа во првобитната состојба. Токму затоа, комбинацијата од сода бикарбона и оцет е совршена за таа задача. Оваа природна паста создава лесна пенеста маса што ја разградува маснотијата, ги отстранува црните дамки и ја враќа белината, без потреба од силно триење и без хемикалии.

Потребни состојки:

• Алкохолен оцет
• Вода
• Сода бикарбона (додавајте додека не добиете густа паста)
• Стара четка за заби или мала четка
• Мека ткаенина или хартиени крпи

Постапка за чистење:

  1. Во мал сад измешајте оцет и вода во сооднос 1:1 (на пример 50 мл оцет + 50 мл вода).

  2. Додадете сода бикарбона постепено. Смесата ќе почне да се пени, но тоа е нормално и природно.

  3. Продолжете со мешање додека не добиете густа, мазна паста (налик паста за заби).

  4. Потопете ја четката и нежно тријте го белиот раб на патиките со кружни движења.

  5. Оставете ја пастата да делува 5 минути ако имате време.

  6. Избришете со влажна крпа и оставете ги патиките да се исушат природно.

Дополнителни совети за беспрекорни патики:

Ако нечистотијата е тврдоглава, направете ја пастата погуста и исчистете ја малку поцврсто, но нежно.

За почувствителни материјали (како мрежа), намалете ја количината на оцет — повеќе вода, помалку киселина.

Можете да го повторите процесот неколку недели за да ги одржувате вашите стапала секогаш чисти и вашиот стил полиран.

Извор: Nova

Прочитај повеќе...

Facebook

Последни објави

Хороскоп8 часа

Хороскоп за сабота (19 април)

ОВЕН Денешниот ден ви доаѓа како порачан. Намалениот прилив на обврски ќе ви го овозможи потребниот одмор. Можни се сомнежи...

Кичево9 часа

Трагична сообраќајка со жртви кај кичевската месност „Сеферов бунар“

Во стравичната сообраќајна несреќа која го крена на нозе Кичево за жал е со трагични последици. Несреќата се случила на...

Кичево10 часа

Сообраќајна несреќа предмалку се случила на магистрален пат Кичево-Гостивар во близина на с.Зајас

Предмалку се случила тешка сообраќајна несреќа во близина на Трапчин Дол на магистрален пат А2, Кичево-Гостивар. Првичните информации се дека...

Македонија19 часа

Возел мотор без возачка и со сообраќајна од друг мотор со измината важност

СВР Охрид поднесе кривична пријава против А.М.(48) од Дебар поради постоење основи на сомнение за сторено кривично дело „употреба на...

Скопје19 часа

МВР со посебен режим на сообраќај за утре во Скопје

По повод верскиот празник „Воскресение Христово-Велигден” утре (19.04.2025), Единицата за безбедност на патниот сообраќај при СВР Скопје ќе воведе посебен...

Култура19 часа

„Велики Петок“, најстрог пост, на денот на христијанската жалост не се работи по дома, ниту на поле..

Секој ден од оваа недела која е најтешка од велигденскиот пост има посебно значење и посебни обичаи. Денес е големиот...

Хороскоп1 ден

Хороскоп за петок (18 април)

ОВЕН Ги решавате проблемите кои настанале поради туѓа вина и не ви е драго поради тоа. Можеби имате додворувач кој...

Македонија2 дена

Во прилепско пронајдени неексплодирани гранати од Прва светска војна

На 16.04.2025 во 13.16 часот во СВР Битола, О.С. од Прилеп пријавил дека на место викано „Сакира“ пронашол две неексплодирани...

Хроника2 дена

Уште еден пациент на 24 години подлегна на повредите од кочанската катастрофа

Министерството за здравство информира дека согласно информации од Воено Медицинската Академија во Белград, денеска претпладне, за жал, подлегна на повредите...

Кичево2 дена

Св.Петар и Павле – Кичево, распоред на богослужби за Страсната и Светлата седмица (Велигден)

Распоред на богослужбите за време на Страсната и Светлата седмица (Велигден) во кичевската црква Св.Апостоли Петар и Павле

НАЈЧИТАНИ