Следете не

Спорт

Петарда на Националната арена „Тодор Проески“, Македонија го прегази Лихтенштајн со 5:0

Објавено пред

на

Македонската А репрезентација славеше против Лихтенштајн во натпревар од 2. коло од квалификациите за Светското првенство. На Националната арена „Тодор Проески“ во Скопје, нашата најдобра селекција триумфираше со 5:0. Енис Барди го отвори резултатот, Александар Трајковски постигна два гола,  стрелци беа и Елиф Елмас и Илија Несторовски.

Македонската репрезентација првата прилика ја имаше во 5. минута преку Горан Пандев, но ударот на капитенот го одбрани голманот Бухел.

Енис Барди во 7. минута го постигна водечкиот гол за Македонија. Нашиот репрезентативец, од далечина шутираше од слободен удар, голманот на Лихтенштајн лошо го процени ударот за отворање на резултатот.

Четири минути подоцна, Енис Барди повторно од слободен удар ја погоди пречката од голот на Лихтенштајн.

До крајот од полувремето, нашата селекција имаше потполна доминација во играта во играта, свои обиди имаа Пандев, Елмас и Трајковски, но не успеавме да ја удвоиме предноста.

Голема прилика во 47. минута пропушти Пандев. Стефан Ристовски додаде во шеснаесетникот, Пандев беше осамен на 11. метри, но шутираше над голот на гостите.

Александар Трајковски во 51. минута погоди за 2:0. Барди нафрли во шеснаесетникот на Лихтенштајн, одбраната на гостите лошо интервенираше, а нашиот напаѓач осамен на втора статива ја смести топката во мрежата на Бухел.

Две минути подоцна, Александар Трајковски го постигна својот втор гол за 3:0. Шутираше неодбранливо од далечина за негов трет гол во квалификациите.

По еден час игра, Македонија веќе имаше предност од 4:0. Елиф Елмас беше најснаодлив пред голот на гостите и погоди за убедливо водство.

Во 82. минута во листата на стрелци се запиша и Илија Несторовски кој со „паненка“ постигна гол од пенал за 5:0.

Македонија: 1. Столе Димитриевски, 4. Кире Ристевски, 6. Висар Муслиу, 7. Марјан Радески, 8. Езѓан Алиоски (66` Стефан Ашковски), 9. Александар Трајковски (66` Ферхан Хасани), 10. Горан Пандев (58` Илија Несторовски), 13. Стефан Ристовски (58` Егзон Бејтулаи), 17. Енис Барди (58` Бобан Николов), 20. Стефан Спировски, 21. Елиф Елмас; Селектор: Игор Ангеловски

Во прилог галерија направена преку објективот на ФФМ:

Спорт

Македонската репрезентација до 17 години поразена од Србија, додека повозрасните одиграа нерешено со Унгарија

Објавено пред

на

Репрезентацијата на Македонија до 18 години и на вториот контролен натпревар против Унгарија во Ѓер одигра нерешено 2:2.

Двете селекции отворено го започнаа натпреварот, тоа резултираше со брз гол на домашните фудбалери уште во шестата минута од средбата. Стрелец на погодокот беше Даниел Наџи Колозвари.

Македонија успеа да погоди за израмнување во 33. минута со голот што го постигна Бесар Гуџуфи. Две минути подоцна нов погодок за нашата млада селекција. Никола Павлевски погоди за пресврт и предност од 2:1. Одигравме одлично прво полувреме, бевме подобар противник и заслужено имавме предност.

Во продолжението, унгарците одиграа многу подобро, нашата репрезентација се повлече, но не успеа да го одбрани водството. Репрезентацијата на Унгарија со погодок во 80. минута успеа да го изедначи резултатот преку Бенце Фабиан и да ги постави конечните 2:2.

Најдобрата можност за нас во вториот дел ја имаше Бесар Гуџуфи, но за жал не беше прецизен.

Унгарија до 18 години – Македонија до 18 години 2:2 (1:2)

МакедонијаВаско Василев, Никола Павлески, Марко Ристов (Христијан Поп – Антовски 65’), Борјан Попоски (Давид Љусев 73’), Енис Буќи, Матеј Ангелов (к), Матеј Ѓорѓиев (Давид Дебрешиловски 53’), Бесар Гуџуфи, Игор Јаневски (Марко Тренески 65’), Максим Милошевски, Атдхе Кадриу (Ерион Шуку 53’);

Резерви: Ерион Шуку, Марко Тренески, Марко Софијаноски, Наум Ангелов (Г), Христијан Поп – Антоски, Хамза Меметриза, Арбнор Мурати, Давид Љусев, Давид Дебрешлиовски;

Првиот меч заврши со резултат 1:1.

Што се однесува до репрезентацијата до 17 години, таа загуби со 5:0 од селекцијата на Србија во рамки на последниот натпревар од турнирот што се ораганизираше во Скопје за фудбалери до 17 години.

Високиот пораз е нереален и не ја отсликува вистинската слика за играта на двата тима.

Промашивме пенал, досуден пенал за противникот од сомнителна ситуација при 0:0, погодивме пречка и статива, а не реализиравме уште неколку добри шанси.

Србија поведе со 1:0 во 24. минута преку Мирко Николашевиќ. Нашиот голман Стојановиќ го одбрани досудениот пенал, но одбиената топка Николашевиќ ја смести во мрежата. Истиот фудбалер стрелаше прецизно и во 60. минута за зголемување на предноста на 2:0.

Најдобрата шанса ја имавме кога Богдановски ја погоди пречката по центаршут на Јаневски, а во 68. минута статива на Ѓоргиевски по удар од 20-на метри. Во 70. минута, Ѓорѓиевски не успеа да реализира пенал.

Две минути подоцна Матеа Бубањ зголеми на 3:0. Во 84. минута пенал за Србија, Александар Станковиќ беше сигурен од белата точка и зголеми на 4:0. Конечните 5:0 ги постави Стефан Џоџиќ во последната минута од средбата.

Македонија до 17 години: Давид Стојановиќ, Андреј Аризанкоски, Марко Стојилевски, Даниел Марковски, Матеј Јаневски, Мартин Ѓорѓиевски (к), Адриан Зенделовски, Никола Манојлов, Кире Стојанов, Мухамед Елмас , Зани Назифи;

Резервни фудбалери: Самоил Талевски, Бехар Серани, Симеон Здравковски, Анес Мелиќи, Хадис Таири, Давид Саботковски, Амир Нухија, Азис Јамини, Александар Богдановски, Енес Фидани; Селектор: Тони Јакимовски

Македонија на првиот натпревар од подготвителниот турнир триумфираше со 2-1 против Кипар.

Прочитај повеќе...

Спорт

Кај македонските фудбалски репрезентативци до 17 години владее позитивна енергија пред мечот со Србија

Објавено пред

на

Македонската репрезентација до 17 години предводена од селекторот Тони Јакимовски денеска на тренинг центарот „Петар Милошевски” се подготвуваше за утрешниот натпревар против Србија во рамки на контролниот турнир што се одржува во Скопје.

Нашите млади фудбалери во воведното коло од турнирот славеа победа со 2:1 против Кипар. Марко Стојилевски и Зани Назифи беа стрелци на головите.

Даниел Марковски, фудбалерот на Хелсинборг и член на младата репрезентација на Македонија е задоволен од прикажаната игра против Кипар.

– „Одигравме одличен натпревар против Кипар, но секогаш има простор за напредок, секогаш може подобро. На теренот делувавме одлично како колеткив, бевме подобра екипа, сосема заслужено остваривме победа. Утре играме против Србија, репрезентација која има голем квалитет, очекувам тешка средба со многу борба и отворена игра. Се надевам дека ќе оствариме нова победа“.

Капитенот Марко Ѓорѓиев вели дека оваа репрезентација на Македонија посакува учество на Европско првенство.

– „Нашата желба и цел е да обезбедиме учество на Европско првенство. Играме долго време заедно и одлично се познаваме. Овој контролен турнир претставува подготовка за она што не очекува во октомври, а тоа се квалификациите за пласман во елитната фаза. Одигравме добар натпревар со Кипар, се надевам дека повторно ќе бидеме на посакуваното ниво и на утрешниот дуел со Србија“.

Нашите фудбалери во октомври ги очекуваат квалификации за пласман во елитната фаза за Европско првенство. Во нашата група се Република Ирска, Полска и Андора.

Прочитај повеќе...

Спорт

Андонова: Не очекуваат два тешки натпревари. Шансата ќе ја бараме против селекцијата на Австрија

Објавено пред

на

Женската А репрезентација на Македонија денеска го одработи последниот тренинг пред заминувањето за Англија за воведниот меч од квалификациите за Светското првенство 2023. Нашата женска селекција против Англија, топ фаворит во групата ги започнува европските квалификации за мундијалот во Австралија и Нов Зеланд.

Против англичанките играме на 17. септември во Саутемптон, а четири дена подоцна на Националната арена „Тодор Проески” ќе се спротиставиме на селекцијата на Австрија.

Капитенот на женската А репрезентација на Македонија и член на шпански Леванте, Наташа Андонова вели дека шансата за остварување на поволен резултат треба да ја бараме во дуелот со Австрија пред домашната публика.

– “Не очекуваат два натпревари против силни репрезенетации. Селекцијата на Англија е апсолутен фаворит во групата, ќе биде многу тешко да се игра против нив. Австрија не е на рамниште со квалитетот како Англија и сметам дека шансата за освојување на бодови треба да ја бараме на тој меч. 

– Секогаш се обидувам да гледам реално на работите, така и овој пат. Мислам дека не треба да очекуваме некакво чудо во овие квалификации, треба само да продолжиме напорно да работиме и да ги слушаме советите од нашиот селектор. Објективен проблем претставува фактот што во овој состав на Македонија има фудбалерки претежно од домашното првенство кои немаат големо маѓународно искуство за разлика од другите селекции. 

– Работевме напорно овие неколку дена, имаме одлична комуникација со селекторот, позитивни сме, владее одлична атмосфера и ќе пробаме сето тоа да го искористиме за што подобро да одиграме на овие два натпревари“. 

Прочитај повеќе...

Facebook

Последни објави

Временска прогнозаПред 1 час

Денеска спарно време со топол ветер, викендов дестабилизација

Денес времето во Македонија ќе биде сончево и понатаму натпросечно топло со умерена облачност. Ќе дува умерен, повремено на некои...

На денешен денПред 7 часа

На денешен ден (17 септември)

1580 година – Роден е Франциско Гомез де Квеведо и Вилегас, голем писател на Златното доба на шпанската литература и...

ХороскопПред 9 часа

Хороскоп за денес (17 септември) петок

ОВЕН Денот е идеален за воспоставување нови деловни партнерства и за работа во која учествуваат повеќе од две лица. Се...

МакедонијаПред 13 часа

Коронавирус денеска, вкупно 557 новозаболени, починале 28 пациенти

Во последните 24 часа се направени 3.885 тестирање, а регистрирани се 557 нови случаи на КОВИД-19: • Скопје – 268...

СпортПред 17 часа

Македонската репрезентација до 17 години поразена од Србија, додека повозрасните одиграа нерешено со Унгарија

Репрезентацијата на Македонија до 18 години и на вториот контролен натпревар против Унгарија во Ѓер одигра нерешено 2:2. Двете селекции...

На денешен денПред 1 ден

На денешен ден (16 септември)

1380.- Умре францускиот крал Шарл V Мудриот. Тој се качи на престолот во 1360 година, а во Стогодишната војна успеа...

ХороскопПред 1 ден

Денешен Хороскоп (16 септември) четврток

ОВЕН Не се потценувајте, туку поставете си цели што е потешко да се постигнат, бидејќи само тогаш ќе бидете целосно...

СпортПред 1 ден

Кај македонските фудбалски репрезентативци до 17 години владее позитивна енергија пред мечот со Србија

Македонската репрезентација до 17 години предводена од селекторот Тони Јакимовски денеска на тренинг центарот „Петар Милошевски” се подготвуваше за утрешниот...

МакедонијаПред 2 дена

Денес нови 617 заразени од Ковид-19, починале 32 лица – најмладите во билансот се од Кичево и Македонски Брод

Во последните 24 часа се направени 4.621 тестирање, а регистрирани се 617 нови случаи на КОВИД-19: • Скопје – 314...

СпортПред 2 дена

Андонова: Не очекуваат два тешки натпревари. Шансата ќе ја бараме против селекцијата на Австрија

Женската А репрезентација на Македонија денеска го одработи последниот тренинг пред заминувањето за Англија за воведниот меч од квалификациите за...

НАЈЧИТАНИ