Во вторник, 08 октомври од 19:30 часот во НУЦК „Кочо Рацин“ во Кичево, по трет пат ќе се одржи „Концерт на млади пијанисти“. Овој настан е организиран од страна на претседателот на Музичка Академија Кристина , проф м-р Костадиноска Кристина во соработка со НУЦК „Кочо Рацин“ Кичево.

Учество на оваа манифестација ќе земат 11 млади пијанисти од различни возрасти, со бројни први, втори и трети награди на меѓународни натпревари: Јосифоска Јоана, Спахиу Ориола, Јолеска Бисера, Касијана Матеска, Јолеска Јана, Димитриеска Надја, Јосифоска Гордана, Емини Тарик, Дабески Давор, Бодеска Теона и Дамјаноска Дарија.

Повелете да уживаме во звуците на познатите великани од класичната музика Бах, Хајдн, Бетовен, Бургмулер, Чајковски, Шопен …

Проект поддржан од Општина Кичево

На 2 октомври во Центарот за култура „Кочо Рацин“ – Кичево премиера на најновиот македонски филм „Бизнисот на задоволството“ во режија на Гоце Цветановски.

На премиерата ќе бидат присутни актерите заедно со режисерот Гоце Цветановски.

Почеток: 19:30 часот.

Влез: 100 денари.

Билети може да се купат на билетарата од Ценатрот за култура два часа пред почеток на филмот.

Синопсис: Откако ја изгубила својата најдобра пријателка како жртва на трговија со луѓе, една новинарка опсесивно работи на својата цел да ја разбие мрежата за сексуално ропство. Но, како што нејзините соучесници се приближуваат до шефот, ситуацијата излегува од контрола.

Режисер: Гоце Цветановски

Продуценти: Дритон Рамадани, Богдан Јончевски и Гоце Цветановски

Времетраење: 97 минути

Категоризација: 16+

Не го пропуштајте, ќе ви се допадне, Ви посакуваме возбудлива кино вечер.

Денес се одигра третото коло од детската лига во југозападниот регион, а нашите најмлади надежи од генерација 2014/2015 г. имаа можност за прв пат да играат натпревар во вечерните часови, односно под рефлектори на стадионот при СРЦ „Билјанини Извори“ – Охрид.

Натпреварот одигран против домаќините Еврофудбал заврши со победа на нашите момчиња од ФК „Кичево“ со резултат од 0:1. Стрелец на единствениот гол за нашата екипа беше Кристијан Николоски кој успешно се проби и прецизно стрелаше за својата екипа, прославувајќи со акробатска „ѕвезда“ атрактивно за голема радост на гледачите!

Максим Николаевски – тренер на ФК „Кичево“: Бевме сведоци на одлична игра, многу шанси и надигрувања. Нашата екипа имаше блескава игра и шанси за резултатот да биде поубедлив против тимот кој е еден од водечките во оваа генерација, додека мрежата ја зачувавме без примен гол на втор натпревар по ред. Честитам за пожртвуваноста на цел тим, со прикажана игра од ваков тип како денес, сигурен сум дека на сите дечиња им претстои блескава иднина, а нашиот клуб ќе го издигнеме високо на пиедесталот, впрочем тоа е и нашиот стремеж.

Галерија преку нашиот објектив: