Кичево
По повод Св.Великомаченик Димитриј Солунски – „Митровден“ во кичевскиот храм Св.Петар и Павле ќе се отслужат литургии и богослужба
Кичевската парохија ја истакна својата агенда по повод „Митровден“, имено на 07.11.2023 година (вторник) ќе одржи вечерна богослужба во 16⁰⁰ часот, ден потоа на 08.11.2023 година (среда) и
утрена богослужба во 07³⁰ часот, Света Божествена Литургија во 08³⁰ часот.
– „Не можно е да се намалат, ниту е можно да се зголемат; никој не може да ги испита чудесните дела Божји“ (Мудр. Сир. 18,5), вели мудриот Исус син Сирахов во Стариот завет. Па ете и ние до денес не сме во можност да се воздигнеме толку високо и да видиме што Бог промислил и како нѐ води низ целиот живот. Ете и свети великомаченик Димитриј е дел од таа промисла, којшто од еден голем војсководец станал голем чудотворец, а од непознат младич велик маченик и силник за Христа, но и препознатлив до крајот на светот по неговите чудеса.
Свети Димитриј бил роден во III век во Солун (270 година) во семејство на богати и благочестиви родители и воспитан во христијанство, но и добро негуван и чуван. Неговата мајка многу го сакала, а татко му го учел во воените вештини затоа што бил војвода на војската и сакал да воспита добар син. Димитриј бил син единец добиен со молитва и Божјата рака била врз него. Откако татко му починал тој го наследил во управувањето со војската и се покажал достоен.
Непријателот на човечкиот род постојано ‘ржи кога ќе види дека сѐ оди кон добро, па и овој пат, кога свети Димитриј бил поставен за војвода, тој замешал прсти. Во тоа време императорот Максимијан дал наредба да се гонат христијаните во Солун, но бидејќи овој велик младич бил таен христијанин, направил спротивно, односно го раширил христијанството во Солун. Тоа ја прелило чашата кај императорот и многу се разгневил и го ставил в затвор. Во затворот, Максимијан го испрашувал светиот Димитриј за неговата христијанска вероисповед и го терал да се одрече од Христа. Меѓутоа, овој велик маченик за Христа не се одрекол од Господа и храбро истрпел сѐ. На крајот свети Димитриј бил проподен со копја во 306 година и се населил во Божјото царство како великомаченик и до денес тој е многу почитуван. При крајот на својот живот ја препознал маченичката смрт и предсмртно наредил целиот негов имот да биде разделен на сиромаси и ете до своето скончание им помагал на луѓето, како за време на својот живот, така и сега. Свети Димитриј чесно и достоинствено ја извршувал својата служба и ги исполнил библиските зборови од свети Јован Крстител.
Неговото тело е во Солун во катедралниот храм посветен на него и до денешни дни твори чудеса и е миротворец, односно неговото тело испушта благоухание и миро кое може да се почувствува додека се влегува во храмот во Солун. Тој е доста почитуван кај нас Македонците затоа што бил Македонец и е патрон на градот Солун. На овој ден е споменот и на големиот земјотрес, кога свети Димитриј се застапувал за градот Цариград. Тој настан се случил во 740 година, па ете се зачувал низ историјата овој град.
Оваа година, бидејќи неговиот спомен се празнува во денот среда, славениците треба да имаат посна трпеза, а со тоа се прикажуваат и како достоинствени христијани и почитувачи на свети Димитриј. Само тогаш неговиот спомен е правилен и достоинствен.
Нека светиот великомаченик Димитриј се моли за нас пред Бога и да се застапува за православниот народ наш македонски и за сите луѓе по целиот свет, па да засветлиме со добродетели и да Го прославиме Бога – Сесвета Троица, Отецот, Синот и Светиот Дух, постојано, сега, секогаш и во вечни векови.
Амин!
За многу години и честито славите и вечни имињата на оние кои ги носат, пишуваат од кичевската парохија!
Кичево
Во ЈЗУ Општа Болница Кичево недостигал ехо апарат, случајот бил пријавен во МВР
На 21.10.2024 во 11.45 часот во ОВР Кичево е пријавено дека во Општа болница во Кичево, недостига ехо апарат, кој за време на ковид пандемијата во 2021 година во болницата бил дониран од Министерството за здравство.
Се преземаат мерки за расчистување на настанот, за медиумите информира портпаролот на СВР Охрид, г-дин Стефан Димоски
Кичево
Во понеделник овие кичевски села поради работа на ЕВН „КЕЦ Кичево“ ќе бидат без електрична енергија
Како што информираат од ЕВН за нашиот медиум, поради зафати на електродистрибутивната мрежа во понеделник на ден 21.10.2024 г, ЕВН КЕЦ Кичево ќе работи на терен, така што прекини во снабдување на електрична енергија ќе имаат домаќинствата на следните кичевски села:
* с. Свињиште, Козица, Белица и ХПП Белица, с. Другово, Пополжани, Долно и Горно Добреноец, Видрани и Брждани (Од 10:30 до 13:30ч)
- Напомена: Времетраењето „од-до“ може да зависи од ефикасноста на работата.
Кичево
(ФОТО) Денес во „Check In“ кичевскиот ФК „Напредок“ доби промоција и нови дресови од „Евротип“ и „Gold Slot Club“
Денес како што најавивме под покровителство и спонзорство на најдобрите „Gold Slot Club“ и обложувалници „Евротип“ се организираше официјалната промоција на кичевскиот фудбалски клуб „Напредок“. Во одлична атмосфера покрај богатиот кетеринг и одличната музичка агенда на DJ Anonymous присутните и дел од вработените на овие експозитури имаа вистинска прилика да уживаат. Како што е познато, спонзорството се состои во спортска опрема – дресови.
На настанот присуствуваа претставници од маркетинг секторот на КС Групација во чиј состав влегуваат компаниите Голд Слот и Евротип. Присутните на настанот уживаа во пријатна атмосфера, а беа обезбедени и гратис пијалоци за сите. На настанот свое обраќање имаше и директорот на клубот. Голд Слот и Евротип како горди спонзори на ФК „Напредок“ не само што го поддржаа овој настан туку ќе продолжат и во иднина да бидат ветер во грб на самиот клуб.
На социјалните мрежи проследете ги на следните линкови:
„Gold Slot Club“: Facebook и Instagram
„Евротип“: Facebook и Instagram
Галерија:
-
Хороскоп1 ден
Хороскоп за среда (23 октомври)
-
Кичево2 дена
Во ЈЗУ Општа Болница Кичево недостигал ехо апарат, случајот бил пријавен во МВР
-
Lifestyle2 дена
Кој е нормалниот крвен притисок според возраста?
-
Хороскоп6 часа
Хороскоп за четврток (24 октомври)
-
Временска прогноза21 час
До крајот на месецот стабилно време, но со ниски утрински температури и магла по котлините
-
Македонија7 часа
Викендов започнува зимското сметање на време, сонцето ќе заоѓа порано и деновите стануваат значително пократки
-
Македонија22 часа
Денес е 23-ти октомври, ден на Македонската Револуционерна Организација
-
Автомобили18 часа
BMW: Забраната за возила на бензин и дизел во ЕУ не е реална