Страшен епилогот на магистралниот пат А2 Гостивар-Кичево, според информациите од терен две лица починале од здобиените повреди. Трагичната сообраќајка се случила помеѓу автомобил и камион со странски регистарски ознаки.

Поради утврдување на причините за несреќата, сообраќајот се пренасочува преку алтернативни патишта, за јавноста информира портпаролот на СВР Тетово, Фатмир Реџепи.

Видео запис на колегите од „ТВ21“

На 16.08.2024 околу 17.20 часот во Полициската станица Кочани било пријавено дека на регионалниот пат с.Лески – с.Зрновци, кочанско, патничко возило „сузуки“ со винички регистарски ознаки, управувано од Р.С.(62) од с.Виничка Кршла, општина Виница, излетало од коловозот. Во несреќата со тешки телесни повреди се здобил сопатникот С.А.(55) од с.Виничка Кршла, кој бил пренесен во Клиничка болница Штип, каде што подоцна починал. Додека, со телесни повреди се здобил возачот и другиот сопатник М.С.(60) од с.Виничка Кршла, констатирани во болницата во Кочани.

Увид на местото на несреќата извршила увидна екипа на ОВР Кочани, а по наредба на Јавен обвинител телото на починатиот било дадено на обдукција, известува МВР.

Предмалку тешка сообраќајна несреќа се случила на магистралниот пат Кичево-Охрид, во близина на кружен тек.

Од за сега неофицијални извори дознаваме дека се работи за еден учесник со пмв. волксфаген со кичевски таблички, изгубил контрола и излетал од коловозот во населено место веднаш до патот.

Екипи на ОВР Кичево и Медицински центар се веќе на терен и интервенираат.

Повеќе информации очекуваме во текот на утрешниот ден, додека очевидци за Порта.мк сведочат дека сликата била страшна, а возилото било скоро уништено.

– Апелираме за внимателно управување на автомобилите, како и придржување, односно прилагодување на брзината на возење према поставената патна сообраќајна сигнализација како и условите на патот.

* Дополнето од денешниот билтен на СВР Охрид, учесникот во сообраќајката за жал починал:

– Патничко возило „фолксваген пасат“ со кичевски регистарски ознаки, управувано од С.А.(22) од с.Туин, кичевско, излетало од коловозот. Во несреќата со тешки телесни повреди се здобил возачот, по што бил пренесен во Комплекс клиники „Мајка Тереза“, каде што подоцна починал. Извршен бил увид од увидна екипа на ОВР Кичево.