Временска прогноза
Под влијание на влажен воздушен бран дожд денес на секаде низ државата

Под влијание на влажен воздушен бран од запад, во текот на денот на повеќе места низ Македонија ќе има повремени врнежи од дожд со слаб до умерен, во западните предели и со умерен интензитет. Исто така во почетокот од следната седмица ќе дува и умерен, повремено засилен ветер од југоисточен правец.
Под влијание на изразен циклон од запад, од утре па сè до среда во попладневните часови ќе биде нестабилно облачно со локална појава на пороен дожд, грмежи и засилен ветер.
Локално, особено во вторник процесите ќе бидат ПОИНТЕНЗИВНИ и застапени во форма на НЕВРЕМЕ, проследено со обилен пороен дожд, силен ветер, електрични празнења и со услови за појава на град.
Во Скопје и околината исто така продолжува променливото време со повремени врнежи од дожд. Од понеделник до среда во делови од котлината во попладневните часови ќе биде нестабилно облачно со пороен дожд, грмежи и засилен ветер.
Поради јужното воздушно струење, во следните денови температурите ќе бидат ПОВИСОКИ и максималните дневни температури ќе се искачуваат во интервалот од 17 до 23 степени, а од средината на следната седмица во најтоплите централни и југоисточни предели температурите ќе се искачат и до 29 степени. Посвежо ќе биде само денес со максимални температури кој ќе се искачуваат во интервалот од 11 до 16 степени.
Во Скопје температурата деновиве ќе се искачува во интервалот помеѓу 17 и 23 степени.
Наутро пак температурите ќе се спуштаат во интервалот од 7 до 14 степени, за нашиот медиум пишува Славчо Попоски.
Временска прогноза
Цела седмица честа појава на повремени врнежи од дожд, проследени со појава на грмежи

Под влијание на плитка фронтална долина која се наоѓа над југоисточна Европа, во нашата Република Македонија од денес (среда 23 април) па се до самиот крај на оваа недела времето ќе биде променливо облачно со честа појава на повремени врнежи од дожд, проследени со појава на грмежи.
Локално Атмосферските процеси ќе бидат поинтензивни и во форма на невреме, проследено со обилен пороен дожд за кратко време кој може да услови локални поплавувања, силен ветер, електрични празнења и со појава на град. Токму поради ова апелирам на поголема внимателност.
И во Скопје и околината следува период на многу променливо време со повремен дожд. Во делови од колтината ќе биде нестабилно облачно со пороен дожд, грмежи, засилен ветер и со услови за појава на невреме.
Што се однесува до температурите, тие до крајот на оваа работна недела ќе бидат без поголеми промени во однос на оние кои ги имаме сега, а постепено опаѓање на истите ќе има за време на викендот.
За време на овој нестабилно – влажен период локално во нашата Република Македонија ќе наврне значително количество на воден талог (над 35 литри дожд), пренесува Славчо Попоски
Временска прогноза
Од понеделник повторно нашата територија под влијание на циклонска активност која носи обилен дожд и електрични празнења

Под влијание на циклонска активнот со центар над Медитеранот, од понеделник (21 април) па се до самиот крај на следната седмица (недела 27 април) во Македонија ќе има честа појава на врнежи од дожд, кои на повеќе места ќе бидат поројни и проследени со појава на грмежи. Локално пак, процесите ќе бидат во форма на невреме проследено со обилен пороен дожд, засилен ветер, електрични празнења и со услови за појава на град.
И во Скопје и околината во текот на следната седмица ќе има честа појава на повремен дожд, кој во делови од котлината повремено ќе биде пороен и проследен со грмежи, како и со засилен ветер во зоната на нестабилност. Температурите и покрај ова нема многу да се менуваат во однос на оние кои ги имаме сега, што значи ќе бидат пролетни, до рано – летни.
Да напоменам дека за време на овој влажен период, локално ќе наврне значително количество на воден талог (над 50 литри на метар квадратен дожд). Поради ова, можно е ново зголемување на нивоата на реките и на езерата во Македонија, а можни се и локални поплавувања.
Исто така, апелирам, во случај на појава на невреме и на електрични празнења, да се избегнува претстој на отворено како и под осамени дрвја. Во случај на појава пак на силен ветер, граѓаните да внимаваат каде ги ставаат своите автомобили, односно истите да не бидат во близина на дрвјата, предмалку истакна Славчо Попоски
Временска прогноза
Времето за најголемиот христијански празник „Велигден“ ќе биде стабилно и сончево

За време на најголемиот Христијански празник (Воскресение Христово, Велигден) ќе имаме стабилно, суво и сончево време со мала до умерена локална облачност. Ќе дува слаб до умерен ветер од јужен правец.
И во Скопје за Велигден времето ќе биде стабилно, суво и сончево со мала до умерена облачност. Ќе дува слаб до умерен ветер од јужен правец.
Што се однесува до температурите, тие ќе бидат рано летни, и тоа поради влијанието на топлата воздушна маса од југ. Максималните дневни температури за време на овој најголем Христијански празник ќе се искачуваат во интервалот од 20 до 29 степени.
Во Скопје и околината максималната дневна температура на воздухот ќе се искачи до околу 27 степени.
Убавото време за Велигден искористете го максимално, и уживајте во празничниот сончев и топол викенд кој ни доаѓа, истакна Славчо Попоски
-
Хороскоп2 дена
Хороскоп за среда (23 април)
-
Хороскоп17 часа
Хороскоп за четврток (24 април)
-
Кичево6 часа
Вчера во Кичево се одржа состанок на општинскиот кризен штаб за превенција и заштита од пожари на отворен простор
-
Кичево20 часа
Исполнети од радоста од Христовото Воскресение „Велигден“ бидете дел на Светол Источен Петок – „Балаклија“ во Манастир Пречиста кичевска – Христос Воскресе!
-
Култура2 дена
(ВИДЕО) Бигорски Манастир објави видео полно воскресенска радост
-
Временска прогноза1 ден
Цела седмица честа појава на повремени врнежи од дожд, проследени со појава на грмежи
-
Автомобили2 дена
(ВИДЕО) „Mercedes-Benz“ наскоро надоградува „steer-by-wire“ технологија која не бара механичка врска помеѓу волан и предни тркала
-
На денешен ден2 дена
На денешен ден – 23 април