Спорт
Поповски по УЕФА сертификатот за услогласеност и работа, истакна дека процесот на лиценцирање навистина помага во развојот на сите фудбалски и деловни процеси

Пред речиси две децении, УЕФА започна со систем за лиценцирање на клубовите за да можат да учествуваат во натпреварувањата на УЕФА, но системот се разви во нешто многу повеќе, а денес е составен дел од обврските и плановите за работа на бројни асоцијации и клубови ширум Европа.
Фудбалската федерација на Македонија и оваа година доби потврда, т.е. сертификат за услогласеност и работа на лиценцната администрација со важност до август 2023 година.
Системот за лиценцирање е создаден како збир на критериуми што клубовите мора да ги исполнат за да можат да учествуваат во натпреварите на УЕФА. Лиценцирањето на клубовите е вклучено во програмата и стратегијата на секоја федерација, како и на клубовите, и е една од клучните точки во работата и планирањето не само на развојот и напредокот на одреден клуб, туку и на неговото деловно функционирање.
Фудбалската федерација на Македонија го спроведува системот за лиценцирање клубови и има посебен систем за лиценцирање за домашните првенства.
– „Лиценцирањето на клубовите во Македонија се смета за најдобра алатка за постигнување високи стандарди во фудбалот. Системот е широко прифатен со голема доверба во него и е охрабрен од клубовите, носителите на одлуки, јавноста, навивачите и другите учесници. Одделот за лиценцирање, како и досега, секогаш ќе биде на располагање за сите прашања и совети, но секако клубовите се тие кои треба да направат добар дел од работата во овој процес. Драго ми е што напредокот е видлив од година в година во однос на исполнувањето на критериумите, документацијата и комуникацијата, а повратните информации ни кажуваат дека процесот на лиценцирање навистина помага во развојот на сите фудбалски и деловни процеси, изјави генералниот секретар на ФФМ, Филип Поповски.
Спорт
Со заложби на претседателот Омерагиќ и општина Битола, овој град повторно на европската фудбалска мапа, стадионот „Петар Милошевски“ доби зелено светло од „УЕФА“

Градот под Пелистер на 9 септември ќе биде центар на младинскиот европски фудбал, откако стадионот „Петар Милошевски“ доби официјална дозвола од УЕФА да биде домаќин на квалификацискиот дуел помеѓу македонската селекција до 21 година и силната репрезентација на Италија.
Во изминатиот месец и половина, Фудбалската федерација на Македонија во партнерство со општина Битола вложи околу 150.000 евра за комплетна санација и модернизација на спортскиот комплекс. Резултатот е стадион кој денес изгледа препознатливо европски и кој е подготвен за настани од највисоко ниво.
Новата јужна трибина е опремена со комфорни седишта, тартан патеката е заменета со современа подлога, а службените и медиумските простории добија нов изглед и функционален мебел. Поставени се и нови клупи за резервните играчи, уреден е ВИП секторот, а ФФМ донираше модерен ЛЕД семафор. Дополнително, тревната подлога беше освежена и подготвена со специјализирана механизација и експертски тимови.
Со овие подобрувања, „Петар Милошевски“ ги исполнува сите критериуми за организација на меѓународни натпревари и ја враќа Битола на големата фудбалска сцена.
Претседателот на ФФМ, Масар Омерагиќ, ја нагласи важноста на овој проект, „Она што го зацртавме како цел – да ја вратиме фудбалската магија во Битола – денес е остварено. Со заедничка работа со градоначалникот Коњановски и тимот на општината, покажавме дека и за кратко време може да се постигнат големи резултати. Овој успех е само поттик да продолжиме со реконструкции и на другите стадиони во државата.“
Следниот чекор, како што најави Омерагиќ, е реконструкцијата на градскиот стадион во Тетово, со што ФФМ и управата ја продолжуваат својата мисија за унапредување на спортската инфраструктура на национално ниво.
Со ова, Битола не само што добива модерен спортски објект, туку и нова енергија за развој на фудбалот и спортската култура во регионот, истакна Фудбалската федерација на Македонија на својето веб гласило.
Спорт
Составот на македонската фудбалска репрезентација за мечевите против Саудиска Арабија и Лихтенштајн

Фудбалерите на Македонија се подготвуваат за претстојните натпревари од квалификациите, каде што ќе се сретнат со Саудиска Арабија на 4 септември и со Лихтенштајн на 7 септември. Селекторот и тимот најавуваат максимална посветеност и целосна концентрација за да обезбедат добри резултати на овие пресудни средби.
Ова се повиканите фудбалери избраници од Милевски за претстојните мечеви, а ги соопшти Фудбалската федерација на Македонија:
Голмани:
- Столе Димитриевски
- Дејан Илиев
- Дамјан Шишковски
- Игор Алексовски
Одбрана:
- Дарко Велковски
- Езѓан Алиоски
- Никола Серафимов
- Андреј Стојчевски
- Висар Муслиу
- Бојан Илиевски
- Гоко Зајков
- Стефан Деспотовски
Среден ред:
- Енис Барди (капитен)
- Јани Атанасов
- Елиф Елмас
- Исник Алими
- Лука Станковски
- Тихомир Костадинов
- Решат Рамадани
Напад:
- Бојан Миовски
- Милан Ристовски
- Дарко Чурлинов
- Александар Трајковски
- Лирим Камили
- Елмин Растодер
- Димитар Митровски
Селектор:
- Благоја Милевски ✅
Спорт
Алонсо со својот „CFMoto“ стана првиот возач победник од својата земја во „Мото2“, откако триумфираше за големата награда на „Michelin“ во Унгарија

Колумбиецот Давид Алонсо (CFMOTO Inde Aspar Team) стана првиот возач од својата земја што победил во Moto2, откако триумфираше на Големата награда на Michelin во Унгарија. Со извонреден финиш, тој ги надмина главните конкуренти за титулата, Диого Мореира (Italtrans Racing Team) и Мануел Гонзалез (LIQUI MOLY Dynavolt Intact GP), во трилер-завршница на Балатон Парк.
Алонсо влезе во завршните кругови со најсилно темпо, минувајќи го Гонзалез во претпоследниот круг, а потоа со маестрална одбрана ја задржа предноста до целта. Мореира заврши втор и со тоа за првпат во историјата Moto2 забележа јужноамериканско 1-2, додека Гонзалез мораше да се задоволи со третото место.
Зад нив, Џејк Диксон финишираше четврти, а Холанѓанецот Колин Вејер со петтото место го постигна својот најдобар резултат досега. Голем удар претрпе Арон Канет, кој заврши шести и изгуби важни поени во шампионската битка.
Историскиот триумф на Алонсо го најавува пристигнувањето на нова генерација во Moto2, бидејќи пет дебитанти завршија меѓу првите десет во Унгарија.
-
Кичево16 часа
(ФОТО) Денес во просториите на „РЕК Осломеј“ свечено беше одбележан 28 август, „Денот на рударите“
-
Хороскоп1 ден
Хороскоп за четврток (28 август)
-
Временска прогноза2 дена
Прекрасна вест, топлото време продолжува, додека на утро останува да биде посвежо
-
Хороскоп3 часа
Хороскоп за петок (29 август)
-
Македонија2 дена
Регионалниот пат Нова Брезница – Македонски Брод преку НП „Јасен“ нормализиран за сообраќај во термините од МВР
-
Спорт2 дена
Составот на македонската фудбалска репрезентација за мечевите против Саудиска Арабија и Лихтенштајн
-
Свет2 дена
Гигантската ракета „Старшип“ на SpaceX во вторник навечер успешно го изведе својот десетти пробен лет
-
Автомобили2 дена
Nissan GT-R се пензионира по 18 години – крај на една ера