Следете не

Автомобили

Porsche 924 продаден за рекордни 261,000 долари

Објавено пред

на

Порше 924 Карера ГТС од 1981 година беше продаден во САД за 261 000 УСД, што е повисока цена од онаа што треба да ја платите за новиот Порше 911 ГТ3, кој е достапен за 161 000 УСД.

Порше произведе само 59 единици од 924 ГТС, и ова е една од само 15-те легални единици опремени со опции за Клубспорт.

GTS Clubsport е создаден како модел за хомологација за трки на групата FIA 4, а првично бил наменет за европскиот пазар. Го купил првиот сопственик од центарот Порше во Штутгарт, а сегашниот сопственик го купил во 2014 година и го чувал во совршена состојба.

Автомобилот е придвижуван од 2,1 литарски четирицилиндричен турбо мотор кој развива околу 280 КС и е поврзан со петстепен мануелен менувач и диференцијал со ограничено лизгање.

За разлика од стандардниот модел 924, овој модел има алуминиумски каросериски панели, интегриран заштитен кафез, пластично странично и задно стакло, 16-инчни тркала Фукс, суспензија Билштајн и сопирачки во стилот 930 турбо.

Најочигледните промени во надворешноста се фиксни фарови, отвор за проветрување на капакот на моторот и пошироки колкови. Во внатрешноста има седишта моделирани според оние во 935, спортски ремени, а задното седиште, звучниот систем, сончевиот покрив и климатизацијата се отстранети за да се намали тежината.

Автомобилот е во совршена состојба, помина помалку од илјада километри.

Извор: Klix.ba
Cover фото: autodius.com

Автомобили

ЕУ инвестира 852 милиони евра во фабрики за батерии за електрични возила – еве каде ќе се градат

Објавено пред

на

Фото: Priscilla Du Preez 🇨🇦 @ unsplash

Европската Унија започнува со значајна инвестиција во иднината на одржливиот транспорт. Европската комисија објави дека преку Фондот за иновации ќе вложи вкупно 852 милиони евра во изградба на шест фабрики за батерии за електрични возила во неколку земји членки на ЕУ.

Целта: декарбонизација и индустриска конкурентност

Овие инвестиции се дел од Индустрискиот акционен план и Договорот за чиста индустрија. Според соопштението од Европската комисија, се работи за клучен чекор кон:

  • Намалување на емисиите на стакленички гасови

  • Намалување на зависноста од увоз на батерии

  • Поттикнување на технолошки развој

  • Создавање на висококвалитетни работни места низ Европа

Кои земји ќе добијат фабрики?

Фабриките ќе бидат изградени во следниве земји:

Франција
Германија
Шведска
Полска

Сите проекти се очекува да започнат со работа пред 2030 година и ќе придонесат кон создавање на стабилна и одржлива индустриска база на ЕУ.

Што точно се финансира?

Финансирањето ги опфаќа и капиталните и оперативните трошоци на фабриките, со можност дел од средствата да бидат исплатени и пред почетокот на активното работење. Средствата ќе бидат распределени според исполнувањето на клучни проектни пресвртници.

Очекувани резултати до 2040 година

Проектите имаат амбициозна цел:

  • Намалување на емисиите за 91 милион тони CO2

  • Комбиниран производствен капацитет од околу 56 GWh батериски ќелии годишно

Овие фабрики ќе користат иновативни, еколошки прифатливи технологии, што е од суштинско значење за европската стратегија за климатска неутралност и технолошка независност.

Извор: B92

Прочитај повеќе...

Автомобили

Генијален трик за заштеда на гориво: Сè зависи од едно копче во автомобилот

Објавено пред

на

Во деновите кога температурите достигнуваат и над 40 степени, клима уредите во автомобилите работат со полна моќност. Ова, за жал, значи и значително зголемување на потрошувачката на гориво, што се одразува на вашиот буџет.
Но, постои едноставен и генијален трик кој може да ви помогне да заштедите гориво додека уживате во пријатно разладена кабина.

Клучот е во рециркулацијата на воздухот – еве како функционира
Клима уредот во автомобилот може да лади на два начина: внесувајќи воздух однадвор или рециркулирајќи го воздухот кој веќе е во кабината. Кога климата зема топол воздух однадвор, троши повеќе енергија за да го излади. Од друга страна, со рециркулација, системот го користи веќе изладениот воздух, што значи дека се потребни многу помалку ресурси за одржување на пријатна температура.

Рециркулацијата заштедува гориво до 15%
Со притискање на копчето за рециркулација на воздухот, климата работи поефикасно, бидејќи воздухот во кабината е веќе постуден. Ова може да ја намали потрошувачката на гориво за 10 до 15 проценти, што значи реална заштеда на месечно ниво.

Совет од експертите е оваа функција да ја активирате веднаш штом ќе влезете во автомобилот, особено во најжешките делови од денот. На подолги патувања повремено вклучете свеж воздух однадвор за подобра циркулација, но најголем дел од времето оставете ја рециркулацијата вклучена.

Извор: Telegraf

Прочитај повеќе...

Автомобили

Најдобрите и најлошите автомобили за 2025 според корисниците

Објавено пред

на

Фото: John Matychuk @ unsplash

Работата на моторот, квалитетот на системот, дизајнот на ентериерот и карактеристиките на возилото се само дел од аспектите кои ги оценија сопствениците на новите сериски автомобили од 2025 година. Истражувањето за почетниот квалитет на возилата откри кои модели се најдобри, а кои најчесто разочараа.

Модерните автомобили – повеќе од превоз
Денес автомобилите не се купуваат само поради моторот, перформансите или цената. Тие се симбол на статус, исполнување на соништата и награда за успехот. Но и покрај тоа што од новите автомобили се очекува беспрекорно функционирање, истражувањето на JD Power покажа дека дефекти се појавуваат уште во првите месеци од користење.

Автомобилите со највисок квалитет
• На врвот е Lexus – 166 дефекти на 100 возила.
• Следи Nissan – 169 дефекти.
• Во топ 5 се и Hyundai (173 дефекти), Jaguar (175 дефекти) и Chevrolet (178 дефекти).

Интересно, германските марки, кои важат за најсигурни, не се најдоа на врвот.

Просекот и годинава подобрен
Во истражувањето учествувале 92.694 испитаници од САД и Европа. Просекот за возилата од 2025 година е 192 дефекти на 100 автомобили, што е подобрување во однос на лани (194 дефекти). Блиску до просекот се Porsche (188 дефекти) и Ford (193 дефекти).

Германските автомобили под очекувањата
BMW – 196 дефекти (најдобар меѓу „германците“).
Mercedes – 210 дефекти.
Audi – на дното со 269 дефекти на 100 возила.

Овие резултати изненадија многумина кои германските автомобили ги сметаат за синоним за квалитет.

Прочитај повеќе...

Facebook

Последни објави

Хороскоп7 часа

Хороскоп за петок (18 јули)

ОВЕН Ако неодамна сте донирале дел од вашите пари, сте позајмиле одредена сума на пријател или си купиле нешто непотребно,...

Свет8 часа

Најголемото парче од планетата Марс на Земјата продадено преку аукција за рекордни 5,3 милиони долари!

Најголемиот досега познат марсовски метеорит што стигнал до Земјата е продаден на аукција во Њујорк за импресивни 5,3 милиони долари....

Македонија11 часа

Поради пожар затворен за сообраќај автопатот од наплатна рампа Миладиновци до клучка Бунарџик, во двата правца, возилата се насочуваат кон Петровец

Министерството за внатрешни работи ги известува граѓаните дека поради пожар кој настана попладнево (17.07.2025), затворен за сообраќај е автопатот од...

Кичево14 часа

Во с.Цер кичевско биле забележани непознати лица кои нуделе Цептер продукти и запишувале присуство

Фејсбук статусот ви го пренесуваме во целост: Извор: Група граѓани с.Цер (фб Србјани)

Хроника16 часа

МВР со детали за стравичната несреќа во Охрид каде со мопед загина тинејџер на 16 години

На 17.07.2025 во 01.40 часот во СВР Охрид е пријавено дека на регионалниот пат Охрид-Св.Наум, на потегот помеѓу населбата Рача...

Хороскоп1 ден

Хороскоп за четврток (17 јули)

ОВЕН Денес целиот ваш труд ќе делува како залуден, но не грижете се за затоа што успехот ќе дојде брзо....

Скопје2 дена

Лишен од слобода затворски полицаец, се обидел да внесе дрога во Затвор Идризово

На 15.07.2025 во Полициската станица Гази Баба, од Казнено – поправната установа Затвор Идризово е пријавено дека при претрес на Х.А.(42) од...

Временска прогноза2 дена

Попоски: Од утре се очекува брз продор на посвежа воздушна маса од север

По денешниот стабилен, суво, сончев и могу топол ден со максимални температури кои ќе се искачуваат во интервалот од 30...

Хороскоп2 дена

Хороскоп за среда (16 јули)

Овен Пробувате да дојдете до некои промени, но тоа не ви оди од рака. Можно е да имате трема пред...

Временска прогноза3 дена

Сепак следува заладување и промена на времето во Македонија?

Поради продор на поладен воздух од север на висина над нашиот дел од Европа, ќе биде доволно да дојде до...

НАЈЧИТАНИ