Утре на ден 19.01.2022 среда, по завршувањето на Литургијата во градскиот храм св.Петар и Павле ќе се направи литија до градскиот базен и ќе се изврши традицијата со спуштање на чесниот Крст во 10:30 часот и осветување на водите по извршување на Големиот Богојавленски водосвет. Имено сите кои сакаат да присуствуваат на традиционалната манифестација добро би било да бидат присутни од 10:20 часот.

Се замолуваат сите оние кои ќе присуствуваат на овој чин да ги почитуваат мерките за време на корона, а тие коишто се заинтересирани да го фаќаат крстот можат да се пријават во градскиот храм „Свети апостоли Петар и Павле“ – Кичево и да присуствуваат на Светата Божествена Литургија затоа што само така ќе покажат дека се навистина достојни за земање учество во овој свет чин.

Што се однесува до оваа манифестација во Кичево низ времето, со помош на богата наша архива и почитуваните од Кичевската Парохија, се потрудивме да направиме листа и потсетување со најсреќните скокачи по светиот Крст кои го пронајдоа и извадија од Кичевските осветени води назад во годините..

• 199* Никола Петрески
• 1996 Злате Матески
• 1997 Златко Богданоски
• 1998 Раде Мисајлески
• 2010 Јовица Тренески
• 2011 Синиша Стојаноски
• 2012 Даниел Симоноски
• 2013 Бобан Стефаноски
• 2014 Тане Србиноски
• 2015 Дени Дамчески
• 2016 Дејан Момироски
• 2017 Дарио Вренцоски
• 2018 Кристијан Врапчароски
• 2019 Христијан Митрески
• 2020 Кристијан Врапчароски
• 2021 Нема манифестација поради пандемијата од Коронавирусот

За многу години!