Спорт
Претседателот на Фудбалската федерација на Македонија упати честитки за новите прволигаши, освојувачите на купот и шампионите во ПФМЛ
![](https://porta.mk/wp-content/uploads/2021/03/sejdini-slika-1280x640-1.jpg)
Претседателот на Фудбалската федерација на Македонија, Муамед Сејдини по завршувањето на натпреварувачката сезона 2022/2023 упати честитки за ФК Струга Трим Љум по повод освојувањето на титулата во 1 МФЛ и ФК Македонија Ѓ.П. за освојување на Куп натпреварувањето.
По освојувањето на титулата во 2. МФЛ и промоцијата на ФК Воска Спорт, ФК Гостивар и ФК Вардар во нови прволигаши, првиот човек на македонскиот фудбал упати зборови со честитка за тимовите кои од наредната сезона ќе бидат дел од најдобрата фудбалска конкуренција.
Истовремено, Фудбалската федерација на Македонија упатува благодарност до Министерството за внатрешни работи за одличната соработка на сите натпревари кои ги организиравме во изминатиот период и благодарност до луѓето кои ги раководат и одржуваат стадионите на кои се одиграа голем број натпревари во последниот месец.
– „Ве молам примете ги моите најтопли честитки за остварените резултати сезонава во македонската фудбалска лига. Изразувам најсрдечни желби до сите фудбалери, тренери, техничките и медицинските лица, како и до сите навивачи, бидејќи секој дел од организацијата несомнено е инструмент во победата на својот клуб.
Сите честитки до Струга за историската, прва шампионска титула. Клубот со години растеше на теренот и пошироко, а сега го достигна самиот врв. Струга Трим Лум го потврди квалитетот годинава во нашиот фудбал, а тоа е резултат на добрата работа на стручниот штаб, добрата селекција на фудбалери и квалитетното раководство.
Македонија Ѓ.П. воодушеви многумина со постигнатите резултати сезонава и освојувањето на Купот во нашата држава. Верувам дека во континуитет ќе работат и функционираат стабилно, цврсто и плански. Убеден сум дека и во иднина неуморно ќе работат на создавање нови таленти, нешто што претставува визија на клубот и не се сомневам дека од тоа голема корист ќе има и македонската репрезентација.
Важно е да им дадеме поддршка на нашите клубови и во нивните настапи во европските купови. Имаат право да сонуваат дека можат да стигнат далеку и во натпреварувањата на УЕФА. Им посакуваме многу среќа и со еднаков жар како и досега да го претставуваат својот дрес и македонскиот фудбал во Европа. На сите македонски претставници во европските купови, Струга Трим Лум, Македонија Ѓ.П., Шкендија и Шкупи им посакувам добар ждреб, многу среќа и успех во следните натпревари.
Би сакал да упатам честитка до новите прволигаши, ФК Воска Спорт, ФК Гостивар и ФК Вардар. Се надевам дека успехот ќе го продолжат и во натпреварите од најдобрата конкуренција следната сезона. Честитки за Вардар Неготино, Башкими, Тетекс, Новаци и Осогово за обезбеденото учество во Втора МФЛ.
На крајот, би сакал да им се заблагодарам на сите лице во администрацијата на ФФМ кои беа дел од организацијата на натпреварите и активностите кои ги реализиравме во изминатиот период“.
Спорт
(ВИДЕО) Не искористените шанси ја бетонираа Македонија, само реми против Ф.Острови во Торшавн
![](https://porta.mk/wp-content/uploads/2024/09/torshavn.jpg)
Македонската А репрезентација одигра само 1:1 на гостувањето против Фарски Острови од новото издание на Лига на нации. Енис Барди погоди од пенал, откако домаќините имаа предност по првите 45. минути. Пропуштивме три 100 процентни шанси за победа.
Во првото полувреме, Фарски Острови дојде до предност од 1:0 во 9. минута, откако по сомнителен прекршок на Иљазовски во казнетиот простор судијата досуди пенал. Најстрогата казна ја реализираше капитенот Давидсен.
Нашите фудбалери пропуштија одлична можност резултатски да се вратат во игра, откако во 19. минута Чурлинов не реализира од чиста позиција. Миовски одлично го проигра, а откако со лоб го мина и голманот, Чурлинов потоа шутираше во блокот на еден од домашните дефанзивци.
Во 37. минута од далечина се обиде Митровски, но повторно не ја погодивме мрежата на Фарски Острови.
Во второто полувреме, селекторот Милевски направи две замени на старот. Алиоски и Ќамили влегоа во игра.
На самиот старт од продолжението, Алими изнуди пенал за Македонија. Капитенот Енис Барди беше сигурен реализатор за израмнување на 1:1.
Во 57. минута, домашниот голман Рејнатрод му одбрани нов зицер на Чурлинов. Серафимов шутираше со глава, одбиената топка стигна до Чурлинов кој шутираше од прва, но голманот на Фарски Острови прекрасно интервенираше.
Пет минути подоцна се обиде и Бојан Миовски, но поуспешен повторно беше Рајнатрод.
Во 70. минута нова сто процентна шанса пропушта Македонија. Миовски одлично го проигра Ќамили, но напаѓачот од пет метри шутиташе над голот на Фарски Острови, известува ФФМ.
Првиот гол на домаќините:
Viljormur Davidsen scores from the spot!
Faroe Islands 1-0 North Macedoniapic.twitter.com/uGOesPAW4s
— Goals Xtra (@GoalsXtra) September 7, 2024
Голот на Енис Барди исто од пенал за Македонија:
Enis Bardhi equalizer! Faroe Islands 1-0 North Macedoniapic.twitter.com/sBjs1igYka
— Goals Xtra (@GoalsXtra) September 7, 2024
Спорт
Милевски: „Треба да бидеме на максимум, затоа што Фарски Острови ја победи Турција и тоа не е мала работа“
![](https://porta.mk/wp-content/uploads/2024/09/20240906155219.jpeg)
Во пресрет на денешниот натпревар на македонската А репрезентација против Фарски Острови од новото издание на Лига на Нации, на официјалната прес-конференција говореа селекторот на Македонија, Благоја Милевски и капитенот, Енис Барди.
Благоја Милевски – селектор на македонската А репрезентација:
„Првиот натпревар е секогаш е тежок. Фарски Острови е квалитетен, дисциплиниран противник и имаме максимална почит кон нив. Сепак, наша цел е прво место во групата на Лигата на нации. Треба да бидеме на својот максимум за да не зависиме од играта на противникот. Во минатото издание на Лигата на нации, Фарски Острови ја победија Турција, а тоа не е мала работа.
Временските услови се такви какви што се. Не е лесно да се адаптирате од 35 на десетина степени. Затоа дојдовме ден порано и верувам дека ќе бидеме спремни. Мислам дека ќе се прилагодиме на сите услови и ќе го наметнеме нашиот квалитет“
„Противникот е добро организиран, дисциплиниран и мора да бидеме на исто ниво и подобри што се однесува до динамиката на игра, агресивноста и желбата, за да дојде нашиот индивидуален квалитет до израз. На овој собир гледам одлична енергија и тоа треба да го пренесеме на терен“.
Енис Барди – капитен на македонската А репрезентација:
– „Сите сме свесни што ни следи и направивме детална анализа за овој натпревар. Атмосферата секогаш е добра кога се игра за Македонија и можеби на овој собир имаме најдобра клима. Имаме одлични играчи, кои потпишаа за големи клубови како Димитриевски, Елмас, Миовски и од нив очекуваме многу.
Не треба да бараме алиби и како и секогаш да бидеме максимално фокусирани на нашата игра. Не треба да ни недостасува желба и треба да излеземе просторот кој противникот ќе ни го понуди да го искористиме“, истакна за јавноста Фудбалската федерација на Македонија.
Спорт
Македонија до 21 година загуби од Холандија на гостински терен, следен предизвик за нашите момчиња е мечот против Гибралтар исто така на гостински терен
![](https://porta.mk/wp-content/uploads/2024/09/20240906110922.webp)
Репрезентацијата на Македонија до 21 година доживеа убедлив пораз од Холандија со 5:0 на гостински терен во натпревар од квалификациите за пласман на ЕП 2025 година. Холандија во Алмере ја демонстрираше својата сила, во секој сегмент од мечот ја надигра нашата репрезентација и на крајот забележа убедлива победа.
Регир уште во втората минута го отвори резултатот по една одлична акција, а Охио во 22.минута зголеми на 2-0. Во продолжението Холанѓаните постигнаа уште три гола. Милион Манхоф во 61. и во 69.минута најави дебакл, а серијата ја заокружи Јури Регир исто така со својот втор гол во 75.минута од мечот.
Следниот меч од квалификациите го играме против Гибралтар на гостински терен, известуваат од ФФМ.
-
Хороскоп1 ден
Хороскоп за сабота (7 септември)
-
Кичево14 часа
Предмалку се случила сообраќајка на рег. пат Кичево-Охрид
-
Хороскоп2 часа
Празничен Хороскоп за недела (8 септември)
-
Македонија1 ден
Од ноќеска цената на бензинот се намалува, дизелот останува со иста цена
-
Балкан2 дена
(ВИДЕО) Силно невреме ноќеска ја погоди Хрватска, ветерот достигна брзина 80 км/ч
-
Временска прогноза2 дена
Од понеделник пад на температурите и на места врнежи од дожд
-
Спорт8 часа
(ВИДЕО) Не искористените шанси ја бетонираа Македонија, само реми против Ф.Острови во Торшавн
-
Македонија1 час
Среќен роденден Татковино! „Нека ни е честит 8-ми септември, 33 години самостојна и независна Македонија!“