Спорт
Претставници од ФИФА гостуваа на работна средба со лица задолжени за развој на академијата, а се сретнаа и со првите луѓе на Фудбалската федерација на Македонија
ФИФА претставниците, Томас Данилевичиус, во улога на регионален технички консултатнт за Европа и Јург Непфер, во улога на сениор консултатнт за фудбалски развој, во периодот од 25. до 28. март беа во работна посета на „Куќа на фудбалот” и академијата на ФФМ.
Гостите од ФИФА остварија работна средба со лицата задолжени за развој на академијата на ФФМ, на која беа презентирани проектите на ФИФА во делот за развој на фудбалската игра до 2026 година, можноста и начинот за нивно аплицирање за добивање на финансиска и материјална помош од ФИФА за нивна реализација и увид во моменталната состојба во Фудбалската федерација на Македонија во делот на техничкиот развој.
Претседателот на Фудбалската федерација, Муамед Сејдини и генералниот секретар, Наталиа Илиевска Божиновска одржаа состанок со двајцата претставници на ФИФА, Томас Данилевичиус и Јург Непфер на кој се дискутираше за важноста на развојот на младинскиот фудбал во Македонија.
Томас Данилевичиус и Јург Непфер, исто така остварија работни состаноци за различни теми со Зоран Стратев – технички Директор на ФФМ, Жарко Игњатовски – менаџер на секторот за меѓународен фудбал и развој, Аница Трајкова – одговорна за женскиот фудбал во ФФМ.
– „Ова е моја прва посета на Фудбалската федерација на Македонија, но имам чувство дека долго време ги познавам луѓето. Подготвени се, способни и имаат волја за работа. Благодарен сум за искуството кое го имавме во изминатите три дена. Во вашата федерација видовме тим на луѓе подготвен да го развива веќе започнатиот процес за развој на млади фудбалери. Од топ менаџментот до лицата задолжени за техничкиот развој работат професионалци, а процесот за развој на млади таленти е чист и веќе добро структуиран. Важно е дека имате метод и знаење за тоа како да пронајдете талент и преку соодветни програми да го надградувате, се со цел во иднина да биде дел од националните селекции.
– Оваа наша посета првенствено беше да ги запознаеме луѓето вклучени во овој процес, да бидеме блиски со нив во иднина и како еден од стратешките партнери на федерацијата да го развиваме и имплементираме долгорочниот план за технички развој и напредок на младите фудбалери преку шемата за развој на таленти на ФИФА. Сакаме да развиеме елитни фудбалери во земјите каде што има потенцијал за понатамошен развој, а Македонија дефинитивно е една од нив. Потенцијалот овде е навистина огромен. Ќе бидеме во тесна соработка и навистина со нетрпение ги очекувам нашите следни активности за промовирање на играта во која се вклучени момчиња и девојчиња – изјави Томас Данилевичиус.
Согласно петходно договорената агенда, остварија и работна посета на еден македонски фудбалски клуб, ФК Работнички во нивните простории каде се разговараше околу делот на техничката организација и развој на самиот клуб, со претставниците Ненад Монев – генерален секретар на ФК Работнички и Горан Станиќ – координатор на младите категории на ФК Работнички, известуваат од ФФМ.
Спорт
Дриблинг атракции, фудбалски надигрувања и фер плеј. Фудбалски викенд во Кичево, дечињата на „ФК Кичево“ активни во сите генерации
Во рамки на денешниот ден нашите момчиња од „ФК Кичево“ одиграа првенствени натпревари во детската лига. Најголемо внимание предизвика натпреварот помеѓу двете талентирани генерации од 2014 година против екипата на „ФК Влазрими“. Стрелец на единствениот гол на натпреварот беше Дамјан Спасеноски од слободен удар, после низа пропуштени шанси.
Свој натпревар одигра и генерацијата 2016/2017 која што за прв пат со големи амбиции се натпреварува оваа година. Во овој натпревар им подадовме рака на противниците за подобрата игра, стрелец на голот за нашата екипа беше Тадеј Станковски.
* Нашите најмали надежи од 5 и 6 години исто така одиграа фудбалски натпревар за пофалба. Таму стрелецот на голот беше Јован Дојчиноски
Во прилог погоре, се поставени фотографии од генерација 2014, на „ФК Кичево“ преку нашиот објектив. Додека останатите фотографии од другите генерации ќе бидат објавувани на официјалната фан страница од ФК Кичево и нивниот инстаграм профил во текот на денешниот и утрешниот ден.
Спорт
ФФМ истакна важни информации за македонските навивачи кои го проследат мечот помеѓу Велс – Македонија
На 18 ноември, во Кардиф, машката А селекција на Македонија ќе го одигра квалификацискиот натпревар за Светското првенство 2026 против репрезентацијата на Велс. За да се обезбеди уредно и безбедно искуство за сите наши поддржувачи, ФФМ ги проследува следните насоки добиени од организаторите, наменети за македонските навивачи кои ќе присуствуваат на стадионот:
– Влезните порти ќе бидат отворени два часа пред стартот на мечот. Се препорачува пристигнување најмалку еден час претходно.
– Македонските фанови се распределени во секторите 119, 121 и 122; влезот е дозволен единствено преку Gate 12.
– По напуштање на стадионот не е дозволен повторен влез.
– Нема потреба од покажување лична карта или пасош на влезот.
– Навивачи со билети купени за домашните трибини може да бидат спречени да влезат или отстранети од трибините.
– Пабот Walkabout на St. Mary Street традиционално ги пречекува гостинските навивачи (walkaboutbars.co.uk/cardiff).
– До стадионот има околу 25 минути пешачење од центарот; на располагање се такси и јавен превоз (станици Ninian Park и Grangetown).
– На денот на натпреварот нема да има продажба на билети.
– Паркингот за автобуси е бесплатен. За автомобили има ограничен број места, со цена од 10 фунти која се плаќа на лице место.
– Штандовите за храна и пијалаци работат од моментот на отворање на влезовите. Плаќањето е исклучиво безготовинско.
– За лица во инвалидски колички е предвиден посебен страничен пристап веднаш до Gate 12.
– Забранети се пиротехнички средства, професионална фотографска опрема, сопствена храна и пијалоци, како и големи торби. Мали торби се дозволени по безбедносна проверка. Знамиња до величина 2×1 м се прифатливи доколку немаат недолична или забранета содржина.
– Употреба на пиротехника во близина или внатре во стадионот може да резултира со апсење и забрана за влез.
– Лица кои се во видлива, тешка алкохолизирана состојба нема да бидат пуштени на стадионот.
Извор: ФФМ
Спорт
Македонија ремизираше на пријателскиот натпревар против Летонија на „Тодор Проески“
Фудбалската репрезентација на Македонија одигра без голови на контролниот дуел против Летонија во Скопје, меч во кој создадовме неколку солидни прилики, но завршницата повторно не беше на потребното ниво.
Првата посериозна ситуација ја создаде Милан Ристовски во 14. минута, кога со вешт дриблинг се ослободи од противнички играч и биеше од дистанца, но летонскиот голман Рихард Матревичс беше подготвен. Летонците возвратија десет минути подоцна преку Гутковскис, кој по центаршут од левата страна шутираше со глава, но топката заврши крај нашиот голман Столе Димитриевски.
Летонија ја имаше најдобрата своја шанса во 70. минута, кога Икауниекс шутираше од дваесетина метри и ја погоди гредата.
До самиот крај, двете екипи не успеаја да креираат сериозни обиди, па средбата заврши со почетниот резултат.
МАКЕДОНИЈА – ЛЕТОНИЈА 0:0
Присуство: 4.000 гледачи
Главен судија: Милош Савовиќ (Црна Гора)
Жолти картони: Серафимов, Костадинов (Македонија) – Икауниекс (Летонија)
-
Хороскоп2 денаХороскоп за сабота (15 ноември)
-
Хороскоп14 часаХороскоп за недела (16 ноември)
-
Скопје18 часаЦУК: Двете жени се пронајдени во црн пат помеѓу Долно Количани и Батинци и се во добра здравствена состојба, истите биле државјанки на Македонија
-
Спорт23 часаДриблинг атракции, фудбалски надигрувања и фер плеј. Фудбалски викенд во Кичево, дечињата на „ФК Кичево“ активни во сите генерации
-
Временска прогноза19 часаОд вторник следува промена на времето во Македонија
-
Спорт2 денаФФМ истакна важни информации за македонските навивачи кои го проследат мечот помеѓу Велс – Македонија
-
Свет2 денаАмериканската корпорација „Карлајл“ разгледува можност за купување на нафтениот гигант „Лукоил“ надвор од својата матична земја
