Кичево
Причина за сечење на 30 годишните врби во центарот на Кичево

Известување во насока за дознавање на вистината и елиминирање на секакви сомнежи околу одстранувањето на 27 годишните врби од пред Домот на култура, кои деновиве беа предмет на дискусија и нагаѓања на социјалните мрежи. Објаснувањето е следново:
Пред извесно време приметено беше сушење на гранки во горните слоеви на круната, при што беа повикани стручни лица кои со експертиза утврдија дека 27 годишните врби од типот Salix babylonica се навлезени во длабока старост (фенофаза на сенилност) и поодмината фаза на исушување.
Kако резултат на тоа и на неизвршување ни на санитарна ниту на редовна резидба на круната, едната се сруши на среќа без последици. Тоа беше воедно и предупредување да се преземат соодветни мерки со преостанатите две како би се елиминирал понатамошниот ризик од нивно паѓање и доведување во животна опасност на минувачите.
По извршената експертиза беше одлучено во најбрз можен рок и со цела потребна документација, да се одстранат и на нивно место да се посадат млади садници од ист вид, и со тоа да се задржи автентичноста на просторот на кој сме биле навикнати во минатото.
Автор: Club institute
Кичево
(ВИДЕО) КУД „Рацин“ Кичево во полна сала вчера го реализираше традиционалниот „Велигденски концерт“ на песни и ора „Писмо дојде“

Вчера во НУ ЦК „Кочо Рацин“ – Кичево се реализираше традиционалниот „Велигденски концерт“ на КУД „Рацин“ – „Писмо дојде“ со кореографска режија на Антонио Стојчески и Анастасија Бошковска, проект поддржан од Министерство за Култура и Туризам. Публиката повеќе од еден час имаше можност да ужива во одличните изведби на играорците при културно уметничкото друштво, водени од оркестарот под раководство на Јован Митрески.
Официјални гости на манифестацијата беа ученици од државно музичко балетско училиште „Илија Николовски-Луј“ од Скопје. На концертот беа претставени повеќе етнички предели од брсјачката и јужно македонската етнографска целина, од етничките предели Воден, Меглен, Леринско поле, Долна Преспа и Костурско, а пред публиката беа изведени и повеќе сценски адаптации и поеднечни традиционални ора и ороводни песни како што се Левото, Машкото, Сулејманово, Рајко, Софкино и многу други.
Програмата на концертот ја водеше г-ѓа Оливера Ширговска. Величествената манифестација со свој говор ја отвори директорот на установата г-дин Мазлам Османи кој посака топло добредојде на бројната публика.
– „Велигден“ како еден од најголемите Христијнски празници претставува симбол на победата светлината и надежта неговата порака е вечна инспирација за сите нас, да останеме посветени на добрината, човечноста и заедништвото. Нашиот Центар за Култура има чест и обврска да ја негува традицијата, да создава мостови помеѓу уметноста и заедницата и да биде чувар на духовните вредности кои не обединуваат.
Вечерашната програма е израз на таа посветеност, преку музиката и уметничкиот израз ние ја славиме убавината на животот и силата на верата.
– Дозволете ми во оваа свечена прилика да упатам посебна благодарност до Министерството за Култура и Туризам за нивната континуирана поддршка и доверба што ни ја укажуваат со поддршка на сите културни активности кои ги организира нашата институција, исто така изразувам искрена благодарност до сите вработени во Центарот за Култура кои со својата професионалност посветеност и ентузијазам се темелот врз кои се градат сите наши успеси, нивната работа која е најчесто зад сцената е незаменлива и вредна за најдлабоко почитување, а исто така сакам да упатам благодарност и до кореографите Антонио Стојчески и Анастасија Бошковска, оркестарот на Јован Митрески како и родителите за нивното присуство, заврши г-дин Османи, директор на ЦК „Кочо Рацин“
– На крај од концертот г-ѓа Ширговска по повод 20 години јубилеј на КУД „Рацин“ од Кичево кој оваа година одбележува во успешно творење, промовирање и зачувување на културното наследство, а во чест на овој важен момент најави голем јубилеен концерт на кој ќе се прослави нивната богата историја посветеност и љубов кон фолклорот и уметноста, а воедно оваа пролет односно на 27-ми и 27-ми мај продолжува и Меѓународниот фолклорен фестивал на песни и ора „Д-р Владимир Полежиноски“ со гости од Турција, Украина, Полска, Бугарија, Албанија, Косово, Црна Гора и БиХ, секако покрај домашните културно уметнички друштва.
Во оваа прилика им честитаме за досегашните успеси и им посакуваме уште многу години плодна работа и уметнички достигнувања.
Во продолжение, Порта.мк се погрижи и овој концерт да добие трајна вредност и во целост да ви го пренесе, така што останува само да уживате во нешто повеќе од еден час, македонска традиција и уметност.
- Вечна да биде традицијата!
/Д.Б.
Кичево
ОВР Кичево во текот на вчерашниот ден со полни раце работа!

На 25.04.2025 во 23.50 часот во угостителски објект на булевар „Ослободување“ во Кичево, полициски службеници од ОВР Кичево ги приведоа З.Ѓ.(47) и Р.Ѓ.(45), двајцата од Кичево, затоа што го нарушиле јавниот ред и мир и агресивно се однесувале кон полициските службеници кои преземале службени дејствија. По целосно документирање на настанот, ќе биде поднесена соодветна пријава.
На 25.04.2025 во 18.20 часот, полициски службеници од ОВР Кичево го приведоа Е.Ф.(36) од Кичево, кој бил баран по потерница врз основа на судска наредба од Основниот суд Кичево за издржување затворска казна за сторено кривично дело „кражба“ по член 236 од Кривичниот законик. Лицето е спроведено во Казнено – поправната установа Затвор Битола за издржување казната, известува портпаролот на СВР Охрид, Стефан Димоски.
Кичево
(ФОТО) „Атва Маркети“ во Кичево отвори нова пекара со највкусниот асортиман на бели пецива

Почитувани Потрошувачи, повелете и посетете ја новата пекара во АТВА МАРКЕТ 10 на ул. 11 Септември бр 76 каде ве очекуваат голем асортиман на бели пецива за сечиј вкус.
Посетете ја уште веднаш!
АТВА Маркети, дел од вашиот живот!
Погледнете ТУКА како изгледа
-
Кичево1 ден
(ФОТО) „Атва Маркети“ во Кичево отвори нова пекара со највкусниот асортиман на бели пецива
-
Хороскоп2 дена
Хороскоп за сабота (26 април)
-
Кичево1 ден
ОВР Кичево во текот на вчерашниот ден со полни раце работа!
-
Хороскоп18 часа
Хороскоп за недела (27 април)
-
Временска прогноза1 ден
Попоски овјави метео прогноза за 1- мај
-
Спорт2 дена
Денес заседаваше УО при ФФМ, ОФС Охрид доби суспензија, донесени и низа одлуки
-
Кичево5 часа
(ВИДЕО) КУД „Рацин“ Кичево во полна сала вчера го реализираше традиционалниот „Велигденски концерт“ на песни и ора „Писмо дојде“
-
Македонија1 ден
(ФОТО) СВР Охрид со кампања за заштита на граѓаните и туристите од кражби