Автомобили
Пристигна новиот Audi RS3 со 400 „коњи“ ФОТО

Foto: Audi promo
Германскиот производител објави фотографии и технички детали за новата најмоќна верзија на неговиот компактен модел.
Со онлајн премиерата на RS3 Sportback и RS3 Sedan, Audi ја заокружи понудата на новата генерација A3.
Двата автомобили имаат уште поагресивен дизајн во споредба со нивните претходници, а под хаубата сè уште има 5-цилиндарски 2,5-литарски турбо бензинец.

Foto: Audi promo
Надворешниот дизајн се одликува со нови LED „потпис“ светла и светла за сопирачките, како и големи дефлектори на воздухот на предниот браник.
Посебно уживање се темните 19-инчни алуминиумски тркала со гуми Pirelli P Zero Trofeo R.

Foto: Audi promo
Како што доликува на ваков модел, задниот дел на возилото е украсен со масивен дифузер и големи завршетоци на издувниот систем на RS Sport.
Од друга страна, внатрешноста е подобрена со алкантара и спортски црвени детали, а контролната табла е целосно дигитализирана со два екрани, 12,3-инчен дисплеј на таблата со инструменти и централен екран на 10,2-инчен мултимедијален систем.

Foto: Audi promo
Под хаубата се наоѓа 2,5-литарски TFSI со пет цилиндри што во RS3 Sportback и Sedan произведува точно 400 коњски сили (294 kW), достапни од 5.600-7.000 вртежи во минута.
Максималниот вртежен момент е 500 Nm и му е достапен на возачот 2.250-5.600 вртежи во минута. Тоа е за 20 Nm повеќе од претходната генерација.

Foto: Audi promo
Силата се пренесува на сите 4 тркала преку напредна автоматизација со 7-брзински менувач со двојна спојка.
Од Audi наведуваат дека и двете верзии RS3 забрзуваат од 0 до 100 за 3,8 секунди, што е за 0,3 секунди подобро од генерацијата во заминување.
Максималната брзина е електронски ограничена на 250 на час, но ограничувањето може да се зголеми на 280, па дури и на 290 км на час, во случај на опционален пакет RS Dynamic.

Foto: Audi promo
Новиот Audi RS3 пристигнува во европските салони во август. Препорачаната почетна цена е 60 000 евра за Sportback, или 62 000 евра за варијантата Sedan.

Foto: Audi promo
Автомобили
(ВИДЕО) „Tuning Car Show“ во Прилеп доби нова димензија со видеата на тимот од „Autodonia“

Традиционалниот „Tuning Car Show“ во Прилеп дефинитивно е еден од најпрестижните манифестации за сите љубители на автомобилизмот. На 11-ти октомври традиционално се одржа и овогоднинешното издание под покровителство на Општина Прилеп и останатите спонзори.
Вообичаено забележителни се многу видеографи, доста компании кои овој настан знаат и умеат да го пренесат, но токму нас, впечатлив пренос на овој настан ни остави „Autodonia“. Неуморните дечки на чело со Nenad Kaevik. Дечкото е специјализиран за изработка на визуелно импресивни и високо функционални дигитални решенија. Вистински љубеник на автомобилизмот кој успева на секој битен настан да биде прв.
Во оваа прилика од нашиот медиум упатуваме честитка за успешна работа, а вие не чекате уште веднаш посетете го неговиот бизнис инстаграм профил ТУКА – верувајте има што да видите, за повеќе информации за неговата работа и портфолио погледнете ТУКА
Промо видео од „Tuning Car Show“ – Прилеп:
Автомобили
Volvo го прекинува производството на моделот V90 — последниот примерок оди во музеј

По девет години и речиси 250.000 произведени примероци, Volvo официјално го прекина производството на моделите V90 и V90 Cross Country. Со тоа, уште еден од најелегантните каравани на пазарот заминува во историјата.
Класата на каравани веќе подолго време полека исчезнува, заменета со SUV модели кои доминираат во продажбата. Според порталот Carscoops, шведскиот производител Volvo Cars го стави крајот на производството на V90 и неговата надградена верзија V90 Cross Country по речиси една деценија на пазарот. Иако оваа одлука беше најавувана веќе неколку години, за многу љубители на класичните каравани ова е тажен момент.
Volvo го лансираше V90 во 2016 година, а дизајнот доби суптилно освежување во 2020 година. И денес, моделот изгледа модерно и префинето, со типичен скандинавски стил. Во текот на својот животен циклус, V90 понуди богата палета на мотори — од 2.0-литарски турбодизел со 148 коњски сили, до турбополнет и компресорски бензинец со 316 КС, па сè до plug-in хибрид со импресивни 455 КС.
Вкупно беа произведени околу 250.000 примероци, а последниот V90 нема да биде ставен во продажба. Наместо тоа, Volvo го додаде во својата колекција Heritage, каде ќе биде изложен во музејот „Светот на Volvo“ (World of Volvo) во Гетеборг. Таму ќе стои рамо до рамо со легендарни модели како Volvo 145, Volvo 960 и Amazon P220.
Судбината на V90 беше неизвесна веќе подолго време. Кон средината на 2023 година, Volvo објави дека ќе ја прекине продажбата на моделите V90, S90, S60 и V60 на британскиот пазар, во рамките на транзицијата кон SUV возила. Сепак, помалку од една година подоцна, поради зголемената побарувачка, компанијата повторно ги врати V60 и V90 во продажба во Велика Британија.
Со престанокот на производството на V90, моделот V60 останува единствениот караван во понудата на Volvo. Но, бидејќи сегашната генерација е на пазарот од 2018 година, не е сигурно колку долго ќе опстои. Се шпекулира дека Volvo би можел целосно да се збогува со караваните по моделската 2026 година, завршувајќи една славна ера што го направи брендот светски препознатлив.
Извор: BUG
Автомобили
(ФОТО) Кичево и Бојоски денеска со високо трето место на „авто слалом“ во Прилеп по повод 11-ти Октомври

Нашиот кичевчанец Кристијан Бојоски го освои високото трето место во класа над 1600 cм³, и четврто место во друга класа на „Авто слалом“ трката денес по повод 11-ти Октомври традиционално во Прилеп – во организација на Авто мото клуб „Автомото Класика“ – Прилеп

Кристијан Бојоски (трето место)
Повеќе фотографии од овој настан може да download-ирате во продолжение ТУКА, во следните чекори „View content“ > Download (icon). Во оваа прилика им благодариме за официјалната покана до Порта.мк на „Автомото Класика“, се гледаме до година.
И на крај пред претставување на галеријата, оваа прилика ја користиме да го поздравиме со топло добредојде во тимот „Авто шлеп“ – Лони Кичево кој од денес на сите интернационални и домашни натпреварувања ќе го вози модифицираното возило на Кристијан Бојоски!
Мал дел фотографии:
-
Хороскоп1 ден
Хороскоп за вторник (21 октомври)
-
Магазин14 часа
(ФОТО) По 25 години во „Бигорскиот манастир“ се враќа копаничарската колонија
-
Временска прогноза2 дена
Пред нас период на суво време и значително топло
-
Македонија1 ден
Дизелот со намалена цена од ноќеска, додека бензините остануваат со иста цена
-
Lifestyle2 дена
5 причини да јадете тиква: Ако сакате да ослабете, подгответе ја вака
-
Lifestyle2 дена
Со топол леб или палачинки: Овој џем од јаболка ќе стане вашето омилено есенско откритие
-
Магазин2 дена
Apple го претстави првиот M5 чип
-
Гејминг2 дена
Battlefield 6 продаде над 7 милиони примероци за само три дена