Следете не

Автомобили

Продажбата на хибридни возила во ЕУ за прв пат ги надмина дизелите

Објавено пред

на

Продажбата на хибридни автомобили, кои имаат и мотор со внатрешно согорување и на батерии, ги надминаа дизелите за прв пат во Европа минатата година, иако за само 48 возила, покажуваат денешните податоци на Европската асоцијација на производители на автомобили (ACEA).

Еден од 11-те продадени автомобили во Европа во 2021 година бил електричен, на батерии или вкупно нешто помалку од 880.000 возила, според статистиката на ACEA, пренесува Ројтерс.

Вкупно 1,9 милиони хибридни и електрични возила со батерии се регистрирани во Европската унија во текот на целата минатата година, што е значителен скок од 1,1 милион регистрирани во 2020 година.

Хибридните автомобили со самополнење имаат батерија која се полни со мотор со внатрешно согорување и генерално може да помине само ограничено растојание со електричен погон.

Овој тип на таканаречени plug-in хибриди се напојува првенствено од надворешна батерија што се полни и затоа се смета за поеколошки, но е поддржан и од мотор со внатрешно согорување, додека чисто електричните автомобили работат само на батерија.

Во 2021 година, продажбата на електрични возила во ЕУ се зголеми за 63,1 отсто на речиси 878.500 автомобили, покажуваат податоците, додека продажбата на plug-in хибриди се зголеми за 70,7 отсто на речиси 867.100.

Бројот на регистрации на дизел возила, кои пропаднаа по скандалот со дизел портите во 2015 година, падна за една третина минатата година на 1,9 милиони единици од 2,77 милиони претходната година.

Бензините останаа најчестиот тип на возила, но со помал удел во вкупната продажба од претходната година, и сочинуваа 40 отсто од новите регистрации во споредба со 48 отсто во 2020 година.

/vesti-online.com/

Автомобили

Tesla воведува поевтини модели: Дали тоа ќе ја зголеми продажбата?

Објавено пред

на

Фото: Charlie Deets @ unsplash
Фото: Charlie Deets @ unsplash

По официјалната презентација на новите поевтини модели, цената на акциите на Tesla падна. Иако компанијата конечно претстави попристапни верзии на Model 3 и Model Y, експертите сметаат дека намалувањето на цената нема да донесе драматичен раст на продажбата.

Нови поевтини верзии на Model 3 и Model Y

Во „стандардна“ конфигурација, Model 3 и Model Y се поевтини за 5.000 долари, што ги прави достапни по цени од 37.000 и 40.000 долари на американскиот пазар.

Сепак, аналитичарот Ден Ивс од Wedbush е разочаран од скромното намалување, истакнувајќи дека поевтините верзии сè уште се поскапи од претходната цена на посилните модели. Дополнително, до крајот на септември во САД важеше федерален даночен кредит од 7.500 долари за електрични возила. Со него, Model 3 ќе чинеше под 30.000 долари, што ќе претставуваше силен мотив за купувачите.

Инвеститорите не се убедени

Бидејќи даночниот попуст повеќе не е достапен, инвеститорите се сомневаат дека новите верзии ќе предизвикаат значајно зголемување на продажбата. Падот на цената на акциите веднаш по најавата ја потврдува нивната резерва.

Аналитичарот Шеј Болур од Futurum Equities, во изјава за NY Post, вели дека не очекува ценовното намалување да има големо влијание врз побарувачката.

Конкуренцијата од Кина и предизвиците на Маск

Tesla се соочува со сè посилна конкуренција од кинеските производители на електрични возила, кои полека освојуваат поголем дел од глобалниот пазар. Дополнителен притисок врз компанијата создаваат и политичките ставови и јавните настапи на извршниот директор Илон Маск, кои според аналитичарите носат повеќе штета отколку корист.

Компромиси кај поевтините модели

Стандардните верзии на Model 3 и Model Y доаѓаат со неколку ограничувања:

  • опсег до 516 км,

  • побавно забрзување во споредба со Premium изданијата,

  • без LED светлосни ленти напред и назад,

  • без амбиентално осветлување,

  • без екран на допир за патниците назад,

  • намален број на звучници,

  • поскромен квалитет на тапацирот,

  • нови 18-инчни тркала.

И покрај тоа, возилата остануваат модерни и атрактивни за оние кои бараат пониска цена за влез во Tesla светот.

Испораки и идни планови

Нарачките за новите верзии веќе се достапни во САД, а испораките ќе започнат меѓу декември оваа година и јануари следната.

Со оглед на тоа што Илон Маск претходно се откажа од амбициозниот „Model 2“, кој требаше да чини околу 25.000 долари, моментално Model 3 со цена од 36.990 долари останува најприфатливиот автомобил од Tesla.

Извор: Zimo

Прочитај повеќе...

Автомобили

Ferrari неприкосновен: Профит од 118.000 евра по автомобил

Објавено пред

на

Фото: Joshua Koblin @ unsplash
Фото: Joshua Koblin @ unsplash

Ferrari уште еднаш го потврдува статусот на најпрофитабилен автомобилски бренд во светот. Според финансиските резултати за првата половина од 2025 година, италијанскиот производител остварува 118.124 евра профит по продадено возило.

Ова е за речиси 10.000 евра повеќе од истиот период лани, со што Ferrari ја зацврстува својата доминација кога станува збор за заработка по автомобил.

Колку им треба на другите?

Анализата вклучи 34 производители, но никој не му се доближи на Ferrari. Најблиску беше Jaguar Land Rover (JLR), но и таму е потребно да се продадат 23 автомобили за да се достигне профитот што Ferrari го остварува со само еден.

Меѓу германските премиум марки ситуацијата е следна:

  • Porsche – 24 автомобили за едно Ferrari

  • Mercedes – 47 автомобили

  • BMW – 58 автомобили

Кинеските производители, и покрај масивните инвестиции, остануваат далеку од врвот.

Американски и јапонски падови

Големите западни компании како Ford и Mitsubishi бележат значителен пад на профитабилноста. Тоа е сигнал за сериозни предизвици во сегашниот пазарен контекст.

Компаниите со загуба

Состојбата е уште потешка кај брендовите кои завршија со негативен биланс во првата половина на 2025 година. Во загуба работат:

  • Mazda

  • Nissan

  • Xpeng

  • Stellantis

  • Volvo

  • Renault

  • Nio

  • Polestar

  • Rivian

  • Aston Martin

  • Lucid

Извор: B92

Прочитај повеќе...

Автомобили

Bentley го враќа класичното купе со V8 мотор и погон на задни тркала

Објавено пред

на

Фото: Victor Furtuna @ unsplash
Фото: Victor Furtuna @ unsplash

Bentley не се откажува од електрификацијата, но реши дека октанските адути сè уште имаат свое место.

Supersports повторно се враќа

Производителот потврди дека подготвува нова, поекстремна верзија на Continental GT, која најверојатно ќе ја носи ознаката Supersports.
Моделот ќе добие:

  • редизајнирана каросерија,

  • поагресивен стил,

  • мерки за намалување на масата.

За разлика од хибридниот погон со 4×4, овој автомобил ќе користи рафиниран битурбо V8 мотор кој ја испраќа моќноста само на задните тркала.

Првиот тизер видео-клип веќе откри дел од изгледот и препознатливиот звук на моторот. Бентли ја придружи премиерата со порака:
„Враќањето на легендарното име во семејството Бентли е неизбежно, 100 години по неговото прво претставување. Ова ќе биде редок автомобил, подготвен за перформанси.“

Агресивен и динамичен дизајн

Моделот е инспириран од прототипите забележани од „шпионски“ фотографи, но сериската верзија изгледа уште порадикално:

  • преден браник со огромни отвори за воздух и истакнат сплитер,

  • страничен профил со црни алуминиумски тркала,

  • заден фиксен спојлер, дополнителни аеролинии и масивен дифузер со четири издувни цевки.

Моќ и перформанси

Иако официјалните бројки сè уште не се објавени, се очекува:

  • 4,0-литарски V8 битурбо мотор со околу 650 КС,

  • тежина намалена на околу 2.000 кг,

  • задниот погон и суспензијата да понудат поостро и поигриво возачко искуство.

Иако е послаб од GT Speed PHEV (770 КС) и претходниот Supersports W12 (710 КС), фокусот е ставен на чистото уживање во возењето, а не на „трката со коњски сили“.

Цена и ексклузивност

  • ќе се произведува во ограничен број примероци,

  • цената ќе биде значително повисока од Continental GT Speed (280.000 €),

  • се очекува новиот Supersports да чини над 300.000 €.

Извор: Index

Прочитај повеќе...

Facebook

Последни објави

Македонија1 час

На територијата од СВР Охрид од почеток на годинава се евидентирани 1,086 санкции за управување возило без соодветна возачка дозвола

Во периодот од 01.01.2025 година заклучно со минатиот месец 30.09.2025 година во рамки на континуираните полициски активности во делот на...

Временска прогноза3 часа

Без дожд следува постепена стабилизација на времето, на утро ќе продолжи ладно и ветровито

Од денес (четврток 9 октомври па до недела 12 октомври) под влијание на висок воздушен притисок (Антициклон) и на стабилна...

Хороскоп12 часа

Хороскоп за четврток (9 октомври)

ОВЕН Не се опуштајте премногу, особено ако имате впечаток дека имате целосна контрола врз вашиот живот и настаните што ве...

Хроника21 час

Во Битола на „Партизанска“ удрен пешак со своето куче. На пешакот му се констатирани тешки телесни повреди, додека кучето било усмртено

На 07.10.2025 во 18:26 часот во СВР Битола е пријавено дека на крстосница од ул. „Партизанска“ и ул.„Север Југ“ во...

Македонија22 часа

Прилеп: Традицијата продолжува, на 11-ти октомври на „Авто слалом“, кичевчанецот Кристијан Бојоски во нов поход кон пиедесталот на награди!

Во сабота по повод „11-ти октомври“, Прилеп повторно ќе биде домаќин на Авто-слалом натпревар. Истиот е предвиден да започне од...

Фото: Charlie Deets @ unsplash Фото: Charlie Deets @ unsplash
Автомобили24 часа

Tesla воведува поевтини модели: Дали тоа ќе ја зголеми продажбата?

По официјалната презентација на новите поевтини модели, цената на акциите на Tesla падна. Иако компанијата конечно претстави попристапни верзии на...

Фото: Windows @ unsplash Фото: Windows @ unsplash
Магазин24 часа

Инсталацијата на Windows 11 станува сложена, потребни се интернет и сметка на Microsoft!

Microsoft целосно ги укина сите начини за инсталирање на Windows 11 без интернет-врска и сметка на Microsoft. Од сега, интернет...

Фото: Judy Beth Morris @ unsplash Фото: Judy Beth Morris @ unsplash
Lifestyle24 часа

Не ја потценувајте моќта на друштвените игри: Еве како тие им користат на децата и ги учат да бидат подобри луѓе

Друштвените игри често ги гледаме само како забава, но нивното влијание врз децата е многу подлабоко. Додека се смеат, ги...

Фото: Amanz @ unsplash Фото: Amanz @ unsplash
Магазин24 часа

5 телефони со најдобри звучници во 2025 година

Во 2025 година паметните телефони нудат звук што се приближува до квалитетот на наменски преносни звучници – од длабок бас...

Фото: Heidi Fin @ unsplash Фото: Heidi Fin @ unsplash
Магазин24 часа

Spotify воведува нови правила за музика со вештачка интелигенција и антиспам

Spotify објави нов сет на политики насочени кон музиката создадена со вештачка интелигенција (ВИ) и спречување на спам содржини на...

НАЈЧИТАНИ