Она што во далечната 1943 година било гордост и исполнување на сонот за Училиште на мајчин Македонски јазик, денес е срам за сите чинители и креатори на модерното време, затоа што се дозволи и заборави да се распадне објектот кој според сите историски гледишта и факти значи многу.

Првото училиште на македонски јазик, културно наследство на Македонија, а ситуацијата во која се наоѓа покажува каква грижа имаат институциите кон културното наследство.

Кичево е првиот Македонски град кој на 11-ти септември 1943 се ослободил од Фашистичкиот окупатор, а само 12 дена подоцна училиштетео во с.Подвис каде до тогаш наставата до тогаш се изведувала на српски јазик, почнала да се изведува на нашиот мајчин Македонски јазик

Од она што ние знаеме последно уште во 2019-та година ТУКА, ова школо беше посетено од ученици и наставници од ООУ „Гоце Делчев-Центар“, ООУ „Вера Јоциќ“-Гази Баба, ООУ „Владимир Полежиноски“ – Кичево, каде тогаш за прв пат после 60 години детскиот џагор и звукот на училишнето звонче одекна низ планината, друг некој да оддаде внимание во последно време не сме слушнале.

Инаку честа в`дамнешно време да предава знаење добил наставникот на настава Василко Ристески, кој на првиот час и на секој нареден ги поздравувал учениците со поздравот „Смрт на фашизмот“ а учесници му враќале „Слобода на народот“

Повеќе погледнете во продолжение преку официјалниот и одличен прилог на Сител Телевизија, каде соговорници беа кичевчаните г-дин Бране Гаврилоски наставник по математика, каде неговите блиски учеле во ова училиште, како и г-дин Иво Најдески – Историчар.

Извор/Видео: Сител ТВ