Спорт
Реал Мадрид со победата над Еспањол, ја освои 35-та титула во „La Liga“

„Кралевите“ во 34. коло на „Сантијаго Бернабеу“ го победија Еспањол со 4-0 и на одличен начин и математички прецизно стигнаа до нова круна пред својата публика.
Јовиќ од трибините ја гледаше победата на Реал, но секако може да биде среќен што е дел од тимот кој фуриозно освои уште еден трофеј во својата богата историја. Домаќинот го реши прашањето на победникот уште во првото полувреме, по што имаше предност од 2-0, благодарение на Родриго, кој беше двоен стрелец.
Третиот гол беше дело на Марко Асенси во 55. минута. И каква голеада би била без Карим Бензема да учествува во неа. Французинот доби можност да игра во последните половина час, но на мајстор како него му е доста.
Тој играше во 81. минута кога го искористи додавањето на Винисиус Јуниор и го совлада Диего Лопез и го постави конечниот резултат на натпреварот.
Реал по оваа победа има 17 бода повеќе од Севиља. Дури и да ги загуби сите натпревари до крајот, а Андалузијците да победат, титулата повторно ќе остане во Мадрид.
Спорт
Ландо Норис утре со пол-позиција за Големата награда на Австралија, шампионот Верстапен ќе стартува од третото место

Возачот на Мекларен, Ландо Норис, ја освои пол-позицијата за првата трка од сезоната во Формула 1 – Големата награда на Австралија. Британскиот возач беше побрз од неговиот тимски колега Оскар Пјастри за само 0,084 секунди во драматичните квалификации.
Актуелниот шампион во Ф1, Макс Верстапен, мораше да се задоволи со третото место откако ја задржа привремената пол-позиција во неговиот прв обид во последната рунда од квалификациите.
Сепак, Пјастре потоа ја воодушеви публиката во Мелбурн со сензационален круг за четири десетинки побрзо, но набргу потоа Норис уште еднаш го надмина тој резултат и го постави најдоброто време – 1:15.096.
Според РТС, Верстапен ќе ја започне трката пред Џорџ Расел, кој заврши четврти во Мерцедес. Одлични квалификации имаше и Јуки Цунода од Рејсинг Булс, кој го освои петтото место, додека Алекс Албон во Вилијамс ја продолжи одличната форма и постави шесто најбрзо време.
Возачите на Ферари, Шарл Леклер и Луис Хамилтон немаа најдобра сесија и ќе мора да стартуваат од седмата и осмата позиција. Пјер Гасли од Алпина заврши деветти, додека Карлос Саинз го заврши својот прв квалификациски настап во Вилијамс на десеттата позиција.
Астон Мартин доживеа неуспех, бидејќи Фернандо Алонсо и Ленс Строл беа елиминирани во вториот дел од квалификациите, завршувајќи на 12-то и 13-то место. Џек Дуан стигна до 14. позиција, а новиот шампион во Формула 2, Габриел Бортолето, дебитираше во Кик Заубер со 15. место.
Дебитантите имаа тешка квалификациска сесија – Оли Бирман не успеа да постави време поради проблеми со менувачот, додека Кими Антонели во Мерцедес заврши 16-ти.
Лиам Лосон мораше да се повлече рано на своето деби во Ред Бул на 18-та позиција, а Нико Хулкенберг (Кик Заубер) и Естебан Окон (Хас) беа меѓу најслабо пласираните, завршувајќи ги квалификациите на 17-то и 19-то место.
Големата награда на Австралија е една од најпрестижните трки во календарот на Формула 1, која традиционално се одржува на патеката Алберт Парк во Мелбурн.
Првпат стана дел од Формула 1 во 1985 година, кога се возеше во Аделаида, а од 1996 година беше префрлен во Мелбурн. Се карактеризира со комбинација на улици и тркачки асфалт, што придонесува за непредвидливост.
Трката е значајна и за возачите и за тимовите, бидејќи често ги поставува стандардите за остатокот од сезоната. Најуспешни возачи во историјата на оваа трка се Михаел Шумахер и Лекс Давинсон со четири триумфи, додека Ферари има постигнато најмногу победи меѓу тимовите, со 14.
Притиснете „Watch on YouTube“:
Големата награда на Австралија ќе се одржи утре.
Извор: autoblog.rs
Спорт
Одржано редовното изборно собрание на ФФМ. Пред нас е многу работа, наша должност е да гледаме напред – истакна претседателот Масар Омерагиќ

Фудбалската федерација на Македонија (ФФМ) денеска го оддржува своето Редовно Изборно Генерално Собрание.
На Собранието присутни се 65 од вкупно 66 делегати од Општинските фудбалски Сојузи и клубовите во рамки на системот на натпревари на нашата федерација.
Актуелниот претседателот Масар Омерагиќ на Изборното Собрание е единствен кандидат за четиригодишен мандат на чело на ФФМ.
Во својот говор на почетокот од работниот дел, првиот човек на македонскиот фудбал се осврна на состојбата која ја затекна од неговото доаѓање на чело на федерацијата на 22. декември 2024 година.
Повеќе ќе прочитате на официјалниот натпис од ФФМ, ТУКА
Спорт
Управниот одбор на ФФМ донесе низа одлуки во системот на натпреварување во сите категории

Фудбалската федерација на Македонија на денешната седница на Управниот одбор донесе низа значајни одлуки кои ќе стапан на сила, истите гласат вака:
– Управниот одбор на ФФМ ја усвои предлог одлуката со кое Собранието на ФФМ го овластува Управниот одбор да се извршат промени во системот на натпреварување во сите категории
– Управниот одбор на ФФМ ја усвои предлог одлуката за реформа на организациската структура на Фудбалската федерација на Македонија
– Управниот одбор на ФФМ ја усвои предлог одлуката за основање на трговско друштво на ФФМ со цел комерцијализација / физичка продажба на опрема и реквизити ФФМ / Фан-Шоп
– Управниот одбор на ФФМ ја усвои предлог одлуката за отпочнување на активности за формирање на арбитража на ФФМ
– Управниот одбор на ФФМ ја усвои предлог одлуката за членови за Комисија за избори и верификација, Надзорниот одбор, Комисија за жалби, Дисциплинска комисија, етички одбор и дисциплински инспектор
Извор: ФФМ
-
Хороскоп1 ден
Хороскоп за сабота (15 март)
-
Хороскоп3 часа
Хороскоп за недела (16 март)
-
Македонија10 часа
МВР поднесе кривична пријава против 29-годишник за „производство и дистрибуција на детска порнографија“
-
Временска прогноза1 час
Попоски: На повидок потврда дека пред нас доаѓа нагла промена на времето
-
Временска прогноза2 дена
Денес и утре ќе се достигне максимумот од топло време
-
Македонија9 часа
(ВИДЕО) Специјалните полициски единици спасија две момчиња од водите на Мавровското езеро
-
Спорт1 ден
Управниот одбор на ФФМ донесе низа одлуки во системот на натпреварување во сите категории
-
Магазин1 ден
Apple ќе им овозможи на родителите да го ограничат користењето на апликациите на децата