Спорт
Решавачки меч за нашите соседи Србија вечерва против Швајцарија во група „Г“ за пласман во осминафиналето на СП во Катар

Одговорот на ова прашање репрезентативците на Србија ќе го дадат околу 22 часот, кога е решавачкиот натпревар од групата Г за пласман во осминафиналето на Светското првенство во Катар, кое „орлите“ ќе го играат против Швајцарија.
– Победата не ни гарантира премин, затоа што, сепак, Бразил ќе мора да победи или барем да реми против Камерун. Дури и „Селесао“ да направи непријатно изненадување, како што направија Французите против Тунис или Шпанија во дуелот со Јапонците, односно да загубат натпревар добиен на хартија, Србија ќе го трасира патот до 16-те најдобри селекции на планетата со поубедлива победа над Камерун, за медиумите истакнаа челниците.
Избраниците на Драган Стојковиќ ќе имаат можност да им се реваншираат на „сајџиите“ за поразот од пред четири години, кога Швајцарија ја совлада Србија во групната фаза на Светското првенство во Русија по пресврт (2:1) и го доби продолжението на турнирот по групната фаза.
Од тој меч денеска ќе има доста играчи на двете страни. Никола Миленковиќ, Душан Тадиќ, Сергеј Милинковиќ-Савиќ, Филип Костиќ, Александар Митровиќ (беа стартери), Андрија Живковиќ, Предраг Рајковиќ, Милош Вељковиќ, Марко Грујиќ, Немања Радоњиќ (играа во второто полувреме), Лукамитиќ и Марк на клупата) се на српската страна, додека на швајцарската страна се Јан Зомер, Мануел Аканџи, Рикардо Родригез, Фабијан Шар, Брел Емболо, Ремо Фројлер, Денис Закарија, Гранит Џака, Ѓердан Шаќири и Харис Сеферовиќ.
Србија во првото коло загуби од Бразил (0:2), а потоа во второто коло израмни со Камерун (3:3).Швајцарката го совлада Камерун (1:0) на отворањето на СП 2022 , додека во истиот натпревар загубија од „Селесао“.
Натпреварот се игра на стадионот „974“ и започнува во 20 часот.
Напред наши!
/euronews.rs
Спорт
(ФОТО) „Градско дерби“, фудбалско надигрување, многу голови и фер плеј – Фудбалот е најубавиот спорт на светот!

Во рамки на денешниот ден генерацијата 2014/2015 од ФК Кичево одигра пријателски натпревар со врсниците исто така од Кичево, екипата на ФК Влазрими. Одлично прикажана игра, фер плеј, маестрални акции, вистинска борба за постигнување погодок.
Големо браво за противничката екипа на ФК Влазрими и стручниот штаб за секогаш добрата организација, браво и до сите фудбалски актери на терен!
Спорт
Кога решителноста го надминува системот, се создаваат вистински херои, кичевчанецот Милошевски доби највисока судиска лиценца од Панамериканската Карате Федерација

Дејан Милошевски од Кичево, Македонија доби највисока судиска лиценца од Панамериканската Карате Федерација и практично се здоби со најголемиот историски успех за македонец кој живее во Америка.
Кога решителноста го надминува системот, се создаваат вистински херои. Тоа најдобро го покажа Дејан Милошевски, Македонец кој живее во САД, со своето постигнување на Панамериканското карате првенство кое неодамна се одржа во Монтереј, Мексико.
На најмасовното првенство досега, со учество на 563 натпреварувачи од 28 држави, за првпат беа вклучени и категории како У21 и Пара Карате. Во таква конкуренција, Милошевски влезе во историјата како првиот Македонец што ја освои највисоката судиска лиценца – „Referee A“ – од Панамериканската Карате Федерација (PKF). Ова признание е едно од најценетите во светот на карате судењето и се добива по долги години работа и стекнување неколку пониски лиценци.
Особено впечатливо е што Милошевски не само што ја доби највисоката лиценца директно, туку тоа му беше одобрено лично од претседателот на федерацијата – нешто што досега не се случило. Дополнително, на теоретските тестирања постигна 100% точност – резултат кој никој друг од 105 кандидати не успеа да го повтори. Освои и лиценца за кати, со што стана првиот Македонец со истовремена европска и панамериканска судиска лиценца.
Овој успех следи по неговото враќање на натпреварувачката сцена на USA Open 2025, по неколкугодишна пауза. Сето ова го постигна без никаква поддршка од Карате федерацијата на Македонија.
– „Се подготвував со срце и цел. Сакав да покажам кој сум и од каде доаѓам. Судев финалиња со гордост и секогаш велев: Јас сум од Македонија. Сега, после ова првенство, секој во PKF знае каде е Македонија“ за Порта.мк изјави Милошевски.
Имено неговиот успех не е само лична победа – тоа е инспирација за сите млади спортисти. Тоа е доказ дека со посветеност и вера во себе, можеш да стигнеш до врвот, дури и без поддршка од системот, додека тој вели „Никој не може да ти ја одземе светлината што сам ја создаваш со својот успех. Таа светлина ќе ги осветлува патиштата на сите што ќе дојдат по тебе.“
Честитки Чобачо!
Спорт
Новак Ѓоковиќ го победи Корентин Муте во третото коло на „Ролан Гарос“

Новак Ѓоковиќ обезбеди место во третото коло на Ролан Гарос со сигурна победа против домашниот играч Корентен Муте, совладувајќи го во три сета – 6:3, 6:2, 7:6 (7:1). Иако натпреварот почна со мали осцилации, српскиот ас брзо го презеде водството и најголем дел од мечот го имаше под контрола.
Во првиот сет, иако го загуби својот сервис рано, Ѓоковиќ веднаш возврати со рибрејк и до 2:2 играта беше израмнета. Потоа тој забрза темпо, освои четири од следните пет гема и без многу проблеми го освои сетот. Неговата прецизност, стабилната одбрана и разновидноста во ударите беа пресудни во овој дел од мечот.
Во вториот сет, Ѓоковиќ уште повеќе ја зацврсти својата игра. Направи рано брејк и брзо поведе со 5:2. Иако Муте се обиде да ја задржи борбеноста, неговите бројни грешки и одличната тактика на Новак му донесоа нов сет без голема драма.
Третиот сет беше далеку понеизвесен. Французинот, охрабрен од домашната публика, заигра поангажирано и во еден момент дури дојде до предност од 4:2. Ѓоковиќ, и покрај проблемот со левото стапало кој го натера да побара медицински тајм-аут, успеа веднаш да се врати во игра со брејк без загубен поен.
До крајот на сетот се водеше голема борба. Муте имаше моменти на инспирација и ја крена публиката со неколку спектакуларни потези, но Новак остана ментално силен и стабилен во клучните моменти. Во тајбрејкот покажа зошто е еден од најголемите – играше беспрекорно и го освои со убедливи 7:1.
Со оваа победа, Ѓоковиќ уште еднаш докажа дека знае како да се справи со притисокот, дури и кога не е на 100% физички.
Следен противник ќе му биде или Шаповалов или Мишолиќ, а според сè што покажува, неговата форма оди во нагорна линија како што турнирот се одвива.
-
Кичево2 дена
(ФОТО) Кога молкот стана глас, а гласот – сила: Кичево денес гласно ја кажа приказната на жените
-
Кичево2 дена
Кичевчани со мирен собир ќе оддадат почит за Отец Партениј, за неговите 30 години посветени во монашкиот живот
-
Хороскоп2 дена
Месечен Хороскоп (јуни 2025)
-
Хороскоп21 час
Хороскоп за понеделник (2 јуни)
-
Кичево21 час
ТППЕ Кичево вечерва спречи поголем пожар на дива депонија помеѓу кичевските села Мидинци и Зајас
-
Македонија1 ден
Бигорскиот Манастир за прв пат се огласи во јавноста по јавните собири
-
Спорт24 часа
(ФОТО) „Градско дерби“, фудбалско надигрување, многу голови и фер плеј – Фудбалот е најубавиот спорт на светот!
-
Македонија1 ден
На место каде е дозволено 60 км/ч, службеници од БПС Гостивар на радар сопреле возач кој „летал“ со 145 км/ч