Денес имавме еден необичен разговор со нашата кичевчанка Наташа Наумоска, еден од основачите, а воедно и член на литературниот клуб „Китка“ од Кичево. Автор на повеќе стихозбирки од кои поголем дел се со духовна содржина, а сите се објавени во електронска верзија на веб просторот „Македоника“. Овојпат топло ги препорачуваме како поткрепа низ духовната пролет на велигденскиот пост до светлото Христово Воскресение како овој разговор така и нејзините стихословија.

1. Како се љуби Бог?
Да претпоставиме дека некој нè навредил, не само еднаш, туку повеќепати. И поради таа навреда ни било тешко, затоа што сме почувствувале неправда; но, сепак сме простиле. Сме се потрудиле да заборавиме. Поради нашиот Спасител, Господа. Поради Неговата заповед да го возљубиме ближниот свој како себеси (Матеј 22,39). Ете, така се љуби Бог.

2. Колку се љуби Бог?
Невозможно е да ги дофатиш облаците, но ги гледаш; и им се радуваш. Невозможно е да го допреш сонцето, но неговата топлина ја чувствуваш. Да помислиш да тргнеш накај нив за да ги дофатиш, ќе ти треба вечноста цела и пак нема да ги стигнеш. Можеби во поим имаат крај, (зашто сè создадено од Бога има крај, само Бог е без почеток и без крај, зашто Он Самиот е Почеток и Крај, Алфа и Омега (Откр. 1,8)), но во суштина се недофатливи и ни изгледаат безгранични. Таков е и Бог – Безграничен. И колку што би било нашето патување до облаците и до сонцето незамисливо, бескрајно… Ете, толку се љуби и Бог. Незамисливо. И бескрајно.

3. Зошто Му се верува на Бога?
Поради љубов. Без интерес, без очекување на возврат за било што. Толку е едноставно! Нам ни е потребен Бог, ние Нему не! Да речеме, некој човек оди во војна; и остава зад себе сè: семејството, домот, имотот. И воопшто не се грижи за ништо. Пак, некој ќе рече: „Треба да е луд, па да не се грижи.“ Да, треба да е луд, но во тоа лудило е најголемата радост. Такви да ги имаше повеќе, камо таа среќа. Малкумина биле јуродиви Христа ради; но вечно им е името на сите. Христос со слава ги овенча; така им возврати за довербата. Зашто Христос никому должен не останува, а ние сме должни. И тие што немаат никаков долг, должни се – на Бога. За животот што го имаат; за воздухот што го дишат. Бедно е нашето благодарење, за изобилните блага што Бог ги истура катаден пред нас, а ние не ги гледаме.

4. Колку треба да Му се верува на Бога?
Како многустрадалниот Јов – безрезервно. До крајот на краиштата. Колку може мајката да ги сака децата свои? И колку детето може да ги сака родителите свои? Но Бог се љуби повеќе. Кога може дури и од ближните да се откаже човек заради Христа, во смисла да ги остави на Неговата милост и на Неговата промисла – тоа се нарекува доверба во Бога и во Неговата промисла. Така се манифестира верата во Троединиот Бог и толку на Бога Му се верува! Исто така, ќе ја искористам оваа прилика и ќе кажам дека ние православните веруваме во Бога Сесвета Троица – Отецот, Синот и Светиот Дух, Троица Единосуштна и Неразделна, Којшто Бог живее во љубовна заедница од вечност. И не е Светото Тројство или Светата Тројца, туку Сесвета Троица.

5. Дали надежта е во Бога?
Самиот Бог е поим за надеж; Он е Надеж. Без Него ниту сонцето дење ќе свети, ниту месечината ноќе ќе изгрева. Да знаеш дека сите услови се против тебе, а ти повторно да опстојуваш, да чувствуваш дека многумина се креваат неправедно против тебе, а ти длабоко во себе не се плашиш зашто не чекаш помош човечка, туку од Господа и продолжуваш понатаму… Тогаш, што е тоа, ако не е надеж во Бога?!?

6. Како Му се благодари на Бога?
Тогаш, кога е лесно, среќни сме, се радуваме; веселие и песна во срцето има. Благодарни сме на Бога – така си мислиме во себе. Но тогаш, кога животот многу препреки и сопки ни става на патот, немоќни сме да ги избегнеме; се сопнуваме, паѓаме, се повредуваме, повторно стануваме и повторно паѓаме и пак стануваме… и така безброј пати. И сето тоа со насмевка на лицето. Така Му се благодари на Бога! Ете, затоа јас со поезија Го прославувам и Му благодарам на Бога за сè.

***
ЗА СВЕТЛОТО БЛАГОДАРЕЊЕ

И ќе се зарадува Господ
за срцето што во благодарие Му извикува:
„Ти благодарам Господи!“;
него достојно ќе го возвеличи.

Ќе погледне Бог на она срце
кое со благодарие воскликнува кон Мајката Бога што Го роди,
за Бога што благодари,
тоа срце без благослов да остане нема!

Ќе ги види Бог оние раце што кон небото се подаваат
за парчето леб да заблагодарат;
Ќе ја види Бог онаа уста што милосрдно благодари
жедна што не е.

Се радува Бог за она срце човечко што Му благодари постојано,
па и за маките што ги трпи,
така Бог ги испитува силниците – оние што ги сака,
така кон Себе ги приближува…

***
За љубовта, онаа вистинската (најдобро е опишана во Првото послание на светиот апостол Павле до Коринтјаните – 1. Кор. 13 гл.), и која не би се нарекувала љубов доколку не е вистинска, но за да ја разликуваме од лицемерната, која сепак, за жал, постои…

ВИСТИНСКАТА ЉУБОВ

Вистинската љубов Го моли Бога за сите, посебно за оној што навистина го љуби;
Вистинската љубов Го моли Бога вр себе да ја земе тагата наближниот свој;
Вистинската љубов ја бара од Бога болката на оној што го сака;
Вистинската љубов не се расфрла со тајните на оној што ѝ ги доверил;
Вистинската љубов трпение има и тогаш кога најмалку може да издржи;
Вистинската љубов не сожалува, таа се восхитува, таа не се превознесува;
Вистинската љубов со збор прегрнува, со молитва милува, гласот не го повишува;
Вистинската љубов така лесно не се разочарува, се бори дури и кога никаква надеж нема, лесно не се откажува;
Вистинската љубов храбро се држи, дури и кога под нозете е разнишано тлото, силата ја црпи одозгора – од Господа;
Вистинската љубов силно верува, верата нејзина дури и неверното срце го пренасочува;
Вистинската љубов многу простува, не гледа лошо во туѓите постапки, дури и кога ги има, таа во себе се труди да ги оправда, во добро се труди да ги претвори;
Вистинската љубов на сè се надева, како мало дете надежно срце има;
Вистинската љубов оди напред во огнот на непријателот, саканите да ги заштити, притоа не мислејќи на себе дали ќе се изгори;
Вистинската љубов дава сè што има за насмевката на љубените свои;
Вистинската љубов наликува на славеј, чија песна ја буди пролетта во срцето на саканите;
Вистинската љубов е извор, од неговата свежина постојано цветаат срцата на оние кои од него пијат;
Вистинската љубов и за најмалиот гест на внимание чувствува благодарие;
Вистинската љубов кога нема со што да возврати за љубовта и добрината, со молитва, со крвта на своето срце, тоа го прави;
Вистинската љубов е како сонце, огрева после секое невреме;
Вистинската љубов често подарува, но самата по себе е најголем подарок;
Вистинската љубов стои во позадина, ги пушта напред нестрпливите, своите површни чувства да ги искажат;
Вистинската љубов не љубомори, таа знае дека секој е посебен и своја вредност има;
Вистинската љубов е самостојна, таа не зависи од љубовта на љубените;
Вистинската љубов е силна, таа на себе е поддршка зашто не се самосожалува;
Вистинската љубов знае нелицемерно да почувствува вина, дури и когаа виновна не е;
Вистинската љубов во пламенот на неправдата се фрла да изгори, да се спасат оние кои ги љуби;
Вистинската љубов не се оправдува, зашто секогаш се преиспитува и секогаш вината во себе ја бара;
Вистинската љубов мисли дека сите други се во право, дека сите се добри; дека се сите подобри од неа;
Вистинската љубов знае дека сè што ќе направи е малку, дека секогаш може повеќе и подобро;
Вистинската љубов простува, дури и кога нема основа за тоа;
Вистинската љубов ја знае силата на насмевката, затоа постојано нежно ја подарува;
Вистинската љубов ја знае силата на убавиот збор, затоа често го кажува;
Вистинската љубов ја знае штетата на лошиот збор, затоа го премолчува;
Вистинската љубов трпение пројавува за сè околу неа што се случува;
Вистинската љубов со своето смирение пример е за тие околу себе;
Вистинската љубов се надева, но не бара, тоа што треба да се случи да ја одмине;
Вистинската љубов ја знае болката на Распетието и доброволно ја трпи;
Вистинската љубов ја претпоставува (чувствува) радоста на Воскресението и со нетрпение го очекува;
Вистинската љубов секој ја има, без разлика дали ја заслужува;
Вистинската љубов е околу секој, поточно во секој, само треба да се побара;
Вистинската љубов вели: „Исус Христос победува!“;
Вистинската љубов е од и во Господа и од Него произлегува и преку Него ни се дарува.
Самиот Он е Љубовта – Вистинската Љубов.

ЗА ЖИВОТОТ  (кој е награда од Бога што треба да ја оправдаме со своето постоење)

Понекогаш, животот е како Саул –
кога лошиот дух ќе го опседне,
напаѓа со стрели отровни, гаѓа кај што ќе стигне…
Го молам Господ со сето срце свое да бидам како пророк Давид –
штом тој по мене со стрели ќе напаѓа,
јас со молитва кон Бога како на харфа да свирам,
та злобниот Саул така да го смирам.
Ќе Го молам Господ мудрост да ми дари,
како Соломон чесно ќе Го замолам,
доброто од злото да ми помогне да ги разликувам,
Он разум и верност да стави во срцето мое.
Како на Мојсеј силна вера до последниот ден.
И кротоста на Авраам во срце да ми ја напише,
а трпеливоста на многустрадалниот Јов
в душа да ми ја насели,
со благодарието на радоста да ме украси,
како свети Јован Дамаскин да ме благослови
додека дишам да Му пеам
благодарствени песнопенија;
додека постојам да Му пишувам
богоугодни стихословија…

Од 6 до 10 март во град Кичево беше почестен со драгоцени гости од училишта од 5 држави (Романија, Италија, Хрватска, Турција и Италија) кои заедно со училиштето ООУ,,Д-р Владимир Полежиноски“ Кичево учествувааа во Еразмус проектот „Ка220“. Проектот е одобрен уште во 2021 година на кој подносител е Алина Крет од Романија.

Мобилностите започнаа во Турција во март 2022 година каде учествуваа наставници по шест од секое училиште темата на оваа мобилност беше „Мотивирајте се и мотивирајте ги нашите ученици да живеат здрав начин на живот“. Во мај по два просветни работници и шест ученици во Италија тема на оваа мобилност беше возење велосипеди.

Во октомври 2023 година три наставника и шест ученика во Словачкакаде темата беше ,,Колективни игри како физичка активност“. На мобилноста во Кичево каде домаќин беше ООУ ,, Д-р Владимир Полежиноски“ организирани од координаторот Анѓелина Цветаноска наставник по македонски јазик со поддршка од директорот на училиштето г-дин Горан Карафилоски, стручната служба, наставниците како и сите вработени во училиштето и учениците и нивните родители.

На оваа мобилност организирани беа игри како во училиште така и во ски центарот Попова Шапка, готвење здрава храна во нашето училиште како и во Средното училиште во Охрид ,,Ванчо Питошески“.

Од овој проект следуваат уште две мобилности во април во Романија и септември во Хрватска.

Повеќе за настаните во нашиот град ќе најдете во продолжение:

Во театарот Долби во Лос Анџелес се одржа 95-тото доделување на наградите Оскар. Домаќин на годинешната церемонија беше Џими Кимел.

Научно-фантастичниот акционен филм Everything Everywhere All at Once е апсолутен победник на вечерта, освојувајќи 7 златни статуи, меѓу кои и најдобар филм и најдобар режисер. Воениот спектакл All Quiet on the Western Front освои четири награди.

Мишел Јео стана првата Азијка која го освои Оскар за најдобра женска улога за нејзината улога во Everything Everywhere All at Once. Јео е само втора жена во боја која ја освоила најдобрата женска улога, по Хали Бери за нејзината улога во Monster’s Ball пред повеќе од две децении.

Џејми Ли Кертис го освои првиот Оскар во нејзината 45-годишна актерска кариера за најдобра споредна женска улога. Ке Хуј Куан ја однесе наградата за најдобра споредна машка улога и одржа еден од најемотивните говори по наградата.

Церемонијата ја одбележа и Брендан Фрејзер, кој беше прогласен за најдобар актер во филмот Кит, кој го означува неговото враќање во Холивуд. Фрејзер го трансформираше изгледот на филмот, кој доби и Оскар за најдобра шминка и коса.

Оскари 2023 – Ова е список на сите победници

Best picture

• All Quiet on the Western Front
• Avatar: The Way of Water
• The Banshees of Inisherin
• Elvis
• Everything Everywhere All at Once
• The Fabelmans
• Tár
• Top Gun: Maverick
• Triangle of Sadness
• Women Talking

This is EVERYTHING 🏆 A huge congratulation to #EverythingEverywhere on winning 7 Academy Awards, including BEST PICTURE! #Oscars95 pic.twitter.com/sJAebzCrrE

— Everything Everywhere (@allatoncemovie) March 13, 2023

Best actress

• Cate Blanchett – Tár
• Ana de Armas – Blonde
• Andrea Riseborough – To Leslie
• Michelle Williams – The Fabelmans
• Michelle Yeoh – Everything Everywhere All at Once

Best actor

• Austin Butler – Elvis
• Colin Farrell – The Banshees of Inisherin
• Brendan Fraser – The Whale
• Paul Mescal – Aftersun
• Bill Nighy – Living

Best supporting actress

• Angela Bassett – Black Panther: Wakanda Forever
• Hong Chau – The Whale
• Kerry Condon – The Banshees of Inisherin
• Jamie Lee Curtis – Everything Everywhere All at Once
• Stephanie Hsu – Everything Everywhere All at Once

Best supporting actor

• Brendan Gleeson – The Banshees of Inisherin
• Brian Tyree Henry – Causeway
• Judd Hirsch – The Fabelmans
• Barry Keoghan – The Banshees of Inisherin
• Ke Huy Quan – Everything Everywhere All at Once

Best director

• Martin McDonagh – The Banshees of Inisherin
• Everything Everywhere All at Once – Daniel Kwan, Daniel Scheinert
• Steven Spielberg – The Fabelmans
• Todd Field – Tár
• Ruben Östlund – Triangle of Sadness

Best original screenplay

• The Banshees of Inisherin – Martin McDonagh
• Everything Everywhere All at Once – Daniel Kwan, Daniel Scheinert
• The Fabelmans – Tony Kushner, Steven Spielberg
• Tár – Todd Field
• Triangle of Sadness – Ruben Östlund

Best adapted screenplay

• All Quiet on the Western Front – Edward Berger, Lesley Paterson, Ian Stokell
• Glass Onion: A Knives Out Mystery – Rian Johnson
• Living – Kazuo Ishiguro
• Top Gun: Maverick – Ehren Kruger, Eric Warren Singer, Christopher McQuarrie
• Women Talking – Sarah Polley

Best animated feature

• Guillermo del Toro’s Pinocchio
• Marcel the Shell With Shoes On
• Puss in Boots: The Last Wish
• The Sea Beast
• Turning Red

Best documentary feature

• All That Breathes – Shaunak Sen, Aman Mann and Teddy Leifer
• All the Beauty and the Bloodshed – Laura Poitras, Howard Gertler, John Lyons, Nan Goldin and Yoni Golijov
• Fire of Love – Sara Dosa, Shane Boris and Ina Fichman
• A House Made of Splinters – Simon Lereng Wilmont and Monica Hellström
• Navalny – Daniel Roher, Odessa Rae, Diane Becker, Melanie Miller and Shane Boris

Best international feature

• All Quiet on the Western Front (Germany)
• Argentina, 1985 (Argentina)
• Close (Belgium)
• EO (Poland)
• The Quiet Girl (Ireland)

Best original song

• Applause – Tell It Like a Woman (Diane Warren)
• Hold My Hand – Top Gun: Maverick (Lady Gaga, BloodPop)
• Naatu Naatu – RRR (MM Keeravaani, Chandrabose)
• Lift Me Up – Black Panther: Wakanda Forever (Tems, Ludwig Göransson, Rihanna and Ryan Coogler)
• This Is A Life – Everything Everywhere All at Once (Ryan Lott, David Byrne, Mitski)

Best original score

• All Quiet on the Western Front – Volker Bertelmann
• Babylon – Justin Hurwitz
• The Banshees of Inisherin – Carter Burwell
• Everything Everywhere All at Once – Son Lux
• The Fabelmans – John Williams

Best cinematography

• All Quiet on the Western Front – James Friend
• Bardo, False Chronicle of a Handful of Truths – Darius Khondji
• Elvis – Mandy Walker
• Empire of Light – Roger Deakins
• Tár – Florian Hoffmeister

Best visual effects

• All Quiet on the Western Front – Frank Petzold, Viktor Müller, Markus Frank, Kamil Jafar
• Avatar: The Way of Water – Joe Letteri, Richard Baneham, Eric Saindon, Daniel Barrett
• The Batman – Dan Lemmon, Russell Earl, Anders Langlands, Dominic Tuohy
• Black Panther: Wakanda Forever – Geoffrey Baumann, Craig Hammack, R. Christopher White, Dan Sudick
• Top Gun: Maverick – Ryan Tudhope, Seth Hill, Bryan Litson, Scott R Fisher

Best film editing

• The Banshees of Inisherin – Mikkel EG Nielsen
• Elvis – Matt Villa, Jonathan Redmond
• Everything Everywhere All at Once – Paul Rogers
• Tár – Monika Willi
• Top Gun: Maverick – Eddie Hamilton

Best costume design

• Babylon – Mary Zophres
• Black Panther: Wakanda Forever – Ruth E Carter
• Elvis – Catherine Martin
• Everything Everywhere All at Once – Shirley Kurata
• Mrs. Harris Goes to Paris – Jenny Beavan

Best sound

• All Quiet on the Western Front – Viktor Prášil, Frank Kruse, Markus Stemler, Lars Ginzel, Stefan Korte
• Avatar: The Way of Water – Julian Howarth, Gwendolyn Yates Whittle, Dick Bernstein, Christopher Boyes, Gary Summers, Michael Hedges
• The Batman – Stuart Wilson, William Files, Douglas Murray, Andy Nelson
• Elvis – David Lee, Wayne Pashley, Andy Nelson, Michael Keller
• Top Gun: Maverick – Mark Weingarten, James H Mather, Al Nelson, Chris Burdon, Mark Taylor

Best production design

• All Quiet on the Western Front – Christian M Goldbeck, Ernestine Hipper
• Avatar: The Way of Water – Dylan Cole, Ben Procter, Vanessa Cole
• Elvis – Catherine Martin, Karen Murphy, Bev Dunn
• Babylon – Florencia Martin, Anthony Carlino
• The Fabelmans – Rick Carter, Karen O’Hara

Best make-up and hairstyling

• All Quiet on the Western Front – Heike Merker, Linda Eisenhamerová
• The Batman – Naomi Donne, Mike Marino, Mike Fontaine
• Black Panther: Wakanda Forever – Camille Friend, Joel Harlow
• Elvis – Mark Coulier, Jason Baird, Aldo Signoretti
• The Whale – Adrien Morot, Judy Chin, Anne Marie Bradley

Best live-action short

• An Irish Goodbye
• Ivalu
• Le Pupille
• Night Ride
• The Red Suitcase

Best animated short

• The Boy, the Mole, the Fox and the Horse
• The Flying Sailor
• Ice Merchants
• My Year of Dicks
• An Ostrich Told Me the World Is Fake and I Think I Believe It

 Best documentary short

• The Elephant Whisperers – Kartiki Gonsalves and Guneet Monga
• Haulout – Evgenia Arbugaeva and Maxim Arbugaev
• How Do You Measure a Year? – Jay Rosenblatt
• The Martha Mitchell Effect – Anne Alvergue and Beth Levison
• Stranger at the Gate – Joshua Seftel and Conall Jones