Кичево

Изложба по повод 20 години резбарска дејност на Марјан Тренески во четврток, градски кичевски храм Св.Петар и Павле, добредојдени сте сите..

Објавено пред

1 година

на

октомври 16, 2023

Од

Порта.мк

По повод 20 години резбарска дејност, во градскиот храм „Свети апостоли Петар и Павле“ – Кичево, ќе биде поставена изложбата „ДОВЕРБА“ од авторот Марјан Тренески.

Марјан Тренески од 2003/2004 година, па до денес активно се занимава со изучување на богатата македонска традиција во оваа занаетчиско-уметничка гранка и изработка на резбарски дела, целосно почитувајќи ја традицијата во Македонија, а оваа е негова трета самостојна изложба, така што авторот ќе се претстави со дваесетина експонати – православни резбарени икони и црковен инвентар.

Изложбата ќе биде збогатена со присуството на академскиот сликар – зограф Илчо Ѓорески кој е со богато зографско творештво повеќе од 25 години, при што ќе бидат изложени неколку негови дела.

Проектот е поддржан од:
Кичевското архиерејско намесништво при храмот „Свети апостоли Петар и Павле“ од Кичево;
„АТВА РЕЗИДЕНС“ – Кичево;
„Клуб 5“ уметности – Кичево;
Фото студио „Зоран“ – Кичево;
„ПИКСИ ПРИНТ“ – Кичево.

Додека „порта.мк“ е медиумски покровител на настанот, а презентер на изложбата е г-дин Ивица Блажески.

Авторот преку нашиот медиум изразува особена благодарност за несебична поддршка сите овие години до „Кнежинскиот манастир“ „Свети великомаченик Георгиј Победоносец“ – село Кнежино и сопствениците на Бурекџилница „Клас“ – Кичево.

Делата ќе бидат поставени од 19.10.2023 година до 21.10.2023 година (од четврток до сабота) во градскиот храм. Сите љубители на богатата резбарско-зографска традиција од Македонија и заинтересираните граѓани на Кичево и пошироко, можат слободно да ја посетат изложбата „ДОВЕРБА“ од авторот Марјан Тренески.

Благодариме на довербата и на поддршката.

Следно

„Enigma Rock Night“ во Кичево

Не пропуштај

(ФОТО) По цели 50 години во храмот „Св.Богородица“ – с.Кленоец кичевско, отслужена Света божествена Литургија, за многу години!

Кичево

Управните служби во Кичево и останатите добиваат ново работно време

Објавено пред

4 дена

на

февруари 18, 2025

Од

Порта.мк

Министерството за внатрешни работи ја информира јавноста дека започнувајќи од денеска (18.02.) Отсеците за управни работи при Одделот за граѓански работи на МВР ќе работат согласно нова работна сатница.

Така, Одделение за управни работи Скопје и Отсек за управни работи Тетово, од понеделник до петок ќе имаат двосменско работење, односно работно време од 07.30 часот до 19.30 часот.

Исто така, и Отсеците за управни работи – Битола, Велес, Куманово, Охрид, Струмица и Штип, од понеделник до петок ќе имаат работното време со почеток од 08.00 часот па до 18.00 часот, а истото работна време ќе важи и за: ОУР Битола за Прилеп, ОУР Велес за Кавадарци, ОУР Охрид за Кичево и Струга, ОУР Тетово за Гостивар и ОУР Штип за Кочани.

Во останатите пак подрачни единици – ОУР Охрид за Дебар; ОУР Битола за Крушево, за Демир Хисар, за Ресен и за Македонски Брод; ОУР Штип за Пробиштип, за Свети Николе, за Виница, за Делчево и за Берово; ОУР Велес за Неготино; ОУР Куманово за Кратово и за Крива Паланка; ОУР Струмица за Гевгелија, за Радовиш и за Валандово, работното време ќе трае од 08.00 часот до 16.00 часот.

Прочитај повеќе...

Кичево

ОВР Кичево изврши контрола на житниот пазар, пронајде нерегуларни продукти на јавна површина

Објавено пред

5 дена

на

февруари 17, 2025

Од

Порта.мк

На 15.02.2025 на подрачјето на Кичево, полициски службеници од ОВР Кичево извршија контроли на лица кои вршат продажба на производи на јавна површина. Притоа, на две тезги на житниот пазар, затекнати се М.Д.(60) од Скопје и А.Џ.(66) од Кичево, кои за продажба изложиле повеќе парализатори и метални палки на преклоп и други предмети.

Врз основа на членот 80 од Законот за оружје, предметите се одземени, а против двете лица ќе бидат поднесени соодветни поднесоци, за медиумите и јавноста известува портпаролот на СВР Охрид, Стефан Димоски.

Прочитај повеќе...

Кичево

(ФОТО) Момчињата од „ФК Кичево“ денес одиграа два контролни меча со одличната екипа на „ФК Гостивар“ на гостински терен

Објавено пред

1 недела

на

февруари 15, 2025

Од

Порта.мк

Во рамки на денешниот ден нашата екипа од „ФК Кичево“ генерација 2011 и 2014 година одиграа два контролни меча со соодветна екипа на „ФК Гостивар“. Преку нашиот медиум, управата и тренерите упатуваат голема благодарност до домаќинот екипата на „ФК Гостивар“ и нивниот координатор г-дин Менсур Јакупи за одличниот прием и можноста да нашите момчиња стекнат нови пријателства и искуства.

Галерија од денешните натпревари, „ФК Кичево“ ген. 2011: