Следете не

Технологија

Samsung развива моќен чип со вештачка интелигенција, тој ќе биде со најголем капацитет досега

Објавено пред

на

Јужнокорејскиот технолошки гигант Samsung Electronics објави дека развил нов мемориски чип кој има „највисок капацитет досега“ за вештачка интелигенција (AI). Компанијата тврди дека нејзиниот нов HBM3E 12H чип ги зголемува перформансите и капацитетот за повеќе од 50 проценти во споредба со стандардните чипови, пренесува CNN (CNBC).

„Давателите на услуги за индустриска вештачка интелигенција сè повеќе бараат HBM со поголем капацитет, а нашиот нов производ HBM3E 12H е дизајниран да ја задоволи таа потреба“, истакна Јонгчеол Бае, извршен потпретседател за планирање на мемориски производи во Samsung Electronics.

Генеративните модели на вештачка интелигенција како што е ChatGPT на OpenAI бараат голем број чипови со високи перформанси.

Моќните чипови им овозможуваат на моделите со вештачка интелигенција да запомнат детали од минатите разговори и преференциите на корисниците за да генерираат одговори што личат на човечки одговори.

Samsung објави дека масовната продажба на новиот чип HBM3E 12H ќе започне во првата половина на 2024 година, дознава b92.net

Магазин

Facebook воведува Passkey: Безбедна најава без лозинка

Објавено пред

на

Фото: Timothy Hales Bennett @ Unsplash

За разлика од класичните лозинки, Passkey не може да се украде, погоди или протече, бидејќи не се внесува ниту испраќа. Овој систем е базиран на криптографска технологија, каде што се креира пар на клучеви – еден останува на вашиот уред, додека другиот се чува на самата услуга. На тој начин се овозможува:

  • Заштита од фишинг напади, бидејќи Passkey работи само со проверени и вистински веб-страници.

  • Побрзо и полесно најавување, без потреба од паметење лозинки.

  • Можност за користење на повеќе уреди, со резервна автентикација преку телефон, е-пошта или безбедносен клуч.

Достапност

Иако нема прецизен датум, Meta најави дека овој начин на најава ќе биде достапен наскоро за Android и iOS корисниците, а поддршката за Messenger ќе следи по тоа.

Покрај новата опција, корисниците ќе можат и понатаму да избираат помеѓу:

  • Традиционални лозинки

  • Физички безбедносни клучеви

  • Двофакторска автентикација

Passkey исто така овозможува побезбедно автоматско внесување на податоци за плаќање преку Meta Pay.

Поддршка од други платформи

Оваа технологија е дел од индустрискиот стандард WebAuthn, кој веќе го поддржуваат и Google, Apple, Microsoft и WhatsApp.

Што значи ова за вас?

Најавувањето на Facebook – и наскоро и на Messenger – ќе стане побезбедно и поедноставно, без потреба од лозинки, со зголемена заштита од фишинг и сајбер закани.

Извор: B92

Прочитај повеќе...

Магазин

Samsung ја завршува поддршката за Tizen паметните часовници – важи од септември 2025

Објавено пред

на

ФОТО: Daniel Romero @ Unsplash.com

Компанијата Samsung најави дека поддршката за нејзините паметни часовници со оперативен систем Tizen ќе заврши до крајот на септември 2025 година. Овој потег претставува финален чекор во транзицијата на компанијата кон платформата Wear OS, која почна уште во 2021 година.

Постепено укинување

Прекинувањето на поддршката се спроведува во неколку фази:

  • 30 септември 2024: Galaxy Store престана да нуди платени апликации за Tizen уредите.

  • 31 мај 2025: Оневозможено е преземање и на бесплатна Tizen содржина.

  • Септември 2025: Прекин и на повторно преземање на претходно купени апликации.

Промената се однесува на паметните часовници кои работат со Tizen, вклучувајќи ги следните модели:

Засегнати уреди:

  • Galaxy Gear серија

    • Galaxy Gear (прв модел)

    • Gear 2

    • Gear S2

    • Gear S3 Classic

    • Gear S3 Frontier

  • Galaxy Watch серија (Tizen-базирана)

    • Galaxy Watch (прва генерација)

    • Galaxy Watch Active

    • Galaxy Watch Active2

    • Galaxy Watch 3

Уредите што дојдоа по Galaxy Watch 3, како Galaxy Watch 4 и поновите, веќе работат со Wear OS и не се засегнати од оваа промена.

Што со Tizen кај телевизорите?

Иако Samsung ги заменува Tizen кај носливите уреди, компанијата засега не планира промена кај паметните телевизори. Тие и понатаму ќе користат Tizen како оперативен систем, со продолжена поддршка до седум години.

Извор: B92

Прочитај повеќе...

Технологија

По последните ажурирања на „Windows“, некои корисници наводно критикуваа една од новите функции

Објавено пред

на

ФОТО: Tadas Sar @ Unsplash.com

По последните ажурирања на „Windows“, многу корисници наводно почнале да се жалат дека функцијата за препознавање лице – „Windows Hello“ – не функционира добро во темни услови. Проблемите започнале од април годинава, кога многумина забележале дека системот не го препознава нивното лице доколку нема доволно светлина.

Иако првично се мислеше дека станува збор за софтверска грешка, подоцнежни информации покажаа дека „Microsoft“ намерно го променил начинот на кој работи „Windows Hello“, со цел да ја подобри безбедноста. Со ажурирањето KB5055523, системот сега бара камерата јасно да го „види“ лицето на корисникот, што значи дека при темна околина, препознавањето не е можно.

Порано, „Windows Hello“ користеше инфрацрвена технологија за „3D скенирање“, што овозможуваше работа и при слаба осветленост. Но, „Microsoft“ открил дека постојат потенцијални безбедносни ризици – иако сè уште не се забележани вистински напади. Поради тоа, компанијата решила да ја намали функционалноста на системот за препознавање лице како превентивна мерка.

Сè уште не е познато дали „Microsoft“ повторно ќе ја активира старата функционалност кога ќе се реши безбедносниот проблем. Во меѓувреме, некои корисници откриле начин да го вратат препознавањето во темно, така што ја оневозможуваат стандардната веб-камера преку „Device Manager“ во „Windows 11.“

Извор: benchmark.rs

Прочитај повеќе...

Facebook

Последни објави

Магазин39 минути

Најбрз домашен сладолед со само една состојка

Верувале или не, за овој вкусен и кремаст сладолед потребна ви е само една состојка – банана. Ова е одличен...

Магазин43 минути

Летен десерт со само две состојки – готов за 5 минути!

Ако барате нешто брзо, лесно и освежително за време на горештините, овој мус од малина во чаша е совршен избор....

Автомобили46 минути

Toyota го претстави првиот електрифициран Land Cruiser во Европа

Кон крајот на 2024 година, Toyota ја освежи понудата на својот легендарен SUV модел, а сега пристигнува и хибридната верзија...

Хороскоп13 часа

Хороскоп за вторник (24 јуни)

ОВЕН Може да очекувате полека, чекор по чекор, успех на деловно поле. Може да се надевате на средба со личноста...

Македонија24 часа

Ново поскапување на сите горива од ноќеска, ова е новата цена за литар

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,50 ден/лит, во однос на малопродажните цени утврдени...

Временска прогноза1 ден

Попоски: Од денес па натаму висок УВ индекс и температури до 40°C

Територијата на нашата Република Македонија од денес (понеделник 23 јуни па се до петок 27 јуни) ќе биде под влијание...

Хороскоп2 дена

Хороскоп за понеделник (23 јуни)

ОВЕН Целото ваше внимание е насочено кон некој семеен проблем. Денес ќе се случи конечната кулминација на сето тоа а...

Македонија2 дена

Полицијата за граничен надзор на „Охридско езеро“ со полни раце работа, приведен охриѓанец и албански државјанин поради незаконит риболов и влез во државата

На 22.06.2025 година во 04.35 часот во водите на Охридското езеро, полициски службеници од полициската станица за граничен надзор „Охридско...

Lifestyle2 дена

Што навистина се случува кога кожата ќе изгори од сонце?

Изгорениците од сонце не се само моментално црвенило – тие се знак за длабоко оштетување на кожата. Под површината се...

Хороскоп3 дена

Хороскоп за недела (22 јуни)

ОВЕН Може да очекувате промени поврзани со вашето работно место. Пред вас е фаза која може да биде многу турбулентна....

НАЈЧИТАНИ