Спорт
Сејдини: ФФМ е спремна за инфраструктурно подобрување на фудбалските капацитети во општините и град Гостивар

Претседателот на Фудбалската федерација на Македонија, Муамед Сејдини денеска одржа состанок со поранешниот градоначалникот и голем поддржувач на фудбалот и спортот во општина Гостивар, Невзат Бејта.
Во „Куќа на фудбалот“ разговараа за подготвеноста на Фудбалската федерација на Македонија за инфраструктурно подобрување на фудбалските капацитети во Гостивар, а првиот човек на ФФМ ја потврди заложбата на федерацијата за помош на сите региони во нашата држава.
– Во име на Фудбалската федерација на Македонија, сакам да им порачам на сите љубители на фудбалот во општина Гостивар и нашиот голем пријател Невзат Бејта дека ние како федерација секогаш сме подготвени да создаваме услови за подобра иднина на македонскиот фудбал.
Ако во тоа ја имаме поддршката од општините, сигурни сме дека можеме да осигураме убава иднина на нашиот спорт, а посебно за најмладите фудбалери.
Како федерација и досега вложувавме во инфраструктурата во Гостивар, а секако дека и во иднина ќе помагаме. Соработката со општините низ државата мора да биде на високо ниво кога се во прашање важни проекти со цел подобра и поквалитетна реализација на истите, изјави претседателот на ФФМ, Муамед Сејдини.
– Пред сѐ би сакал да упатам честитка до претседателот на ФФМ, Муамед Сејдини за неговиот избор и заложбите кој ги прави заедно со Управниот одбор за развој на фудбалот во Македонија. Верувам дека и моите сограѓани од Гостивар се радуваат на успесите на нашата репрезентација и подобрувањето на квалитетот на фудбалот во државата. Исто така, верувам дека заеднички можеме да одиме чекор повеќе во создавањето квалитетна спортска инфраструктура во Гостивар.
Сметам дека треба да влеземе во нови проекти за подобрување на фудбалската инфраструктура, а ние сигурно ќе ја поддржиме секоја иницијатива која ќе значи поквалитени услови за фудбалерите и клубовите.
Гостивар секогаш дава репрезентативни фудбалери, а тоа го заслужуваат и луѓето од фудбалот во нашиот град кои во минатото биле одлични репрезентативци и сеуште го помагаат развојот на спортот во нашата општина, изјави Невзат Бејта.
Спорт
Одлични вести: ВАР системот стана реалност во македонскиот фудбал

Во „Куќата на фудбалот“ официјално беше претставен ВАР системот, кој првпат ќе се користи во историјата на македонскиот фудбал, почнувајќи од новата сезона во Првата македонска фудбалска лига (Прва МФЛ).
Изградени се три ВАР соби, сервер и контролна просторија, сè според стандардите на ФИФА. Деталите за примената на системот ги презентираа претседателот на ФФМ, Масар Омерагиќ, ВАР проект-лидерот Дејан Јакимовски и Јосип Бартон, претседател на комисијата за делегирање судии.
Покрај ВАР технологијата, Фудбалската федерација на Македонија набави и специјално репортажно возило, кое ќе се користи за телевизиски пренос на натпреварите.
Повеќе прочитајте на официјалниот линк од ФФМ, ТУКА
Спорт
Србија официјално остана без „АТП“ турнирот

Турнирот „Белград Опен“, кој беше закажан за ноември 2025 година, е официјално откажан. И покрај големите напори и вложени ресурси, не беа исполнети условите за организација на настанот во предвидениот термин и формат. Поради тоа, организаторите решија да го откажат овогодинешното издание. Овој викенд се потврди веста дека годинашното издание на АТП турнирот нема да се одржи во Белград.
Од 2021 година, организаторите имаа успешно портфолио од девет професионални тениски турнири, меѓу кои пет АТП 250 настани, еден WTA 250, еден WTA 125, еден ATP Challenger 125, како и еден турнир под покровителство на ITF. Овие турнири привлекоа бројна домашна и меѓународна публика, позиционирајќи го Белград како важна дестинација на тениската мапа.
Дефинитивно ништа од АТП турнира у Београду. Нису могли да се обезбеде услови.
Једина прилика за уживо тенис у Србији биће Дејвис куп септембра у Нишу. pic.twitter.com/YgT6jrwHox— Стефан Милић (@StefanMilic00) August 4, 2025
Организаторите изразија гордост за сето досега постигнато и упатија благодарност до сите кои дадоа поддршка — партнери, спонзори и верната публика.
Тие нагласуваат дека остануваат посветени на развојот на тенисот во Србија и дека ќе продолжат да работат на создавање услови за враќање на професионалните турнири во Белград во иднина.
Планираниот турнир требаше да се одржи од 2 до 8 ноември во ОАКА Арената во Атина, каде што инаку настапува кошаркарскиот клуб Панатинаикос. Со оваа одлука, Белград останува без АТП турнир, што претставува значителен удар за тениската сцена во градот.
Посетата на Новак Ѓоковиќ на Атина во јуни се поврзува токму со испитување на можноста за организирање на турнир во Грција, со цел истиот да се премести од Белград.
Спорт
Во петок започнува новата сезона на првата македонска фудбалска лига, првото дерби ќе се одигра во Тетово, подоцна Вардар го дочекува Пелистер

Новата сезона во Првата македонска фудбалска лига започнува во петок, на 8 август, и веднаш носи возбудливи натпревари. Првото дерби ќе се одигра во Тетово, каде што Шкендија и Шкупи 1927 ќе се соочат од 17:00 часот. Ова е еден од најочекуваните дуели од првото коло, истакна Фудбалската федерација на Македонија.
Подоцна истиот ден, на Националната арена „Тодор Проески“ во Скопје, ќе се одржи уште еден голем натпревар – Вардар против Пелистер, со почеток од 20:00 часот.
Целосниот распоред на првото коло од сезоната 2025/26 изгледа вака:
Петок, 8 август:
- Шкендија – Шкупи 1927 | 17:00 | Тетово
- Вардар – Пелистер | 20:00 | Скопје
Сабота, 9 август:
- Башкими 1947 – Аресими 1973 | 17:30 | Куманово
- Струга Трим Лум – Македонија ЃП 1932 | 17:30 | Струга
Недела, 10 август:
- Тиквеш 1930 – Работнички | 17:30 | Кавадарци
Понеделник, 11 август:
- Силекс – АП Брера Струмица | 17:30 | Кратово
Фановите со нетрпение ја очекуваат новата сезона и возбудувањата што ги носи уште од првото коло.
Извор: ФФМ
-
Хороскоп1 ден
Хороскоп за четврток (7 август)
-
Хороскоп10 часа
Хороскоп за петок (8 август)
-
Македонија2 дена
МВР најстрого ќе го санкционира говорот на омраза, само за спортското навивање има место на трибините
-
Магазин2 дена
ChatGPT-5: Што носи новата револуција во вештачката интелигенција?
-
Спорт2 дена
Одлични вести: ВАР системот стана реалност во македонскиот фудбал
-
Македонија17 часа
МВР изрече условна казна затвор и депортирање на германец поради говор на омраза, пред натпреварот Шкендија-Карабах
-
Македонија13 часа
РЦ Запад во координација со СВР Охрид санкционираа албански државјанки без регулиран престој
-
Магазин2 дена
Сочни пилешки бургери од рерна