Спорт
Сејдини: ФФМ е спремна за инфраструктурно подобрување на фудбалските капацитети во општините и град Гостивар

Претседателот на Фудбалската федерација на Македонија, Муамед Сејдини денеска одржа состанок со поранешниот градоначалникот и голем поддржувач на фудбалот и спортот во општина Гостивар, Невзат Бејта.
Во „Куќа на фудбалот“ разговараа за подготвеноста на Фудбалската федерација на Македонија за инфраструктурно подобрување на фудбалските капацитети во Гостивар, а првиот човек на ФФМ ја потврди заложбата на федерацијата за помош на сите региони во нашата држава.
– Во име на Фудбалската федерација на Македонија, сакам да им порачам на сите љубители на фудбалот во општина Гостивар и нашиот голем пријател Невзат Бејта дека ние како федерација секогаш сме подготвени да создаваме услови за подобра иднина на македонскиот фудбал.
Ако во тоа ја имаме поддршката од општините, сигурни сме дека можеме да осигураме убава иднина на нашиот спорт, а посебно за најмладите фудбалери.
Како федерација и досега вложувавме во инфраструктурата во Гостивар, а секако дека и во иднина ќе помагаме. Соработката со општините низ државата мора да биде на високо ниво кога се во прашање важни проекти со цел подобра и поквалитетна реализација на истите, изјави претседателот на ФФМ, Муамед Сејдини.
– Пред сѐ би сакал да упатам честитка до претседателот на ФФМ, Муамед Сејдини за неговиот избор и заложбите кој ги прави заедно со Управниот одбор за развој на фудбалот во Македонија. Верувам дека и моите сограѓани од Гостивар се радуваат на успесите на нашата репрезентација и подобрувањето на квалитетот на фудбалот во државата. Исто така, верувам дека заеднички можеме да одиме чекор повеќе во создавањето квалитетна спортска инфраструктура во Гостивар.
Сметам дека треба да влеземе во нови проекти за подобрување на фудбалската инфраструктура, а ние сигурно ќе ја поддржиме секоја иницијатива која ќе значи поквалитени услови за фудбалерите и клубовите.
Гостивар секогаш дава репрезентативни фудбалери, а тоа го заслужуваат и луѓето од фудбалот во нашиот град кои во минатото биле одлични репрезентативци и сеуште го помагаат развојот на спортот во нашата општина, изјави Невзат Бејта.
Спорт
Манчестер Јунајтед нема да смета на некој фудбалери, еве кои имиња нема да бидат дел од следната сезона

Манчестер Јунајтед објави дека тројца фудбалери – данецот Кристијан Ериксен, швеѓанецот Виктор Линделоф и поранешниот репрезентативец на Северна Ирска, Џони Еванс – ќе го напуштат клубот на 30 јуни, кога им истекуваат договорите. Клубот соопшти дека тие нема да бидат дел од плановите за следната сезона.
– Џони Еванс, кој има 37 години, првпат играше за Јунајтед од 2006 до 2015 година, а повторно се приклучи на тимот во 2023 година. Ериксен, на возраст од 33 години, дојде во клубот во 2022 година, додека Линделоф, кој има 30 години, е дел од Манчестер Јунајтед од 2017 година.
Да потсетиме, Јунајтед неодамна, на 21 мај, го загуби финалето на Лигата на Европа против Тотенхем со минимален резултат од 1:0. Освен тоа, тимот ја заврши Премиер лигата на разочарувачко 15-то место, што претставува нивна најслаба сезона во лигата уште од испаѓањето во 1973/1974 година
Извор: manutd.com
Спорт
Трајковски ја запечати судбината на Казахстан и донесе голема победа на Македонија. Во септември на градски го дочекуваме Лихтенштајн кој на гости го победивме 0:3

Репрезентацијата на Македонија ја забележа својата втора победа во квалификациите за Светското првенство 2026, совладувајќи го Казахстан со 0:1 во четвртото коло. Со оваа победа, македонската репрезентација се искачи на првото место во „групата Ј“, со еден бод повеќе од Велс, кој има одиграно еден натпревар помалку.
– Првото полувреме мина во изедначена борба, но нашите успеаја да го искористат својот момент. Во 33-тата минута, по една несигурна одбрана на Казахстан, топката дојде до Александар Трајковски, кој со прецизен волеј го постигна единствениот гол на натпреварот. Ова беше негов 23-ти погодок во дресот на националниот тим.
Во вториот дел, Казахстан беше поактивен и создаде неколку одлични шанси, но не успеа да постигне израмнувачки гол.
Во шестото коло, на 7-ми септември Македонија ќе игра на домашен терен против Лихтенштајн. Претходно помеѓу овие две селекции се одигра натпревар во гости каде нашите момци го добија со 0:3, стрелци на головите беа Трајковски, Муслиу и Миовски, додека во петтото коло нашата репрезентација е слободна.
Првопласираната репрезентација оди директно на Мундијалот, додека второпласираната ќе игра бараж за место на светската смотра.
Резултати од група Ј:
Казахстан – Македонија 0:1
Белгија – Велс (се игра од 20:45)
Спорт
Управниот одбор на ФФМ донесе низа важни одлуки, меѓу нив усвоен беше новиот систем на натпреварување во МФЛ

На редовната седница на Управниот одбор на Фудбалската федерација на Македонија (ФФМ) беа донесени важни одлуки кои се однесуваат на организацијата и правилата во македонскиот фудбал.
Раководството на ФФМ започнува со конкретни реформи во натпреварувачкиот систем, со цел да се подобри функционирањето и квалитетот на фудбалот во земјава. Се работи на внатрешна трансформација која треба да овозможи посигурен и поуспешен развој на Македонската фудбалска лига (МФЛ), истакнаа од Фудбалската федерација на Македонија.
Повеќе информации ќе прочитате на официјалниот натпис од ФФМ, ТУКА
-
Кичево10 часа
Жива е Македонија! Кичевските полуматуранти од ОУ „Кузман Јосифоски-Питу“ со оро ги развиорија македонските знамиња!
-
Хороскоп2 дена
Хороскоп за понеделник (9 јуни)
-
Хороскоп21 час
Хороскоп за вторник (10 јуни)
-
Спорт1 ден
Трајковски ја запечати судбината на Казахстан и донесе голема победа на Македонија. Во септември на градски го дочекуваме Лихтенштајн кој на гости го победивме 0:3
-
Скопје5 часа
МВР: Млада охриѓанка вработена во скопско казино пронајдена без знаци на живот
-
Македонија1 ден
МВР со детали за повреденото лице падините на врвот „Љуботен“, каде интервенираше АРМ
-
Македонија1 ден
Пак се вози брзо, БПС Тетово на радар измериле 162 км/ч на место каде е дозволено 80 км/ч
-
Временска прогноза13 часа
Денес во Македонија продор на свежина од север, ова се метео информациите