Спорт
По два дена конечно се огласи и Барселона во однос на „Супер Лига“
Само два дена по основањето на Европската Супер лига, конечно добивме реакција од Барселона. Каталонскиот гигант официјално не исчекори, бидејќи тоа го сторија сите англиски клубови, и Интер и Милан, а тој сепак ја држи тезата дека ЕСЛ е неопходен натпревар. Претседателот Лапорта говореше и го објасни својот поглед на ситуацијата што создаде вистински „земјотрес“ во светот на фудбалот.
„Апсолутно е потребно големите клубови да го изразат својот став за распределбата на добивката. Ние ги поддржуваме националните лиги и ќе го продолжиме дијалогот со УЕФА. Големите клубови придонесуваат најмногу, па затоа треба да добијат толку многу за возврат“ – изјави Лапорта за ТВ3.
Потоа продолжи да ја поддржува оваа идеја, иако девет од 12-те клуба се откажаа, и скоро целиот свет е против. “Настапуваме трезвено и мудро. Супер лигата е апсолутно неопходна, но нејзините членови ќе го кажат последниот збор на крајот. Големите клубови придонесуваат најмногу и соодветно на тоа мора да учествуваат во дистрибуцијата на премии. Суперлигата мора да биде атрактивно натпреварување,засновано на спортски заслуги. „Ние сме отворени за дијалог со УЕФА. Мислам дека ќе постигнеме договор. Потребни ни се повеќе ресурси за да го направиме шоуто, а Суперлигата ќе биде тоа“.
“Некои клубови беа изложени на притисок, но предлогот да се приклучи на Суперлигата сè уште постои, и затоа проектот е сè уште жив. Инвестициите во него се многу важни, а платите се огромни и сето тоа мора да се земе предвид, исто така како спортска заслуга “, заклучи Лапорта.
Спорт
Футсал репрезентацијата на Македонија до 19 на почетокот од месец април ќе земе учество на меѓународен турнир „Истра Куп 2024“ во Хрватска
Младата македонска футсал репрезентација на Македонија во периодот од 1. до 7. април ќе земе учество на силниот меѓународен турнир „Истра Куп 2024″, кој ќе се одржи во Умаг, Хрватска. Нашите млади футсал играчи се наоѓаат во групата Б заедно со селекциите на Словенија, домаќинот Хрватска и САД до 18 години.
Во групата А од меѓународниот турнир се наоѓаат селекциите на Франција, Словачка, САД до 19 години и Црна Гора. Во првиот меч, нашата футсал репрезентација ќе се соочи со Словенија, на 2. април со почеток во 18. часот.
Во второто коло кое е на програмата на 3. април играме со домаќинот Хрватска, во 18. часот. На 5. април, со почеток во 13. часот ќе играме со САД до 18 години во рамките на третото коло од турнирот.
Селекторот на младата футсал репрезентација на Македонија до 19 години, за претстојниот меѓународен турнир „Истра Куп 2024″, се одлучи да ги повика следните фудбалери:
– Кристијан Гавровски, Давид Тоневски, Петар Постоловски, Матеј Митровски, Марко Јанушев, Петар Каров, Драган Цветковски (голман), Убејд Бериш, Стефан Апостолоски, Илија Јанкуловски, Ивица Ангелески, Марио Јанев, Никола Стоимировски, Алек Тошевски (голман)
Спорт
Денес беа извлечени паровите на полуфиналето во Купот на Македонија за младиснки категории
Денеска во просториите на Фудбалската федерација на Македонија, се одржа ждрепка на која беа извлечени паровите за полуфиналете во рамките на Купот на Македонија за млади категории.
Натпреварите од полуфиналето на Купот за младинци ќе бидат одиграни на 16, 17 и 18 април.
Се игра по еден меч, доколку заврши нерешено се пристапува директно кон изведување на пенали.
РАСПОРЕД:
Младинци:
Пелистер – Беласица
А.П. Брера – Македонија Ѓ.П.
Кадети:
Шкупи – Шкендија
Брегалница – Вардар
Пионери:
Пелистер – Работнички
А.П. Брера – Шкупи
Помлади пионери:
А.П. Брера – Шкендија
Пелистер – Победа
Спорт
Нова победа на македонската репрезентација до 18 години на силниот меѓународен турнир „Анталија Куп 2024″
Младата репрезентација на Македонија до 18 години одигра нов добар натпревар и ја забележа втората победа во рамките на силниот меѓународен турнир „Анталија Куп 2024″.
Избраниците на селекторот Вујадин Станојковиќ, по победата над Естонија зеблежаа нов убедлив триумф со 3:0 над ФК Анталиаспор.
Нашите млади фудбалери одиграа феноменално прво полувреме надигрувајќи го противникот во секој сегмент од играта. Во првите 30. минута успеавме да постигнеме три погодоци и многу рано да го решиме прашањето на победникот на оваа средба.
На самиот старт на средбата, Силјановски постигнува гол за водство на Македонија. Три минути подоцна Гаштаров ја зголемува нашата предност. Матески во 30. минута се запишува во листата на стрелците и ги поставува конечните 3:0.
МАКЕДОНИЈА: Амар Хаџибулиќ, Андреј Љубевски, Габриел Крстевски, Нуман Ајетовиќ, Милот Синани, Адриан Незир, Давид Ристовски, Никола Манојлов, Давид Матески, Матеј Гаштаров, Андреј Силјаноски;
Селектор: Вујадин Станојковиќ.
Во претходното коло, Македонија забележа убедлива победа над Естонија со 3:0.
Во воведното коло од силниот меѓународен турнир во турска Анталија, нашите млади фудбалери незаслужено беа поразени од Молдавија со минимални 1:0.
-
Хороскоп1 ден
Хороскоп за четврток (28 март)
-
Македонија2 дена
Викендов започнува летното сметање на време, ноќта во недела стрелките на часовникот ги поместуваме еден час по напред
-
Кичево2 дена
ССНМ во Кичево организира работен состанок со новинари од локални медиуми
-
Хороскоп1 час
Хороскоп за петок (29 март)
-
Кичево4 часа
Во петок сите патишта водат на хуманитарниот концерт за Владо Симјановски, бидете дел и уште еднаш да ја покажеме нашата хуманост на дело!
-
Спорт2 дена
Нова победа на македонската репрезентација до 18 години на силниот меѓународен турнир „Анталија Куп 2024″
-
Lifestyle2 дена
Дали знаете што значи WC?
-
Кичево11 часа
МВР: Вкупно 15 кичевски возила-јавни превозници вчера биле пратени на вонреден технички преглед