Спорт
(ВИДЕО) Сејдини и ФФМ денес ја претставија својата Генерална стратегија „Обединети од фудбалот за 2021-2025“

Фудбалската федерација на Македонија официјално ја претстави Генералната стратегија „Обединети од фудбалот 2021-2025“.
При создавањето на стратегијата наша клучна одговорност е да го направиме фудбалот фактор кој придонесува во македонското општество и да ги истакнеме придобивките кои произлегуваат од него. Одбирајќи го овој пристап ќе изградиме посветла иднина, ќе внесеме гордост и ќе ја обединиме нацијата преку фудбалот.
Стратегијата „Обединети од фудбалот“ претставува возбудлив, нов правец за фудбалот во Македонија. Благодарение на успехот на нашата репрезентација како инспирација за промени, нашата работа во иднина ја структуиравме преку СЕДУМ стратешки цели.
Реализацијата нема да биде без предизвици, но одлучни сме да останеме посветени надвор од теренот, како што нашите фудбалери се посветени во него.
Обединети од фудбалот 2021-2025 – Генерална стратегија на ФФМ.pdf
На официјалната презентација на новата стратегија на ФФМ, свои обраќања имаа претседателот на ФФМ, Муамед Сејдини и генералниот секретар, Филип Поповски.
Муамед Сејдини – претседател на ФФМ:
– Сега, кога ги остваруваме нашите стратешки фудбалски цели и интереси, можеме да го свртиме погледот кон иднината што сите ја посакуваме за македонскиот фудбал.
Си земам за слобода да ви се обратам директно, не само во име на вредностите што нè обединуваат, туку многу повеќе затоа што ние заеднички покажавме дека она за што ни беше кажано дека е недостижно, како нашето учество во бараж за Светско првенство или изградбата на фудбалска инфраструктура или поддршката за нашите клубови и академии, е можна.
И покрај тешкиот период надвор од терените, со притисок од пандемијата кој предизвика досега невидени нивоа на изолација на глобално ниво, нашето фудбалско семејство никогаш не било поповрзано. Гордоста која можеше да се препознае низ земјата за време на нашето прво Европско првенство беше неверојатна и јасно е дека желбата да се надоградат овие успеси е заедничка за целата нација.
– Гледајќи кон иднината, а со цел да се надогради овој успех, мора да запаметиме дека репрезентациите кои ни ја донесоа оваа гордост го претставуваат врвот на нашата работа и се резултат на години на посветеност – од играње на улица во нашите населби, па сѐ до нивно претставување на глобалната сцена.
Имајќи го ова во предвид, нашиот иден успех е пропорционален со нашите заложби не само за создавање можности за вклученост во фудбалската игра денес, туку и со размерот со кој ги развиваме основите на нашата игра за уште подобро утре.
Повеќе погледнете во официјалниот видео прилог ТУКА во живо од хотелот „Хилтон“
Спорт
Просинечки најверојатно ќе биде сменет од селектор на Црна Гора, своето деби го започна со победи над Македонија и Белорусија

Роберт Просинечки повеќе нема да ја извршува функцијата селектор на фудбалската репрезентација на Црна Гора. На седницата на Извршниот одбор што ќе се одржи во петок, се очекува претседателот Дејан Савиќевиќ и раководството на Фудбалскиот сојуз официјално да ја потврдат одлуката за негова смена.
До завршување на квалификацискиот циклус, улогата на главен тренер ќе ја преземе Мирко Вучиниќ – првиот капитен во историјата на националниот тим, кој веќе подолг период е дел од стручниот штаб.
Просинечки беше седмиот селектор на Црна Гора по обновувањето на независноста, наследувајќи имиња како Зоран Филиповиќ, Златко Крањчар, Бранко Брновиќ, Љубиша Тумбаковиќ, Фарук Хаџибегиќ и Миодраг Радуловиќ.
Своето деби го имаше во март 2024 година со две победи во пријателски средби против Белорусија и Македонија во Анталија. Но, потоа следеше серија од седум порази – два во пријателски натпревари и пет во официјални – и само победата против Турција во Лигата на нации му го продолжи мандатот.
Во март оваа година Црна Гора запиша две тешки победи дома во квалификациите за Светското првенство, против Гибралтар и Фарските Острови. Сепак, новите порази – два од Чешка и еден од Хрватска – го запечатија неговото заминување.
Во вкупно 16 натпревари на клупата на Црна Гора, Просинечки оствари биланс од пет победи, едно реми и десет порази, пренесува српски „Журнал“
Спорт
(ФОТО) Кичевски „ФК Напредок“ ги наполни трибините со љубители на фудбалот, а играчите им возвратија со победа за почеток на сезоната

Недела, некогаш претпознатлив ден за фудбал на градскиот стадион во Кичево. Но денес за момент се чинеше дека токму го живееме тоа време, а зошто и да не го вратиме сјајот на тоа време?! Денес кичевчани покажаа дека љубовта кон фудбалот полека се враќа, а нашите момчиња тоа го крунисаа со одлично прикажана игра и победа од 3:1 против „ФК Вардар Брвеница“.
Речиси 80% полн капацитет на едната трибина и дел на другата со љубители на фудбалот уживаа во еден прекрасен ден со идеални услови за игра.
Серијата голови ја отвори Котески од 22м со еден маестрален шут уште во 33-та минута, веднаш потоа од далечина Калевски го искористи невниманието на гостинскиот голман и зголеми на 2:0. Третиот гол беше дело на Даутоски во 49-тата минута. За конечните 3:1 Спироски намали во финишот на мечот.
Натпреварот го водеа искусната тројка Марјан Стојаноски, Осман Зеќири и Никола Ѓорѓиевски.
– Можам да бидам задоволен од денешната игра на нашите момци. Активните тренинзи покажуваат резултати како на физичката подготвеност така и останатите битни работи кај фудбалерите. Ова е одличен резултат за почеток на првенството. Ја користам оваа прилика да им се заблагодарам на кичевчани кои дојдоа навистина во голем број и не бодреа до самиот финиш на мечот. Ве уверувам дека ќе ги искористиме сите можности за нашиот сон да се исполни – „Влез во елитната лига“ – за Порта.мк истакна Бобан Дујковиќ, тренер на „ФК Напредок“
Спорт
„ФК Напредок“ денес на домашен терен го игра првиот натпревар од новата сезона, ве повикуваме сите на градски како во старите добри времиња

Стартот во новата сезона во рамките на Трета лига Запад „Фудбалскиот Клуб НАПРЕДОК“ ќе ја започне на домашен терен,а за противник во првото коло ќе гостува екипата на „ФК Вардар Брвеница“.
Натпреварот ќе се одигра денес на Градскиот стадион во Кичево 14.09.2025 г.(недела) со почеток во 16:30 часот.
На сосема новиот и уреден изглед на трибините, ве повикуваме да му дадете максимална поддршка на „ФК Напредок“ како во старите добри времиња и заедно да уживаме во прикажаната игра.
-
Кичево10 часа
Во недела на големиот празник рождество на Пресвета Богородица, во кичевско с.Другово ќе се осветува поставениот Крст
-
Хороскоп2 дена
Хороскоп за среда (17 септември)
-
Хороскоп23 часа
Хороскоп за четврток (18 септември)
-
Музика2 дена
Училиштето за Црковна музика „Митрополит Козма Пречистански“ во петок и сабота преку „аудиција“ врши упис на нови членови за источно пеење
-
Скопје12 часа
Малолетници на 12 и 14 годишна возраст од угостителски објект одзеле пари од вработени и побегнале, едниот се заканил со остар предмет
-
Временска прогноза2 дена
Брз продор на ладен воздух од север, додека само утре услови за слаб локален дожд
-
Временска прогноза14 часа
Следната седмица вистинска промена на времето
-
Магазин1 ден
Осум iOS 26 промени што мора да ги пробате