Спорт
Селекторот Изов го објави списокот на повикани фудбалерки против Летонија „дома“ и Австрија на гостински терен

Женската А репрезентација на Македонија ги продолжува европските квалификации за пласман на Светското првенство што ќе се одигра во Австралија и Нов Зеланд 2023 година.
На тренинг центарот „Петар Милошевски”, на 1. септември (четврток) нашите фудбалерки ќе ја пречекаат селекцијата на Летонија. Натпреварот почнува од 16:00 часот.
Во вториот натпревар од септемвриските квалификации, Македонија ја очекува гостински дуел против Австрија.
Мечот Австрија – Македонија ќе се одигра на 6. септември со почеток во 20:30.
Селекторот на женската репрезентација на Македонија, Кирил Изов за квалификациските средби ги повика следните фудбалерки:
Голмани: Магдалена Лекоска (Љуботен), Викторија Панчурова (Тиверија);
Одбрана: Драгана Костова (Каменица Саса), Павлинка Николовска (Каменица Саса), Елена Петровска (Љуботен), Викторија Недева (Тиверија), Ана Милчевска (Истатов Кул), Теодора Ѓорѓиевска (Истатов Кул), Христина Јошевска (Љуботен), Јулија Живиќ (Сплит);
Среден ред: Александра Јовановска (Истатов Кул), Мила Талевска (Каменица Саса), Ленче Андреевска (Каменица Саса), Марјана Нацева (Борусија Дортмунд), Теа Божиновска (Ријека), Хава Мустафа (Шкендија), Александра Марковска (Скопје), Наташа Андонова (Леванте), Елма Шемсовиќ (Каменица Саса);
Напад: Оливера Цоклеска (Ас Јунајтед), Улза Максути (Ас Јунајтед), Бојана Петкова (Истатов Кул), Салији Шкипе (Хесен Мулхајм. Германија), Гентјана Роки (Купс, Финска);
Тренинг базата на нашата женска селекција е во хотел Истатов, Нов Дојран.
Спорт
Бенфика приреди вистинска сензација, Баерн беше поразен, но со втората позиција продолжува понатаму

Бенфика приреди вистинска сензација на Светското клупско првенство, совладувајќи го Баерн Минхен со минимални 1-0 во Шарлот и обезбедувајќи го првото место во групата Ц.
Заедно со нив, и германскиот тим се пласираше во следната фаза, додека Бока Јуниорс и Оукленд го завршија своето учество во оваа група. Стрелецот на победничкиот гол за португалскиот клуб беше Андреас Сјелдеруп, кој погоди по одлична контранападна акција во 13-тата минута.
Во меѓувреме, натпреварот меѓу Бока и Оукленд во Нешвил заврши нерешено 1:1, но беше прекинат во 54-тата минута поради предупредување за можна бура.
Спорт
Мбапе итно хоспитализиран, клубот ја соопшти причината зошто „голгетерот“ не беше во план против Ал Хилал

Реал Мадрид во моментов се наоѓа во САД каде што учествува на Светското клупско првенство. На првиот натпревар против Ал Хилал, кој заврши 1:1, Килијан Мбапе не настапи.
Клубот објави дека причината за неговото отсуство се здравствени проблеми.
Kylian Mbappé has been diagnosed with acute gastroenteritis and has been hospitalized for various tests and treatment, Real Madrid announced. pic.twitter.com/Eq4wGwU988
— ESPN FC (@ESPNFC) June 19, 2025
– „Нашиот фудбалер Килијан Мбапе има акутен гастроентеритис и е хоспитализиран за дополнителни прегледи и терапија“, стои во официјалното соопштение на Реал Мадрид.
Откако пристигна во САД, Мбапе учествуваше само на два тренинга и не беше дел од поголемиот дел од активностите на тимот. Следниот натпревар на Реал е закажан за недела навечер против Пачука, но останува неизвесно дали францускиот напаѓач ќе биде спремен да настапи.
Спорт
Меѓународната скијачка федерација „FIS“ воведува нов систем за санкционирање, ќе се користат жолти и црвени картони како во фудбалот

Меѓународната скијачка федерација „FIS“ од следната сезона воведува нов систем на санкционирање во скијачките скокови и нордиските дисциплини, користејќи жолти и црвени картони, слично како во фудбалот. Оваа промена има за цел построга контрола и казнување на неправилностите со опремата.
Според новите правила, натпреварувач кој ќе користи недозволена опрема ќе добие жолт картон. Ако го повтори прекршокот, следува црвен картон, што значи суспензија од следното натпреварување и загуба на квотата за националниот тим.
Одлуката беше донесена по бројни контроверзии за време на Светското првенство во Трондхајм 2025. Директорот на натпреварите во „FIS“, Сандро Пертиле, истакна дека последните месеци биле многу предизвикувачки и дека новите мерки се чекор кон подобра контрола и регуларност во спортот.
Покрај картичките, ќе се воведат и построги проверки на опремата – како 3Д мерења на телото за време на натпревари, детална инспекција на оделата, обувките и ракавиците, како и постојан надзор на стартот. Идентификациските чипови ќе се користат само по официјално одобрување на опремата.
Имплементацијата на новиот систем ја предводи Јирген Винклер, во соработка со техничкиот експерт Матијас Хафеле, кој ќе организира обуки за националните федерации.
Со овие промени, „FIS“ има за цел да обезбеди поголема транспарентност и фер-плеј, и планира дополнително да го развива системот за контрола на опремата во иднина.
Извор: fis-ski.com
-
Македонија2 дена
Ново поскапување на сите горива од ноќеска, ова е новата цена за литар
-
Хороскоп1 ден
Хороскоп за вторник (24 јуни)
-
Хороскоп7 часа
Хороскоп за среда (24 јуни)
-
Магазин18 часа
Најбрз домашен сладолед со само една состојка
-
Магазин18 часа
Летен десерт со само две состојки – готов за 5 минути!
-
Автомобили18 часа
Toyota го претстави првиот електрифициран Land Cruiser во Европа
-
Спорт6 часа
Бенфика приреди вистинска сензација, Баерн беше поразен, но со втората позиција продолжува понатаму
-
На денешен ден6 часа
Времеплов: На денешен ден – 25 јуни