Временска прогноза
Сепак по студениот бран, следува период на значително потопло време – ова се најновите метео детали

До крајот на денов времето во Македонија ќе биде претежно облачно и СВЕЖО за овој период од годината со повремени локални врнежи од дожд. Ќе има услови за ретка појава на грмежи, а ќе дува и слаб до умерен ветер претежно од североисточен правец. Температурите ќе се искачуваат во интервалот од 10 до 17 степени.
Во Скопје и околината времето ќе биде претежно облачно со услови за повремени послаби врнежи од дожд. Ќе дува слаб ветер од променлив правец, додека максималната температура ќе се искачи до околу 16 степени.
Во следните денови пак, како што најавивме во претпладневните часови ќе има повеќе сончеви периоди, додека во попладневните ќе има услови за локален развој на нестабилна облачност, проследена со пороен дожд, грмежи и засилен ветер.
Што се однесува до температурите, минималните и тоа особено утре наутро ќе бидат доста ниски и ќе се спуштаат во интервалот од 1 до 8 степени, додека максималните дневни во следните денови ќе бележат тенденција на ПОЗНАЧИТЕЛЕН пораст и ќе се искачуваат во интервалот од 16 до 24 степени.
И во Скопскиот регион во следните денови ќе има повеќе сончеви периоди, додека во попладневните часови повремено ќе има услови за локална нестабилност, проследена со локален пороен дожд, услови за појава на грмежи како и со засилување на ветерот. Температурите ќе бележат тенденција на пораст и ќе се искачуваат во интервалот од 20 до 23 степени.
Инаку до сега најмногу дожд има наврнато во Тетово и тоа 22 л/м2 воден талог – Врнежи се забележани во поголем дел од државава во текот на изминатитње 24 часа.
Автор: Славчо Попоски
Временска прогноза
На почеток од денот многу топло, додека во попладневните часови пороен дожд. Нови врнежи и пониски температури доаѓаат викендов..

Под влијание на многу топлата воздушна маса од Африка, до четврток времето во Македонија ќе се задржи многу топло и сончево со мала локална облачност. Во попладневните и во вечерните часови и понатаму во следните денови ќе биде нестабилно со локална појава на пороен дожд, грмежи и засилен ветер.
Локално ќе има услови за појава на НЕВРЕМЕ, проследено со интензивен пороен дожд, силен ветер, силни и чести електрични празнења и со појава на град.
Температурите ќе се искачуваат во интервалот од 31 до 38 степени, а малку пониски температури ќе имаат северните и североисточните предели од државава.
Освежување на времето, засилен северен ветер, како и нов влажен бран кој ќе услови нови врнежи и нестабилност ќе има во петок. Исто така од петок температурите ќе се искачуваат во интервалот од 21 до 29 степени.
Локални врнежи и нестабилност ќе има и за време на викендот. И во Скопскиот регион од петок па натаму температурите позначително ќе опаднат.
Сето ова ќе биде проследено со засилен северен ветер, а и понатаму ќе има појава на локална нестабилност, проследена со пороен дожд, грмежи и засилен ветер – за Еспресо вели метео прогнозерот Славчо Попоски.
Временска прогноза
Останува исто време, многу топло со освежување во попладневните часови – ова се деталите

Под влијание на МНОГУ ТОПЛАТА воздушна маса од Африка, и во текот на следните неколку денови времето во Македонија ќе се задржи МНОГУ ТОПЛО и сончево со мала локална облачност. Сепак во попладневните и во вечерните часови локално ќе биде нестабилно со пороен дожд, грмежи и засилен ветер.
Локално ќе има услови за појава на КРАТКОТРАЈНО НЕВРЕМЕ, проследено со силен ветер, силни и чести електични празнења, интензивен пороен дожд и со појава на град.
Температурите ќе се искачуваат во интервалот од 31 до 39 степени а Ув – индексот ќе има ЕКСТРЕМНО ВИСОКА вредност и ќе изнесува коефициент некаде околу 10.
И во Скоспкиот регион ќе имаме слично време, повремено со услови за попладневна локална нестабилност. Освежување на времето ќе има од петок, односно од 8 јули и тоа проследено со пад на температурите и со засилен северен ветер – за Еспресо вели метео прогнозерот Славчо Попоски.
Временска прогноза
Многу топло цела седмица, додека во попладневните часови ќе има активна дестабилизација

За време на овој викенд, како и во текот на следната седмица продолжува периодот на многу топло и сончево време. Сепак, во попладневните и во вечерните часови локално ќе биде нестабилно со пороен дожд, грмежи, засилен ветер, а има услови и за локална појава на краткотрајно невреме.
Температурите ќе се движат во интервалот од 31 до 38 степени, додека во најтоплите предели ќе се искачат и до 40 степени.
УВ-индексот ќе има екстремно висока вредност и ќе изнесува коефициент некаде околу 10, па токму поради ова препорачуваме да се заштитувате – за Еспресо вели Славчо Попоски и напоменува дека поради релативно високата влажност во воздухот, во следниот период температурите ќе се чувствуваат како да се повисоки од реално измерените.
-
Кичево2 дена
Неколку кичевски населби утре ќе бидат со времен прекин на електрична енергија поради работа на ЕВН Кичево
-
Магазин2 дена
iPhone 14 ќе руши различни рекорди, еден од нив е цената
-
Култура6 часа
Утре е „Иванден“, празникот за лекување болести и за добивање потомство, за многу години да е!
-
Автомобили14 часа
Автомобилите на Tesla конечно се подготвени за македонските патишта, ја добија опцијата за откривање дупки
-
Хроника14 часа
Во близина на авто-камп Струга во охридско езеро, било забележано удавено лице
-
Македонија2 дена
Ноќеска бил пријавен украинец кој во охридски хотел агресивно се однесувал према вработените
-
Хороскоп4 часа
Хороскоп за четврток (7 јули)
-
Временска прогноза2 дена
На почеток од денот многу топло, додека во попладневните часови пороен дожд. Нови врнежи и пониски температури доаѓаат викендов..