Временска прогноза
Конечно стабилизација и потопло време, ова се најновите метео детали

Денес времето во Македонија ќе биде сончево и ТОПЛО со мала до умерена локална облачност и со слаб ветер од променлив правец. Во попладневните часови и тоа особено во планинските предели ќе има услови за локален краткотраен пороен дожд, грмежи и засилување на ветерот.
Температурите ќе се искачуваат во интервалот од 19 до 26 степени, за Еспресо вели метео прогнозерот Славчо Попоски.
Во Скопје и околината времето ќе биде сончево и ТОПЛО со мала локална облачност. Ќе дува слаб ветер од променлив правец, додека максималната температура ќе се искачи до околу 24 степени.
Потоа во следните денови времето во Македонија ќе се задржи сончево и релативно ТОПЛО со умерена локална, повремено и позначителна облачност. Во попладневните часови локално и тоа особено во планинските региони ќе има услови за нестабилност, проследена со краткотраен пороен дожд, грмежи и засилен ветер.
Што се однесува до температурите, тие ќе бидат без поголеми промени и ќе се искачуваат во интервалот од 19 до 26 степени, додека за време на викендот, како и на самиот почеток од следната недела ќе бидат уште малку повисоки и ќе се искачуваат во интервалот од 20 до 28 степени.
Временска прогноза
Временска прогноза за од понеделник, ова сигурно не се очекуваше..

Под влијание на влажна и ЗНАЧИТЕЛНО ПОСТУДЕНА воздушна маса од север, од понеделник во Македонија ќе дува умерен до ЗАСИЛЕН ветер од северен и од североисточен правец и ќе има врнежи од дожд низ целата држава.
На повеќе места и тоа особено во понеделник попладне и навечер врнежите ќе бидат ИНТЕНЗИВНИ (над 30 л/м2 воден талог).
На планините и на повисоките места во западните предели ќе има врнежи од снег и ќе дојде до формирање на снежна покривка.
Снежната граница особено во западните предели можно е да се спушти до околу, локално и под 1000 м.н.в.
Температурите ПОЗНАЧИТЛНО ќе се намалат (дури и за повеќе од 10 степени во однос на сегашните), и во текот на следната работна недела максималните температури ќе се искачуваат во интервалот од 2 до 12 степени во најтоплите југоисточни предели.
НАПОМЕНА: Температурите кои се очекуваат во текот на следната седмица ќе бидат ЗНАЧИТЕЛНО ПОНИСКИ од вообичаените за овој период од годината, и наутро на повеќе места ќе се спуштаат до околу, па и под нулата.
Автор: Славчо Попоски
Временска прогноза
Со зимата не сме завршиле, вонредно метео на Попоски, ова се деталите..

За време на овој викенд во Македонија ќе се задржат пролетните температури и истите речиси насекаде ќе надминуваат 15 степени, додека во најтоплите централни и југоисточни предели температурата ќе се искачи и над 20 степени.
Сепак ќе има повеќе облачност и ќе има појава на повремен локален дожд, а утре локално ќе биде и естабилно со пороен дожд, грмежи и засилен ветер, особено во попладневните часови.
Исто така утре на повеќе места ќе дува ЗАСИЛЕН, до СИЛЕН ветер од југозападен правец (локално со брзина до околу 80 км/час).
Од понеделник под влијание на влажен и студен воздушен бран ќе има врнежи од дожд насекаде низ Македонија, додека на повисоките места и на планините ќе врне снег и ќе дојде до формирање на снежна покривка.
Сето ова ќе биде проследено со засилен ветер од северен и од североисточен правец. Снежната граница има услови да се спушти и до околу, па дури и под 1000 м.н.в, особено во западните и во северните предели.
Врнежите особено во понеделник попладне и навечер на МНОГУ МЕСТА ќе бидат ИНТЕНЗИВНИ (над 30 л/м2 воден талог).
Температурите ПОЗНАЧИТЕЛНО ќе опаднат (дури за десет, а понекаде и за повеќе од десет степени) и максималните температури од понеделник па натаму ќе се искачуваат во интервалот само од 2 до 10 степени. Температурите кој се очекуваат од понеделник ќе бидат ЗНАЧИТЕЛНО ПОД ПРОСЕКОТ за почетокот на април месец.
По се изгледа дека во првата половина од месец април ќе имаме постудено време од вообичаеното и со почести врнежи од дожд и снег, што значи дека со зимата не е завршено.
Автор: Славчо Попоски
Временска прогноза
Следува топло и стабилно време, но викендот пред нас повторно облаци..

Утринава во Македонија беа измерени навистина невообичаено НИСКИ температури на воздухот, и тоа невообичаено ниски за крај на месец март.
Најстудено како што и беше најавено беше на високите северозападни планински предели, па така на Попова Шапка беа измерени дури -10 степени, потоа -7 во Претор, -6 степени во Маврово, -3 степени во Охрид и во Битола и најтопло беше во Гевгелија и тоа 4 степени.
Во Скопје беа измерени 2 степени.
На повеќе места е забележан умерен до ЗАСИЛЕН мраз, а сето ова МНОГУ ЛОШО ќе влијае врз овошките.
Потоа во следните неколку денови ќе имаме ЗНАЧИТЕЛЕН ПОРАСТ како на минималните утрински, така и на максималните дневни температури на воздухот. Истите преку ден речиси насекаде ќе надминуваат 15 степени, а во најтоплите централни и југоисточни предели температурите ќе се искачат и над 20 степени.
До петок времето ќе биде стабилно и со многу повеќе сонце, додека за време на викендот ќе има повеќе облаци и ќе има појава на повремен локален дожд. Ќе дува ветер од југозападен правец и истиот повремено ќе биде ЗАСИЛЕН на интензитет.
Под влијание на ГОЛЕМ но и ПОСТУДЕН воздушен бран, во понеделник ќе имаме ИНТЕНЗИВНИ врнежи од дожд, снег и северен ветер, но и нов ПАД на температурите.
Детали околу ова следуваат овие денови, кога состојбата ќе биде многу појасна.
За порта пишува Попоски.
-
Хороскоп1 ден
Месечен Хороскоп (април 2023)
-
Хороскоп12 часа
Хороскоп за недела (2 април)
-
Скопје20 часа
Потврдено од МВР. Имало господ! Пронајдени се двете исчезнати дечиња на подрачјето кај Бит Пазар
-
Временска прогноза2 дена
Со зимата не сме завршиле, вонредно метео на Попоски, ова се деталите..
-
Македонија1 ден
Инфо до сите кои патуваат преку „Стража“ до тетовски „Групчин“, во вторник ќе има посебен сообраќаен режим – известуваат од СВР Тетово
-
Занимливости2 дена
„Станица Стража“ вработува касиери и пица мајстор, кои ќе имаат одлични услови за работа, платен превоз и редовна плата
-
Македонија1 ден
(ФОТО) На ГП Табановце пронајдена поголема сума непријавени пари кај турски државјанин
-
Кичево2 дена
Нова неделна супер акција во АТВА Маркети – Кичево, купувајте по одлични цени!